50 شاعىن بەينەجازبا تۋىندىسى شەشۋشى جارىسقا جولداما الدى

日期:2023年01月31日
来源:新疆日报
【字体:

اۆتونوميالى رايوننىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ نەگىزگى ساتى شاعىن بەينەجازبالىق ”بۇلتتىق ۇگىت لەكسيا“ جارىسىنا داۋىس بەرۋ ناتيجەسى جاريالاندى

  50 شاعىن بەينەجازبا تۋىندىسى شەشۋشى جارىسقا جولداما الدى

  انار بۇلت \ شينجياڭ گازەتىنىڭ ءتىلشىسى جاڭ يانفاڭ 1 - ايدىڭ 30 - كۇنى ۇرىمجىدەن حابارلايدى. اۆتونوميالى رايوننىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ نەگىزگى ساتى شاعىن بەينەجازبالىق ”بۇلتتىق ۇگىت لەكسيا“ جارىسىنا داۋىس بەرۋ ناتيجەسى 1 - ايدىڭ 30 - كۇنى جاريالاندى. ”جاڭا داۋىردە قايراتتانايىق! جاڭا جورىقتا كۇرەس جۇرگىزەيىك!“ نەگىزگى تاقىرىبىنداعى 50 شاعىن بەينەجازبا تۋىندىسى (ياعني ۇگىت لەكسياشى) شەشۋشى جارىسقا جولداما الدى.

  پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، بۇكىل شينجياڭداعى ءار ۇلت حالقىنىڭ پارتيانى سۇيەتىن، وتاندى سۇيەتىن، مەكەندى سۇيەتىن ىنتا - ىقىلاسىن ايگىلەۋ، پارتيا 20 - قۇرىلتايى رۋحىنىڭ تياناقتاپ تامىر تارتۋىن ىلگەرىلەتۋ كوزدەلگەن وسى رەتكى جارىستى اۆتونوميالى رايوندىق پارتكومنىڭ ۇگىت ءبولىمى باس بولىپ وتكىزگەن، شينجياڭ گازەتشىلىك تاراتۋ مەدياسى (توبى) شەكتى سەرىكتەستىگى سەلبەسىپ وتكىزگەن.

  جارىستا بۇكىل شينجياڭنىڭ جەر - جەرىنەن قابىلدانعان 181 شاعىن بەينەجازبا تۋىندىسى ينتەرنەتتە جۇرتشىلىقتىڭ داۋىس بەرۋ كەزەڭىنە جولداما الدى. 1 - ايدىڭ 20 - كۇنىنەن بەرى، قالىڭ ينتەرنەت پايدالانۋشىلار وزدەرى ۇناتقان تۋىندىلارعا جابال داۋىس بەردى، بۇعان جيىنى ءبىر ميلليون 240 مىڭنان استام ادام قاتىناستى، داۋىس بەرۋ پاراقشاسىنىڭ كورىلىمى 60 ميلليون ادام - رەتتەن استى، بەرىلگەن داۋىس سانى 8 ميلليون 400 مىڭنان استى، 230 مىڭنان استام ادام (رەت) ۋيشين دوستار شەڭبەرى ارقىلى داۋىس بەرۋ قيمىلىن ءبولىستى.

  ينتەرنەتتە جۇرتشىلىقتىڭ داۋىس بەرۋى ارقىلى وزىپ شىققان 50 شاعىن بەينەجازبا تۋىندىسىنىڭ كەيبىرەۋىندە ”ءداۋىر ونەگەسى“ لاچىن بايەكەنىڭ جان تەبىرەنتەرلىك حيكاياسى اسەرلى باياندالسا، كەيبىرەۋىندە ءورت ءوشىرۋ، ورتتەن ساقتانۋ قىزمەتكەرلەرىنىڭ قۇلاما قۇزدا قامالىپ قالعان ساياحاتشىلاردى ەرلىكپەن قۇتقارعان حيكاياسى تەبىرەنىسپەن باياندالعان، بۇلاردان سىرت، اۋدان ورتالىعىنىڭ 10 جىلدىق دامۋىن، وزگەرىستەرىن تىلگە تيەك ەتۋ، مۇناي قالاسىنىڭ جاڭا تەحنيكانى قولدانىپ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىنىڭ جۇزەگە اسۋىنا دەم بەرگەندىگىن تىلگە تيەك ەتۋ ارقىلى پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسۋ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ بەرىك بەكىمى بىلدىرىلگەن شاعىن بەينەجازبالار دا بار ەكەن. سونىمەن بىرگە، ۇگىت لەكسياشىلار بەينەلەۋ تاسىلىندە دە ۇزدىكسىز جاڭالىق اشتى. ايتالىق، فۋكاڭ قالاسى زىنيچۋانزى قالاشىعى جيەبەي قىستاعىنىڭ ۇگىت لەكسياشىلارى ءان - كۇيمەن جىرلاۋ ءتاسىلى ارقىلى پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى؛ اۋات اۋدانىنىڭ ۇگىت لەكسياشىلارى جاندى ءارى جاڭا دولان شارۋالار سۋرەتى ارقىلى وزگەرىستەردى ءتۇسىندىرىپ، ۇگىت لەكسيا جاسادى... كوپشىلىك ءوز ونەرىن ايگىلەدى، جاناسىمدى، جانعا جىلى ۇگىت لەكسيا مازمۇندارى پارتيا 20 - قۇرىلتايى رۋحىنىڭ ورەلى ونەگە كورسەتىپ، جالپى جۇرتتىڭ جان الەمىن نارلەندىرۋگە مۇمكىندىك جاسادى.

  جارىستىڭ شەشۋشى جارىسى 2 - ايدىڭ باس شەنىندە وتكىزىلەدى. شەشۋشى جارىسقا ىلىنگەن 50 ۇگىت لەكسياشى بەينە ەكران بايلانىسى تاسىلىمەن جارىسقا قاتىناسادى، اۆتونوميالى رايوننىڭ ماماندار گرۋپپاسى باعالايدى، ەڭ سوڭىندا سارالانىپ شىققان ەڭ ۇزدىك 10 ۇگىت لەكسياشى مەن 20 تاڭداۋلى ۇگىت لەكسياشىعا داڭق كۋالىگى جانە سيلىق اقشا بەرىلەدى.