انار بۇلت \ شينجياڭ گازەتىنىڭ حابارى (ٴتىلشى جاڭ يانفاڭ حابارلايدى) 1 - ايدىڭ 20 - كۇنى اۆتونوميالى رايوندىق پارتكوم ۇگىت ٴبولىمى باس بولىپ ۇيىمداستىرعان، شينجياڭ گازەتشىلىك مەديا (توبى) شەكتى سەرىكتەستىگى سەلبەسىپ وتكىزگەن اۆتونوميالى رايوننىڭ پارتيا 20 - قۇرىلتايى رۋحىن ىشكەرىلەي ۇيرەنۋ، دايەكتىلەندىرۋ نەگىزگى ساتىداعى شاعىن بەينەبايان ”بۇلتتىق ۇگىت - لەكسيا“ جارىسى بەلەت تاستاۋ بۋىنىنا رەسمي ٴوتتى، كوپشىلىكتىڭ تيانشان تورى، انار بۇلت كليەنتى ارقىلى وزدەرى ۇناتقان تۋىندىلارعا بەلەت تاستاۋىنا بولادى.
وسى رەتكى جارىستى وتكىزۋدەگى ماقسات − پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، بۇكىل شينجياڭداعى ٴار ۇلت حالقىنىڭ پارتيانى، وتاندى، مەكەندى ٴسۇيۋ سۇيىسپەنشىلىگىن ايگىلەپ، پارتيا 20 - قۇرىلتايى رۋحىنىڭ تەرەڭ تامىر تارتۋىن ىلگەرىلەتۋ.
قازىر جارىس بۇكىل شينجياڭنىڭ ايماق، وبلىس، قالالارىنان، اۋدان، قالا، رايوندارىنان نەگىزگى ساتىنىڭ ٴىس جۇزىندىك جاعدايىن تياناق ەتكەن، بۇقارانىڭ تۇرمىسىنا ىشكەرىلەي ارالاسقان، شاعىن ىستەر ارقىلى اۋقىمدى ٴداۋىردى ايگىلەيتىن، شاعىن حيكايالار ارقىلى ۇلكەن تاقىرىپتى بەينەلەيتىن ٴبىر توپ قىسقا بەينەباياندى جينادى. جارىسقا قاتىناسۋشىلار بۇقارا ەڭ كوڭىل ٴبولىپ وتىرعان ىستەردى، ەڭ ٴتول مۇددەنى شىعار ٴتۇيىن ەتىپ، ناقتى حيكايالاردى، تيپتىك مىسالداردى، كورنەكتى ىزگى ىستەردى بايانداپ، قاراپايىم تىلمەن حيكايالاردى جاقسى بايانداۋعا قۇلشىنىپ، شىنايى سەزىم ارقىلى بۇقارانى اسەرلەندىردى.
وسى رەتكى بەلەت تاستاۋ 2023 – جىلى 1 - ايدىڭ 30 – كۇنىنە دەيىن بولادى. ينتەرنەتتە الەۋمەتتىڭ بەلەت تاستاۋى ارقىلى سايلاۋ بەلەتى ەڭ جوعارى 50 شاعىن بەينەبايان تۋىندىسىن (ياعني ۇگىتشى) شەشۋشى جارىسقا ەنگىزۋگە العاشقى ادىمدا تاڭداپ شىعادى. 50 ۇگىتشى بەينەەكراندا جارىسقا قاتىناسىپ، اۆتونوميالى رايوننىڭ ماماندار گرۋپپاسى باعالاۋ جۇرگىزىپ، ەڭ سوڭىندا 10 التىن مەدال ۇگىتشىسىن جانە 20 تاڭداۋلى ۇگىتشىنى باعالاپ، داڭق كۋالىگى مەن سيلىق اقشا تاراتادى.
