انار بۇلت \ شينجياڭ گازەتىنىڭ حابارى (ءتىلشى رىن چۇنشياڭ حابارلايدى) جاڭا تيپتى ايدارشا ۆيرۋسپەن جۇعىمدالۋدى ەمدەۋ ٴدارى - دارمەكتەرىمەن قامداۋدى قامتاماسىز ەتىپ، بۇقارانىڭ ءدارى - دارمەك جونىندەگى قاجەتىن قاناعاتتاندىرۋ ٴۇشىن، اۆتونوميالى رايوندىق ەمدەۋدى قامتاماسىزداندىرۋ مەكەمەسى اۆتونوميالى رايوندىق ۇكىمەت ىستەرىنە قىزمەت وتەۋ جانە الەۋمەتتىك بايلىق ساۋدا ورتالىعىمەن بىرلەسىپ، جاڭا تيپتى ايدارشا ۆيرۋسپەن جۇعىمدالۋعا قاتىستى شۇعىل قاجەتتى ٴدارى - دارمەكتەردى تورعا شىعاراتىن جاسىل ارنا اشتى، 1 - ايدىڭ 20 - كۇنى تۇڭعىش توپتاعى 117 ٴتۇرلى ٴدارى - دارمەك تورعا شىعارىلدى، بۇل 61 كاسىپورىنعا سايادى.
تۇڭعىش توپتا تەكسەرۋدەن ءوتىپ، تورعا شىعارىلعان دارىلەر تۇماۋ، قىزۋ، جوتەلۋ سياقتىلاردى ەمدەۋ دارىلەرى، قىزۋدى قايتارىپ، اۋىرعاندى باساتىن برۋفەن، بالالاردىڭ وكپە تازالاۋ تۇيىرشىگى سياقتى ۇنەمى قولدانىلاتىن دارىلەردى قامتيدى. اۆتونوميالى رايوننىڭ ٴبىر تۇتاس تورعا شىعارۋ ەرەجەسى بويىنشا، بۇل دارىلەر بۇكىل ەلدەگى ولكە دارەجەلى تەكشەلەردىڭ ەڭ تومەنگى تورعا شىعارىلاتىن باعا ولشەمىندە تورعا شىعارىلعان.
اۆتونوميالى رايوندىق ەمدەۋدى قامتاماسىز ەتۋ مەكەمەسى ءدارى - دارمەك باعاسى جانە مەردىگەر شاقىرىپ ساتىپ الۋ باسقارماسىنىڭ جاۋاپتىسى بىلاي دەپ تانىستىردى: جاڭا تيپتى ايدارشا ۆيرۋسپەن جۇعىمدالۋدى ەمدەۋ ءدارى - دارمەكتەرىن شۇعىل جاعدايعا توتەپ بەرۋ بويىنشا تورعا شىعارۋ جاسىل ارناسى بىلتىر 12 ـ ايدىڭ 26 ـ كۇنىنەن باستاپ اشىلىپ، شۇعىل جاعدايعا توتەپ بەرۋ بويىنشا تورعا شىعارۋ ٴوتىنىش ەتۋ ٴتارتىبى كەمەلدەندىرىلگەننەن كەيىن، دەر كەزىندە قابىلداپ، تورعا شىعارۋ ٴوتىنىشىن جەدەل تەكسەرىپ، شاپشاڭ ءبىر جاقتىلى ەتىپ، ٴدارى ـ دارمەكتەردى ۇكىمەت باسقارۋىنداعى ەمدەۋ قۇرىلىمدارىنا ەڭ تەز قارقىنمەن جەتكىزىپ بەرىپ، رايونىمىزداعى ەمدەۋ قۇرىلىمدارىنىڭ تارتىپپەن ساتىپ الۋىنا، قامداۋىنا شىنايى كەپىلدىك ەتىپ، كلينيكالىق قۇتقارۋ ـ ەمدەۋدىڭ پايدالانۋ قاجەتىن قاناعاتتاندىردى.
”ٴدارى - دارمەكتەر تورعا شىعارىلعاننان كەيىن، ۇكىمەتتىك ەمدەۋ قۇرىلىمدارىنىڭ اۆتونوميالى رايوننىڭ مەردىگەر شاقىرىپ ساتىپ الۋ تۇعىرى ارقىلى ٴتىپتى دە كوپ جاڭا تيپتى ايدارشا ۆيرۋسپەن جۇعىمدالۋدى ەمدەۋگە قاتىستى ٴدارى - دارمەكتەردى ساتىپ الۋىنا مۇمكىندىك جاسالىپ، جاڭا تيپتى ايدارشا ۆيرۋسپەن جۇعىمدالۋدى ەمدەۋ، ٴدارى - دارمەك ساتىپ الۋ ارناسىن كەڭەيتتى، قازىرگە دەيىن بۇكىل رايوندا تورعا شىعارىلعان جاڭا تيپتى ايدارشا ۆيرۋسپەن جۇعىمدالۋدى ەمدەۋگە قولدانىلاتىن ٴدارى - دارمەك 2336 تۇرگە جەتىپ، 700 دەن استام كاسىپورىنمەن بايلانىستى بولدى“، - دەدى بۇل جاۋاپتى ادام.
وسى رەت ٴبىر ۋاقىتتا تورعا شىعارىلعان جاڭا تيپتى ايدارشا ۆيرۋسپەن جۇعىمدالۋدى ەمدەۋدىڭ جاڭا دارىلەرى دە بار. حاڭجوۋ موشادۇڭ ٴدارى جاساۋ شەكتى سەرىكتەستىگى وندىرگەن مولنۋپيراۆير كاپسۋلاسى تيانجين قالاسى جاريالاعان جاڭا تيپتى ايدارشا ۆيرۋسپەن جۇعىمدالۋدى ەمدەۋ ٴدارى ـ دارمەگى، بۇل رەت مەملەكەت بويىنشا جاپپاي قولدانىلاتىن العاشقى تاراتۋ باعاسى بويىنشا، اۆتونوميالى رايونىمىزدا تىكەلەي تورعا شىعارىلدى. وسى جاۋاپتى ادام بىلاي دەدى: ”جاڭا دارىلەردىڭ تورعا شىعارىلۋى كاسىپورىنداردىڭ بۇكىل ەلدەگى ٴارقايسى ولكەلەردەن تورعا شىعارۋعا ٴوتىنىش ەتۋدەگى جۇمىس سيپاتىندىق اۋىرتپالىعىن بارىنشا جەڭىلدەتتى، سونداي ـ اق رايونىمىزداعى بۇقارالاردىڭ ٴوز جەرىندەگى ۇكىمەت باسقارۋىنداعى ەمدەۋ قۇرىلىمدارىنان جاڭادان بەكىتىلگەن جاڭا تيپتى ايدارشا ۆيرۋسپەن جۇعىمدالۋدى ەمدەۋ دارىلەرىن تەز ارادا ساتىپ الۋىنا مۇمكىندىك جاسادى“.
