انار بۇلت \ شينجياڭ گازەتىنىڭ تىلشىلەرى شى شين، حي حۇڭۋي
1 - ايدىڭ 28 - كۇنى قىزمەتكەر ءۇرىمجى كوپ فورمالى بىرلەسىپ تاسىمالداۋ ورتالىعىندا كوتەرگىش كرانمەن كونتينەر تيەۋدە. ءۇرىمجى حالىقارالىق قۇرلىقتىق پورت اۋماعى زات اينالىمىن ۇيىمداستىرۋ قىزمەت وتەۋىن ونان ارى ساپالىلاندىرىپ، جۇڭگو - ەۆروپا كەزەكشى پويەزى (ءۇرىمجى) جيناۋ ورتالىعى ۇلگى كورسەتۋ ينجەنەرياسى رولىن تولىق ساۋلەلەندىرىپ، كوپ فورمالى بىرلەسىپ تاسىمالداۋ ورتالىعىنىڭ جوعارى ساپالى دامۋىن ىلگەرىلەتتى.
□ سۋرتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
ءبىرىنشى ماۋسىمداعى ”جاقسى باستامانى“ قۇلشىنا اشۋ ءۇشىن شينجياڭنىڭ ءار سالاسى جابال قۇلشىنۋدا. 1 - ايدىڭ 28 - كۇنى كوكتەم مەرەكەسى دەمالىسىنان كەيىن قىزمەتكە شىققان العاشقى كۇنى رايونىمىزداعى مەكەمە - ورىنداردىڭ، تاراۋلاردىڭ كادرلارى مەن جۇمىسشى - قىزمەتكەرلەرى نازاردى قىزمەتكە شوعىرلاندىرىپ، جەدەل جۇمىس ورنىنا ورالىپ، كوتەرىڭكى رۋحاني كۇيمەن قىزمەتكە كىرىستى. تىلشىلەر رايونىمىزداعى ءىشىنارا جالپىلىق ەكونوميكا سالاسى تاراۋلارىنا بولىنە اتتانىپ، ولاردىڭ قىزمەت جاعدايىن ەستەلىككە الدى.
اۆتونوميالى رايوندىق دامۋ جانە رەفورما كوميتەتى:
ەرتە يگەرىپ، ناقتى يگەرىپ، باستاما اشۋعا قۇلشىندى
تاڭعى شۇعىلا ەرتە كوكتەمدى جەبەدى، جورىق جولىندا اۋەلگى ماقساتتان اينىمادى. 1 - ايدىڭ 28 - كۇنى اۆتونوميالى رايوندىق دامۋ جانە رەفورما كوميتەتىنىڭ كادرلارى مەن جۇمىسشى - قىزمەتكەرلەرى كوتەرىڭكى رۋحاني كۇيمەن قىزمەتكە جەدەل كىرىسىپ، جاڭا جىلداعى قىزمەتتەردىڭ تىڭ ساتىعا كوتەرىلۋىن ىلگەرىلەتۋدى جوسپارلاپ، ءبىرىنشى ماۋسىمدا ”جاقسى باستاما“ اشۋعا بار كۇشپەن ۇمتىلدى.
سول كۇنى ساعات 10 مولشەرىندە، اۆتونوميالى رايوندىق دامۋ جانە رەفورما كوميتەتى ساياسات زەرتتەۋ كەڭسەسىندە قىزمەتكەرلەر قاربالاس قىزمەتكە كىرىسىپ كەتتى. ”ءبىرىنشى ماۋسىمدا ’جاقسى باستاما‘ اشۋ بازاردىڭ مەجەسى مەن دامۋ سەنىمىنە سايادى، تۇتاس جىلداعى نىسانانى جۇزەگە اسىرۋعا سايادى“. اۆتونوميالى رايوندىق دامۋ جانە رەفورما كوميتەتى ساياسات زەرتتەۋ كەڭسەسىنىڭ مەڭگەرۋشىسى جۋ شۋۋي بىلاي دەدى: ۇكىمەت قىزمەتىنەن باياندامادا ورنالاستىرىلعان ءتۇيىندى نىسانا - مىندەتتەر بويىنشا اسقاق جىگەرمەن قايراتتانا ۇمتىلىپ، جاۋاپكەرشىلىك ارقالاپ، ناقتى ىستەپ، ىشكى سۇرانىستى كەڭەيتۋ، ارتۋدى ورنىقتىرۋ جاعىندا اناعۇرلىم زور كۇش سالىپ، ەكونوميكانىڭ جاقسارۋىن ىلگەرىلەتىپ، بازار سەنىمىن سەرپىلتۋ؛ شارۋاشىلىق - ساۋدا ورتاسىن ساپالىلاندىرۋ جاعىندا اناعۇرلىم زور بەكىمگە كەلىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋ؛ حالىق تۇرمىسىن قامتاماسىزداندىرۋ جانە جاقسارتۋ جاعىندا اناعۇرلىم كوپ ناقتى شارا شىعارىپ، دامۋ جەتىستىكتەرىنىڭ اناعۇرلىم زور دەڭگەيدە حالىق تۇرمىسىنا تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتۋ كەرەك.
