جۇڭگو تەمىر جولى ءۇرىمجى مەكەمەسى توبى سەرىكتەستىگىنىڭ جولاۋشىلار پويەزى بازاسى
وي تولعاۋى ”قار قالاسى“ اتتى پويەزعا نەلىكتەن نازار اۋداردى
□ انار بۇلت \ شينجياڭ گازەتىنىڭ ءتىلشىسى ءابيبا
”ءارقايسى ۆاگونداعى پويەز قىزمەتكەرلەرى جانە ءبىر رەت مۇقيات تەكسەرىپ شىعىڭىزدار، 10 مينۋتتان كەيىن جينالىپ مالىمەت بەرەسىزدەر“. 1 - ايدىڭ 29 - كۇنى ساعات 16دان 40 مينۋت وتكەندە جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ جولاۋشىلار پويەزى بازاسىندا قاتىناۋ الدىنداعى دايىندىق جۇمىستارىن جۇرگىزىپ جاتقان ”جۇڭگو قار قالاسى · التاي“ اتتى ساياحات پويەزىنىڭ باستىعى ديڭ لەيگاڭ تىلدەسكىشپەن قىزمەت ورنالاستىردى. 2022 - جىلى 12 - ايدىڭ 28 - كۇنى قاتىناعاننان بەرى، وسى پويەزعا وتىرعان جولاۋشى 35 مىڭ ادامعا (رەت) جەتىپ، كۇنىنە ورتا ەسەپپەن 1100 ادامنان (رەت) استى.
”جۇڭگو قار قالاسى . التاي“ اتتى ساياحات پويەزى باتىس سولتۇستىكتەگى تۇڭعىش رەتكى قار - مۇز ساياحات پويەزى، قاتىناۋ ارالىعى 908 كيلومەتر، كەشقۇرىم اتتانىپ تاڭ اتاردا جەتەدى، جالپى بارىستا تەك 2 جولاۋشى تاسىمال بەكەتىنە توقتايدى، بارارداعى ۋاقىتى شامامەن 3 ساعات 50 مينۋت، قايتقانداعى ۋاقىتى 2 ساعات قىسقاردى. كۇندىز قار - مۇزدى تاماشالاۋعا، كەشتە پويەزدا تىنىعۋعا ۋاقىت جەتكىلىكتى، ونىڭ ۇستىنە تاڭەرتەڭ ۇرىمجىگە قايتىپ كەلگەننەن كەيىن ۇزدىكسىز ساياحاتتاۋعا ىقپال جاسامايدى ءارى ساياحاتشىلاردىڭ ساياحاتتاۋ زاڭدىلىعىنا، ادەتىنە ۇيلەسەدى، سونداي - اق جاتاق قاراجاتى شىعىسىن ۇنەمدەۋگە بولادى.
1 - ايدىڭ 28 - كۇنى CCTV «وي تولعاۋى» ايدارىندا 15 مينۋتتىق ارناۋلى حابار «قاردا دۋمان قۇرىپ كوكتەم مەرەكەسىن شات مەرەيمەن قارسى الدى» دەگەن ارناۋلى حابار بەرىلىپ، بۇكىل ەلدەگى كورەرمەندەردىڭ شينجياڭنىڭ قار - مۇز ساياحات بايلىعىنا جانە وسى كەزەكتى پويەزعا نازار اۋدارۋىنا تۇرتكى بولدى.
”پويەز بۇكىل ەلگە ايگىلى بولدى، مۇنى ءبىز ماقتانىش سەزىنەمىز“، - دەدى ديڭ لەيگاڭ، اناعۇرلىم جوعارى ساپالى قىزمەت وتەۋ ءۇشىن، وسى پويەزدىڭ 4 كەزەك گرۋپپاسى كەزەكپەن كەزەكشىلىك ەتەدى. سول كۇنى ديڭ لەيگاڭ توبىنداعىلاردىڭ 10 - رەتكى قاتىناۋى ەكەن. كوكتەم مەرەكەسىنە قاراعان كۇنى ونىڭ توبى دا پويەزدا جولاۋشىلارمەن بىرگە ەستەن كەتپەس كوكتەم مەرەكەسىنە قاراعان ءتۇندى وتكىزدى.
ديڭ لەيگاڭ بىلاي دەپ تانىستىردى: پويەزعا وتىراتىن جولاۋشىلار وتە كوپ، شاڭعى تەبۋشىلەر باسىم كوپ ساندى ۇستايدى. وعان ەڭ تەرەڭ اسەر قالدىرعانى جياڭشيدان كەلگەن ءبىر قىز بالا ەدى، پويەز قىزمەتكەرلەرىنىڭ كومەگىندە شاڭعى تاقتايشاسىن ارناۋلى ۆاگونعا قويعاننان كەيىن، ماڭىنداعى جولاۋشىلاردان التاي شاڭعى الاڭى مەن كورىنىس ءتۇيىنى جونىندە تەبىرەنە كەڭەس سۇرادى. ”ءبىز وعان كوپتەگەن كورىنىس تۇيىندەرى مەن التايدىڭ شاڭعى تەبۋ تاريحىن اڭگىمەلەپ بەردىك، سول كەزدە ونىڭ جانارىنان ىنتىزارلىق اڭعارىلدى، مەن التايدىڭ قار - مۇز بايلىعىنىڭ شاڭعى سپورتىن قىزۋ سۇيەتىن وسى ادامدارعا اكەلگەن وراسان زور شاتتىعىن تاعى ءبىر رەت سەزىندىم“.
