انار بۇلت \ شينجياڭ گازەتىنىڭ حابارى (ءتىلشى شى شين حابارلايدى) تاياۋدا اۆتونوميالى رايوندىق دامۋ جانە رەفورما كوميتەتىنىڭ چارقىلىق اۋدانىنىڭ ۋاششەرى سۋ قويماسى جونىندەگى زەرتتەۋ بايانداماسىن بەكىتۋى رايونىمىزدىڭ ”14 ـ بەسجىلدىق“ كەزىندەگى تاعى ٴبىر ورتا تۇرپاتتى سۋ قويماسىنىڭ تاياۋدا قۇرىلىس باستايتىنىن كورسەتەدى.
چارقىلىق اۋدانى ۋاششەرى سۋ قويماسى قۇرىلىسىنىڭ جالپى جازىقتىق بەتكە ورنالاستىرىلعان سۋرەتى.
چارقىلىق اۋدانى ۋاششەرى سۋ قويماسى − رايونىمىزدىڭ” 14- بەسجىلدىق“ كەزىندە ٴتۇيىندى تۇردە اتقارىلاتىن ورتا تۇرپاتتى سۋ قويمالارىنىڭ ٴبىرى، سونداي ـ اق اۆتونوميالى رايوننىڭ 2023 ـ جىلى ٴتۇيىندى تۇردە جاڭادان جۇمىس باستايتىن نىسانى.
ينجەنەريا − ۋاششەرى وزەنى كەزەڭىنىڭ جوعارى اعارىنا ورنالاسقان بولىپ، چارقىلىق اۋدانىنان 103 كيلومەتر قاشىقتىقتا، ۋاششەرى وزەنىندەگى تىزگىندەۋ سيپاتتى سۋ يگىلىگى ينجەنەرياسى. سۋارۋ، قالا - قالاشىقتاردى تۇرمىستىق سۋمەن جانە ونەركاسىپكە پايدالانىلاتىن سۋمەن قامداۋ، تاسقىننان ساقتانۋعا تەڭ ٴمان بەرۋدى باستى مىندەتى ەتكەن. سۋ قويماسىنىڭ جالپى سيىمدىلىعى 25 ميلليون 812 مىڭ تەكشەمەتر، توسپانىڭ ەڭ بيىك جەرى 88.5 مەتر. قۇرىلىسقا قوسىلاتىن جالپى قارجى ٴبىر ميلليارد 37 ميلليون 570 مىڭ يۋان، جالپى قۇرىلىس مەرزىمى 46 اي دەپ مەجەلەنۋدە.
اۆتونوميالى رايوندىق دامۋ جانە رەفورما كوميتەتىنىڭ قاتىستى جاۋاپتىسى تانىستىرىپ بىلاي دەدى: ”اتالعان ينجەنەريانىڭ اتقارىلۋى اۋىل شارۋاشىلىق سۋارۋ شارت - جاعدايىن اناعۇرلىم جاقسارتىپ، قالا - قالاشىقتاردىڭ جانە ونەركاسىپتىڭ سۋمەن قامداۋ قۋاتىن جوعارىلاتىپ، اعاردىڭ تاسقىننان ساقتانۋ حاۋىپسىزدىگىن قامتاماسىز ەتىپ، جەرگىلىكتى ورىننىڭ ەكونوميكاسى مەن قوعامىنىڭ جوعارى ساپالى دامۋىن جەبەيدى“. اۆتونوميالى رايوندىق دامۋ جانە رەفورما كوميتەتى قاتىستى تاراۋلارمەن بىرلەسىپ، بايىنعولين موڭعۇل اۆتونوميالى وبلىسىن ”ءۇشتى جالعاۋ، ءبىردى تەگىستەۋ“ قىزمەتىن تەز ارادا ورىستەتۋگە قۋزاپ، ناقتى قىزمەت مولشەرىن تەز ارادا جۇزەگە اسىرادى. سونىمەن بىرگە، ينجەنەريانىڭ باستاپقى جوبالاۋ ساتىسىنداعى ٴتۇرلى قىزمەتتەردى جەدەل ورىستەتۋگە جەتەكشىلىك ەتىپ، ينجەنەريانىڭ العاشقى جوباسىن ەرتەرەك بەكىتتىرىپ، جاپپاي جۇمىس باستاۋدى جۇزەگە اسىرۋعا كۇش سالادى.