حالىق شارۋاشىلىعى جالپىلىق باسقارماسىندا قىزمەتكەرلەر ءبىر اراعا باس قوسىپ، اۆتونوميالى رايوننىڭ 2023 - جىلعى ”التى ماڭىزدى“ تىزىمدىگىن جاساۋ جونىندە تالقى، زەرتتەۋ جۇرگىزىپ، جىلدىق مىندەتتىڭ تىزىمگە ءتۇسۋىن، تىزىمدەگى مىندەتتەردىڭ جاۋاپكەرشىلىككە الىنۋىن ىلگەرىلەتىپ، مىندەتتەردىڭ ناقتاپ تياناقتاندىرىلۋىنا، ناقتى ونىمدىلىك كورسەتۋىنە شىنايى كەپىلدىك ەتتى.
دامۋ ستراتەگياسى جانە جوباسى باسقارماسىندا قىزمەتكەرلەر ”8 ءىرى كاسىپ سالاسى شوعىرى“ قۇرىلىسى توڭىرەگىندە قىزۋ تالقى ورىستەتتى، كاسىپ سالاسى شوعىرىن جەتىلدىرۋدىڭ ءتۇيىندى مىندەتتەرىن ەگجەي - تەگجەيلى جوسپارلادى.
اۆتونوميالى رايوندىق دامۋ جانە رەفورما كوميتەتى دامۋ ستراتەگياسى جانە جوبا باسقارماسىنىڭ باستىعى چيۋ دۇڭ بىلاي دەدى: ءبىز ”8 ءىرى كاسىپ سالاسى شوعىرى“، ”N+8+1“ ساياسات جۇيەسىن جەدەل ورناتىپ، اۆتونوميالى رايوننىڭ ەرەكشە، باسىمدىققا يە كاسىپ سالالارى شوعىرىن دامىتۋ جەتەكشى پىكىرىن، ”8 ءىرى كاسىپ سالاسى شوعىرى“ ارەكەت جوسپارىن، ءتۇيىندى كاسىپ سالاسى تىزبەگىن اتقارۋ جوباسىن شىعارىپ، قىزمەت نىساناسىن، ءتۇيىندى مىندەتتى جانە باستى شارالاردى ەگجەي - تەگجەيلىلەندىرىپ، كاسىپ سالالارى شوعىرىنىڭ ەرەكشەلەنىپ جوبالانۋىن، جوعارى دەڭگەيلى دامۋىن، تىزبەكتەنىپ ۇزارۋىن، باقشالانىپ شوعىرلانۋىن، سايكەسە ىلگەرىلەۋىن ۇزدىكسىز جەبەپ، كاسىپ سالاسى شوعىرىنىڭ زاڭمەن باسقارىلاتىن شارۋاشىلىق - ساۋدا ورتاسىن بەلسەنە قالىپتاستىرىپ، شينجياڭ ەرەكشەلىگىنە يە وسى زامانعى كاسىپ سالاسى جۇيەسىن قۇرۋدى ىلگەرىلەتەمىز.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى:
نازاردى كاسىپ سالالارىنا شوعىرلاندىرىپ، نىسانداردى قاداعالادى
1 - ايدىڭ 28 - كۇنى تۇستەن بۇرىن ءتىلشى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى جوبالاۋ - دامىتۋ باسقارماسىنا (كاسىپ سالاسى ارقىلى شينجياڭعا كومەكتەسۋ قىزمەتى باسقارماسى) كەلگەندە، بارلىق ادامنىڭ شۇعىل دا ءتارتىپتى تۇردە قاربالاس بولىپ جاتقاندىعىن كوردى.