پويەزدا ارناۋلى ساياحات جەتەكشىسى جوق، بارلىق قىزمەتكەرلەر ”ساياحات جەتەكشىسى“ بولادى. پويەز جولعا شىعۋدان بۇرىن بارلىق قىزمەتكەرلەرگە كوپ رەت كاسىپتىك تاربيە جۇرگىزىلەدى، ”ساياحاتشىلار قاجەت ەتسە بولعانى، ءبىز ساياحات جەتەكشىسى سياقتى كوپشىلىككە التايدىڭ شاڭعى تاريحى، شاڭعى الاڭىنىڭ ەرەكشەلىگى، سونداي - اق سالت - سانا، ءدامدى تاعامدار سياقتىلاردى ءتۇسىندىرىپ بەرە الامىز“، - دەدى ديڭ لەيگاڭ.
”كوكتەم مەرەكەسىنە قاراعان كۇنى ساياحاتشىلار قاتتى قۋاندى، كوپشىلىك شاراپحانا ۆاگونىندا ءان ايتىپ، ءبي بيلەپ، التاي ۆوكزالىنا تاياعاندا ارەڭ تارادى“، - دەدى پويەز قىزمەتكەرى يۇي في سول كۇنگى كورىنىستى ەسىنە العاندا قۋانىشپەن. سول كۇنى پويەزدا كوبىنەسە سىچۋان، جياڭشي، گۋاڭدۇڭ، شاڭحاي سياقتى جەرلەردەن كەلگەن ساياحاتشىلار بار ەدى، كوپشىلىكتىڭ ءبىر اراعا جينالۋىنا ”شينجياڭنىڭ قار - مۇزى“ سەبەپ بولدى، سونداي - اق كوكتەم مەرەكەسى بايلانىسىمەن ءبىر - بىرىنە توست ايتىپ، تىلەك ءبىلدىرىپ، اڭگىمەلەستى ءارى پويەزعا 福 ءارىبىن، تەرەزە گۇلىن جاپسىرىپ، وزگەشە مەرەكەلىك تاعامنان بىرگە ءدام تاتتى.
”پويەز قاتىناعاننان بەرى ەڭ كوپ سويلەگەنىم سول كۇنى بولار“، - دەدى يۇي في. سول كۇنى: التايدىڭ كورىنىس تۇيىندەرى قايسىلار، شينجياڭدا قانشا شاڭعى الاڭى بار، التايعا بارعاندا قانداي ءدامدى تاعامداردان ءدام تاتۋ كەرەك، ت. ب دەپ سۇراعان جولاۋشىلارعا ول سابىرلىلىقپەن ءبىر - بىرلەپ جاۋاپ بەردى. ”مەن تاعى وزىممەن قارايلاس كوپتەگەن جولاۋشىلارمەن تانىستىم، ءبارى مەنى ۋيشينعا دوس رەتىندە قوسىپ الدى“، - دەدى ول.
سىچۋاننان كەلگەن جولاۋشى ماۋ مياۋ سول كۇنى وسى پويەزعا وتىرىپ، يۇي فيمەن تانىسادى. ”بيىل قىستا دوستارىممەن كوكتەم مەرەكەسى دەمالىسىندا شاڭعى تەبۋگە ۋادەلەسىپ قويدىق، شينجياڭعا بارامىز با، الدە بەيجيڭگە بارامىز با دەپ ءارى - ءسارى بولىپ جۇرگەنبىز، ەڭ سوڭىندا التايدىڭ اق قارى باسىم شىقتى“، - دەدى ماۋ مياۋ. كەلەردەن بۇرىن ول دوستارىمەن بىرگە ەرەكشە دايىندالىپ، وسىنداي ءبىر كەزەكشى پويەز بار ەكەنىن بىلگەن سوڭ تاباندا بەلەت ساتىپ العان، ”وسى ارناۋلى پويەزدا شاڭعى تاقتايشاسىن قوياتىن جەر دە بار ەكەن، ونىڭ ۇستىنە دەمالىسىم دا جاقسى بولدى، ساپار بارىسىندا تاعى شىعىسىمدى، شاڭعى تەبەتىن دوستارعا جولىقتىم، بەينە بەلگىسىز قوراپ اشقانداي تاڭ - تاماشاعا تولى بولدى“، - دەدى.
ماۋ مياۋ مەن دوستارى التاي جياڭجۇن تاۋى حالىقارالىق شاڭعى دەمالىس اۋماعىندا تۇپ - تۋرا 3 كۇن شاڭعى تەپتى. اق قار جامىلعان الاپتا تالاي رەت جىعىلىپ، تابيعاتپەن تالاي رەت قاۋىشىپ، شاڭعى تەپكەننەن بەرگى ەڭ كوڭىلدى سىرعاناۋدى سەزىندى. 3 كۇننەن كەيىن ول تاعى دا وسى ارناۋلى پويەزبەن ءۇرىمجى قالاسىنا كەلىپ، شينجياڭ جىبەك جولى حالىقارالىق شاڭعى دەمالىس اۋماعىندا اي - ۋىن داڭعىلىنان سىرعاناپ شەرىنەن شىقتى. ”كەلە سالىپ جاڭا تانىسقان دوستارىممەن بىرگە جاقىندا شينجياڭعا 2 - رەت ساپارلاي بارۋدى جوسپارلادىق، ءبىز ۋادەلەسىپ قويدىق، كەلەردە تاعى ’قار قالاسى‘ اتتى پويەزعا وتىرىپ التايعا بارامىز“، - دەدى ماۋ مياۋ.
