اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 1 - رەتكى مەڭگەرۋشىلەر ءماجىلىسى اشىلدى
زاڭ ەرەجە شىعارۋ، باقىلاۋ، ۋاكىلدەر قىزمەتى سياقتى ءتۇيىندى قىزمەتتەردى اقىلداستى
انار بۇلت \ شينجياڭ گازەتىنىڭ ءتىلشىسى ۋاڭ نا 1 - ايدىڭ 30 - كۇنى ۇرىمجىدەن حابارلايدى. 1 - ايدىڭ 30 - كۇنى تۇستەن بۇرىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى 1 - رەتكى مەڭگەرۋشىلەر ءماجىلىسىن اشىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ 2023 - جىلعى قىزمەت تۇيىندەرى جانە زاڭ ەرەجە شىعارۋ، باقىلاۋ، ۋاكىلدەر قىزمەتى جوسپارى، سونداي - اق تۇراقتى كوميتەتتىڭ 2023 - جىلى 2 - ايداعى ءتۇيىندى قىزمەتتەرى سياقتىلاردى اقىلداستى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: اۆتونوميالى رايوندىق حالىق قۇرىلتايى تۇراقتى كوميتەتىنىڭ جىلدىق قىزمەت تۇيىندەرى مەن زاڭ ەرەجە شىعارۋدى، باقىلاۋدى، ۋاكىلدەر قىزمەتى جوسپارىن كەمەلدەندىرۋ − اۆتونوميالى رايوندىق حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا مىندەت وتەۋدى جوسپارلى، ساتىلى تۇردە ىلگەرىلەتۋىنە شىنايى كەپىلدىك ەتۋدەگى ماڭىزدى شارا. تاياۋدا مەملەكەتتىك حالىق قۇرىلتايى تۇراقتى كوميتەتى 2023 - جىلدىق قىزمەتتىڭ تۇيىندەرى مەن زاڭ شىعارۋ، باقىلاۋ، ۋاكىلدەر قىزمەتى جوسپارىن باسىپ تاراتتى، اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسى اۆتونوميالى رايوننىڭ 2023 - جىلعى قىزمەتتەرىن ويداعىداي ىستەۋ جونىندە جان - جاقتى ورنالاستىرۋ جاسادى. مەملەكەتتىك حالىق قۇرىلتايى تۇراقتى كوميتەتىنىڭ ورنالاستىرۋلارى مەن تالاپتارىنا ساي، اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرا وتىرىپ، الدىڭعى مەرزىمدەگى زەرتتەۋ نەگىزىندە، حالىق قۇرىلتايى قىزمەتىنە ساياتىن، اۆتونوميالى رايوندىق پارتكوم تاپسىرعان، ءسوز جوق، باتىل ويداعىداي ورىنداۋعا ءتيىستى مىندەتتەردى مۇقيات زەرتتەپ، مۇقيات جوسپارلاپ، ءجىتى قاداعالاۋ قىزمەتىن ويداعىداي ىستەپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ 2023 - جىلعى قىزمەت تۇيىندەرىن جانە زاڭ ەرەجە شىعارۋ، باقىلاۋ، ۋاكىلدەر قىزمەتى جوسپارىن تەز ارادا كەمەلدەندىرىپ، تۇتاس جىلداعى قىزمەتتەرگە اناعۇرلىم ويداعىداي جەتەكشىلىك ەتۋ كەرەك.
ءماجىلىس مىنالاردى تالاپ ەتتى: اۆتونوميالى رايوندىق حالىق قۇرىلتايى تۇراقتى كوميتەتىنىڭ 2023 - جىلى ورىستەتۋدى جوسپارلاپ وتىرعان ءتۇيىندى قىزمەتتەرىن ونان ارى اشالاپ، سارالاپ، كەمەلدەندىرىپ، تۇراقتى كوميتەتتىڭ ورىنباسار مەڭگەرۋشىلەرى مەن ارناۋلى كوميتەتتەرىنە، قىزمەت كوميتەتتەرىنە دەر كەزىندە باسىپ تاراتۋ ءارى قۋزاۋ - تەكسەرۋ تەبىنىن ارتتىرىپ، ايقىندالعان ءتۇيىندى قىزمەتتەردىڭ، جاۋاپتى ورىنداردىڭ، جاۋاپتى ادامداردىڭ تياناقتاندىرىلۋ جاعدايىن سوڭىنا ءتۇسىپ قۋزاپ، ءتۇرلى مىندەتتەردىڭ ۋاعىندا، ساپالى ورىندالۋىنا شىنايى كەپىلدىك ەتۋ كەرەك. ءارقايسى تاراۋلار جاۋاپكەرشىلىكتى قاتاڭ تياناقتاندىرىپ، مۇقيات سالىستىرىپ، ۋاقىت شەگىن ايقىنداپ، ءوز تاراۋلارى ۇستىنە العان ءتۇيىندى قىزمەتتەردى تياناقتاندىرۋدى ويداعىداي يگەرۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي نيڭپيڭ، توحتى ياقۇپ، مۇقيات جارمۇقامەت، ءدىلشات قىدىرقان، پيڭ شينلاي، اۆتونوميالى رايوندىق حالىق قۇرىلتايى تۇراقتى كوميتەتىنىڭ باس حاتشىسى ءمۇتالىپ روزى ماجىلىسكە قاتىناستى.