سول كۇنى قىزمەتكە شىعا سالىسىمەن، باسقارما باستىعى دۋان ۋيحۋا باسقارما - كەڭسەدەگى بارلىق جولداستاردى جيناپ، جاقىنداعى ءتۇيىندى قىزمەتتەردى اقىلداسىپ، نازاردى ”8 ءىرى كاسىپ سالاسى شوعىرى“ قۇرىلىسىنا شوعىرلاندىرىپ، كەلەلى نىسان قۇرىلىسىن كورنەكتىلەندىرىپ، كاسىپورىنداردى باقىلاۋ - باسقارۋ نەگىزگى جاۋاپكەرشىلىگىن، نەگىزگى كاسىبىن ءجىتى قاداعالاپ، كومىر، كومىر حيميا ونەركاسىبى، مەتال كەن ونىمدەرى بايلىعى، جاڭا ەنەرگيامەن ەلەكتر تاراتۋ، جاڭا ماتەريال، توقىماشىلىق، ساياحات جانە اۋەجاي، تاس جول، سۋ يگىلىگى سياقتى نەگىزدىك قۇرىلعى قۇرىلىسى سالالارىندا تۇراقتى مۇلىككە قارجى قوسۋدىڭ 60 كەلەلى نىسانىن سالالاپ شىقتى.
”بيىل اۆتونوميالى رايون’6 ءىرى ينجەنەريانى‘ اتقارۋدى تۇتقا ەتىپ، مەملەكەت مەنشىگىندەگى كاپيتالدى جانە مەملەكەت مەنشىگىندەگى كاسىپورىنداردى ونان ارى الۋەتتەندىرەدى، ساپالىلاندىرادى، زورايتادى، مۇنىڭ ىشىندەگى بىرەۋى جوعارى ساپالى دامۋدى كورنەكتىلەندىرىپ، ساپانى جوعارىلاتىپ، كولەمدى كەڭەيتۋ ينجەنەرياسىن زور كۇشپەن اتقارۋ“. دۋان ۋيحۋا بىلاي دەپ تانىستىردى: قارجى قوسۋدى كەڭەيتۋگە، جالپى مولشەردى ارتتىرۋعا تاباندى بولىپ، ءتۇيىندى كاسىپ سالاسى نىساندارى مەن كەلەلى نەگىزدىك قۇرىلعى قۇرىلىستارىن ويداعىداي يگەرىپ، جوعارى ساپالى دامۋعا قوزعاۋشى قۋات توپتايدى.
سول كۇنى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى كاسىپورىن رەفورماسى باسقارماسىنىڭ قىزمەتكەرلەرى دە ەرتەمەن قىزمەت ورىندارىنا كەلىپ، اۆتونوميالى رايوننىڭ ”8 ءىرى كاسىپ سالاسى شوعىرىن“ جەدەل تۇلعالاۋ جونىندەگى شەشىم - ورنالاستىرۋلارى مەن قىزمەت تالاپتارى توڭىرەگىندە شينجياڭ مۇناي - تابيعي گاز توبى شەكتى سەرىكتەستىگىن قۇرۋدى جوسپارلاۋ جونىندەگى ىستەردى اقىلداستى.
