تايكەشكەن وتكەلىندەگى تىكە قاتىنايتىن جۇڭگو − موڭعۇليا جولاۋشىلار تاسىمالى قالپىنا كەلتىرىلدى

日期:2023年01月31日
来源:新疆日报
【字体:

  1 - ايدىڭ 25 - كۇنى (كوكتەم مەرەكەسىنىڭ 4 - كۇنى) تۇستەن بۇرىنعى ساعات 10 دا، ءۇش كۇن جابىلعان تايكەشكەن وتكەلى بۇرىنعى جىلدارداعىداي قالىپتى قاتىناس تاسىمالىن قالپىنا كەلتىردى، تايكەشكەن وتكەلى حالىقارالىق جول تاسىمالىن باسقارۋ مەكەمەسىنىڭ زاڭ اتقارۋشى قىزمەتكەرلەرى قويان جىلىنداعى تۇڭعىش كەدەننەن ءوتۋ كۇنىن قارسى الدى.

  زاڭ اتقارۋشى قىزمەتكەرلەر الدىن - الا دايىندالىپ، جولاۋشىلار تاسىمالى، جۇك تاسىمالى ارنالارىنداعى زاڭ اتقارۋ، تەكسەرۋ ورىندارىنداعى قىزمەتكە ەرتە كەلدى. 9 جولاۋشى وتىرعان موڭعۇليا حالىقارالىق ۇلاسپالى تاسىمال جولاۋشىلار اۆتوبۋزى تايكەشكەن وتكەلىنىڭ شەكارادان كىرۋ ارناسىنا باياۋ كىرىپ، تايكەشكەن وتكەلى حالىقارالىق جول تاسىمال باسقارۋ مەكەمەسىنىڭ زاڭ اتقارۋشى قىزمەتكەرلەرىنىڭ تەكسەرۋىنەن كەيىن جولعا شىقتى. زاڭ اتقارۋشىلاردىڭ جول بەرۋ قول يشاراتى جۇڭگونىڭ شينجياڭ التاي ايماعى شىڭگىل اۋدانى تايكەشكەن قالاشىعىنان موڭعۇليانىڭ قوبدا ولكەسى بۇلعان اۋدانىنا دەيىنگى حالىقارالىق جولدا مەرزىم سايىن تىكە قاتىنايتىن جولاۋشى تاسىمال كەزەكشى لەنياسىنىڭ رەسمي قالپىنا كەلگەنىنىڭ بەلگىسى ەدى.

  جاڭا تيپتى ايدارشا ۆيرۋسپەن جۇعىمدالۋدى ”B تۇردەگى B باسقارۋعا“ رەتتەۋ ساياساتىنىڭ 1 - ايدىڭ 9 - كۇنىنەن باستاپ رەسمي اتقارىلۋىنا مەڭزەس، تايكەشكەن وتكەلى حالىقارالىق جول تاسىمالىن باسقارۋ مەكەمەسى جۇڭگو − موڭعۇليا حالىقارالىق جول جولاۋشى تاسىمالىن ۇيىمداستىرۋ قىزمەتىن ويداعىداي ىستەۋ ءۇشىن، ناقتى اتقارۋ جوباسىن جاسادى؛ 1 - ايدىڭ 12 - كۇنى جۇڭگو − موڭعۇليا ەكى ەلدىڭ جولاۋشى تاسىمال كاسىپورىندارىن اڭگىمە ءماجىلىسىن ورىستەتۋگە ۇيىمداستىرىپ، كولىك جونەلتۋ ۋاقىتى، بەلەت باعاسى، جونەلتۋ ورنى سياقتى ىستەردى اقىلداستى ءارى ەكى ەلدىڭ تاسىمال كاسىپورىندارىنىڭ جول تاسىمال تيجارات رۇقسات كۋالىگى، حالىقارالىق جول جولاۋشى تاسىمال كۋالىگى، حالىقارالىق جول جولاۋشى تاسىمال لەنياسى رۇقسات كۋالىگى سياقتى كۋالىكتەردى اداقتاۋ قىزمەتىن ويداعىداي ىستەدى. وسى رەتكى تايكەشكەن وتكەلىندە جۇڭگو، موڭعۇليا جولاۋشىلارىن وتكەرمەلەپ تاسىمالداۋدىڭ رەسمي قالپىنا كەلتىرىلۋى، جولاۋشىلار تاسىمالىنىڭ تىكە قاتىناۋى جۇڭگو مەن موڭعۇليانىڭ اراسىنداعى اۋىس ـ كۇيىسىن جانە حالىقارالىق ساۋدانىڭ قولايلى بارىس ـ كەلىسىن جەبەۋدە ماڭىزدى مانگە يە.

  تايكەشكەن شەكارا وتكەلى حالىقارالىق جول تاسىمالىن باسقارۋ مەكەمەسى كەدەننەن ءوتۋ ۇلگىسىن ۇزدىكسىز ساپالىلاندىرىپ، كەدەننەن ءوتۋ ونىمدىلىگىن جوعارىلاتتى. 1 - ايدىڭ 25 - كۇنى شەكارادان كىرىپ - شىققان جولاۋشى، جۇك تاسىمالداۋشى اۆتوكولىك سانى 143 رەتكە جەتكەن، جۇك مولشەرى 7276.51 توننا بولعان. ولاردىڭ ىشىندە: 100 اۆتوكولىككە تيەلگەن كوكس كومىرى 7257.03 توننا جانە ءبىر جۇك كولىگىنە 19.48 توننا جەمىس - جيدەك تيەلگەن؛ شەكارادان كىرگەن ءبىر حالىقارالىق ۇلاسپالى تاسىمال اۆتوبۋزىندا 9 ادام(رەت) بولىپ، جۇڭگو مەن موڭعۇليا جولاۋشىلارى مەن زاتتارىنىڭ كەدەننەن حاۋىپسىز، ءتارتىپتى، تەز، ىركىلىسسىز وتۋىنە كەپىلدىك ەتىلدى.