”تىڭ تاريحي باستامادا تۇرىپ، جاڭا نىسانانى ورىنداپ، جاڭا سىن - سايىستارعا بەتپە - بەت كەلىپ، جاڭا ماسەلەلەردى شەشۋ ءبىزدىڭ رەفورما سىندى ’شەشۋشى تاسىلدەن‘ باتىل ويداعىداي پايدالانىپ، ەكونوميكانىڭ جوعارى ساپالى دامۋىنا ۇزدىكسىز جاڭا قوزعاۋشى كۇش ۇستەۋىمىزدى، جاڭا ومىرشەڭدىك قاۋلاتۋىمىزدى تىپتەن قاجەت ەتەدى“. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى كاسىپورىن رەفورماسى باسقارماسىنىڭ ورىنباسار باستىعى گو فىڭ بىلاي دەدى: شينجياڭ مۇناي - تابيعي گاز توبى شەكتى سەرىكتەستىگىن قۇرۋ اۆتونوميالى رايوننىڭ مۇناي - تابيعي گاز بارلاۋ، اشۋ سالاسىنداعى ولقىلىقتارىن تولىقتاپ، شينجياڭنىڭ ەنەرگيا بايلىعىن عىلمي اشىپ جانە سول جەردە كادەگە جاراتىپ، تۇلعالىق جاۋاپكەرشىلىگىن تولىق ساۋلەلەندىرىپ، كاسىپ سالاسى تىزبەگىنىڭ جوعارى ساپالى ورنالاسۋىن كۇشەيتىپ، نازاردى ’تىزبەك يەسىنە‘ شوعىرلاندىرىپ، تۇتاس كاسىپ سالاسى تىزبەگىنىڭ دامۋىن جەتەكتەۋىن ىلگەرىلەتەدى.
اۆتونوميالى رايوندىق ساۋدا ىستەرى مەڭگەرمەسى:
وزەكتى رايونعا بار كۇشپەن قىزمەت كورسەتتى
كادرلار جينالىسىن اشتى، كوكتەم مەرەكەسىندەگى تۇتىنۋ بازارىنا ساناق جۇرگىزدى، سىرتقى ساۋدانى ورنىقتىرۋعا قاتىستى شارالاردى ەگجەي - تەگجەيلىلەندىردى... 1 - ايدىڭ 28 - كۇنى اۆتونوميالى رايوندىق ساۋدا ىستەرى مەڭگەرمەسىندەگى كادر، جۇمىسشى - قىزمەتكەرلەر ”دەمالىس ۇلگىسىنەن“ جەدەل ”قىزمەت ۇلگىسىنە“ اۋىستى. ءارقايسى باسقارما - كەڭسەلەرگە بارساڭىز، ءتىلتاقتانى تىقىلداتقان، تەلەفوندا تىلدەسكەن داۋىستار قۇلاققا شالىنادى، بارلىق جەردەن قاربالاس ىستەپ جاتقان ادامدار كوزگە تۇسەدى.
سول كۇنى تاڭەرتەڭ اۆتونوميالى رايوندىق ساۋدا ىستەرى مەڭگەرمەسى سىرتقى ساۋدا باسقارماسىنىڭ باستىعى فۋ چاۋحۇڭ باسقارما ىستەرى ءماجىلىسىن اشىپ، جاقىنداعى ءتۇيىندى قىزمەتتەرگە جۇمىس ءبولىسىن جاسادى.
ماجىلىستەن كەيىن، سىرتقى ساۋدا باسقارماسىنىڭ قىزمەتكەرلەرى جەكە - جەكە ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى سياقتى ايماقتاردىڭ (وبلىس، قالا) سىرتقى ساۋدا تاراۋلارىنىڭ جاۋاپتىلارىمەن حابارلاسىپ، ىلە وبلىستىق شەكارا اتتاعان ەلەكتروندى ساۋدا جالپىلىق سىناق رايونىن جولداۋدى اتقارۋ جوباسىن قۋزادى، الاتاۋ قالاسى يمپورت ساۋداسىن جەبەۋ بويىنشا جاڭالىق اشۋدان ۇلگى كورسەتۋ رايونىنا قاتىستى قىزمەتتەردىڭ ىلگەرىلەتىلۋ احۋالىن جانە ءتۇيىندى سىرتقى ساۋدا كاسىپورىندارىنىڭ زاتتارىنىڭ كەدەننەن ءوتۋ احۋالىن ۇعىستى. قاتىستى مەڭگەرمە - مەكەمەلەردىڭ كاسىپتىك باسقارما - كەڭسەلەرىمەن حابارلاسىپ، سىرتقى ساۋدانى ورنىقتىرۋ ساياسات - شارالارىن شىعارۋدىڭ ەگجەي - تەگجەيلى جۇمىستارىن ءتۇيىلىستىردى.
فۋ چاۋحۇڭ بىلاي دەدى: كەزەكتەگى سىرتقى ساۋدانىڭ وڭايلىقپەن قولعا كەلمەگەن جاقسارۋ جاعدايىن بەكەمدەۋ ءۇشىن، اۆتونوميالى رايوندىق ساۋدا ىستەرى مەڭگەرمەسى جاعدايدىڭ وزگەرىسى بويىنشا شارالاردى دەر كەزىندە رەتتەپ، اۆتونوميالى رايوننىڭ سىرتقى ساۋدانى قولداپ، دامۋدى ورنىقتىرۋ جونىندەگى ءبىرقانشا شاراسىن جاساپ، جاڭالىق اشۋدى بار كۇشپەن جەبەپ، سىرتقى ساۋدانىڭ امبەباپ باسەكەلىك جاڭا باسىمدىعىن تۇلعالاپ، جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىنا دەم بەردى.
اۆتونوميالى رايوندىق ساۋدا ىستەرى مەڭگەرمەسى بازار اينالىمى جانە تۇتىنۋدى جەبەۋ باسقارماسىندا باسقارما باستىعى ياڭ شۋەلي مەن قىزمەتتەستەرى دەمالىس كەزىندەگى تۇتىنۋ ساندى مالىمەتتەرىنە ساناق جۇرگىزىپ، تالداۋ جاساپ جاتتى.
”كوكتەم مەرەكەسى كەزىندە رايونىمىزدا تۇتىنۋدىڭ قالپىنا كەلۋى كورنەكتى بولدى، كەلەسى قادامدا ساۋدا ىستەرى تاراۋلارى تۇتىنۋ بازارىنىڭ ءىس جۇزىندىگىن تياناق ەتىپ، تۇتىنۋدى جەبەپ، دامۋدى قالپىنا كەلتىرۋ ساياسات - شارالارىن بەلسەنە تياناقتاندىرىپ، ءبىر قىدىرۋ تۇتىنۋدى جەبەۋ قيمىلدارىن وتكىزىپ، تۇتىنۋدىڭ ەكونوميكانىڭ دامۋىنداعى نەگىزدىك رولىن اناعۇرلىم ويداعىداي ساۋلەلەندىرىپ، ەل ءىشى، حالىقارا قوس اينالىمىمەن ونان ارى توعىسادى“، - دەدى ياڭ شۋەلي.
سول كۇنى اۆتونوميالى رايوندىق ساۋدا ىستەرى مەڭگەرمەسى ساۋداگەر شاقىرۋ باسقارماسىنىڭ باستىعى جۋ چىڭنىڭ كەڭسەسى دە قاباعات قاربالاستىققا ءتۇستى، ول جەر - جەرمەن 2023 - جىلعى كاسىپ سالاسىنا ساۋداگەر شاقىرۋدىڭ ءتۇيىندى بەتالىسى مەن نەگىزگى شارالارىن ءتۇيىلىستىرىپ، ”جەر - جەر، تاراۋلار ەگجەي - تەگجەيلى قىزمەت جوسپارىن بەلگىلەپ، شاراسى ناقتى، نىساناسى جارامدى بولعان ستيلدى ايگىلەدى“، - دەدى ول.
جۋ چىڭ بىلاي دەدى: بيىل رايونىمىزداعى ءار دارەجەلى ساۋدا ىستەرى جانە ساۋداگەر شاقىرۋ تاراۋلارى ساۋداگەر شاقىرىپ، قارجى ەنگىزۋدىڭ فاكتورلىق قامتاماسىزدىعىن ۇزدىكسىز كۇشەيتۋ، قىزمەت كورسەتۋ ساپاسىن جاقسارتۋ سياقتى جاقتاردا زور كۇش سالىپ، تاماشا شارۋاشىلىق - ساۋدا ورتاسىن تۇلعالاپ، كاسىپورىنداردىڭ شينجياڭدا قارجى قوسىپ، دامۋ سەنىمىن كۇشەيتىپ، ءبىرىنشى ماۋسىمدا ”جاقسى باستامانى“ اشۋعا نەگىز قالايدى.
