جۇمىسقا شىققان العاشقى كۇنى قويان جىلعى مىنا ۇندەس سوزدەردى ەستە ساقتاڭىز

日期:2023年01月29日
来源:新疆日报
【字体:

شين شىجيان

  奋发“兔”强 العا ۇمتىلۋ، ”大展宏“兔 ۇلى جوسپاردى اتقارۋ، 兔”飞猛进“ قارىشتاي دامۋ... ەندى عانا وتكەن كوكتەم مەرەكەسى دەمالىسىن ەسكە الايىق، (”兔“ قويان) تۋرالى ۇندەس سوزدەردەن قانشاسى ەسىڭىزدە قالدى؟ سونى لەپ اڭعارتقان وسى ىزگى تىلەكتەر ادامداردىڭ قىزمەت، ۇيرەنۋ، تۇرمىس جونىندەگى بەلسەندى، ۇمىتكەر، ءورشىل اۋانىن ايگىلەيدى. 1 - ايدىڭ 28 - كۇنى كوكتەم مەرەكەسى دەمالىسىنان كەيىن قىزمەتكە شىققان العاشقى كۇنى، قاربالاستىق ىشىندە قويان جىلعى وسى ۇندەس سوزدەردى ەستە ساقتاپ، تاسقىنداعان جىگەرمەن جاڭا ءبىر جىلعى كۇرەسكە كىرىسەيىك.

  ۋاقىتتىڭ سالقار كوشىندە ور قويانداي ورعىپ العا ۇمتىلايىق. ءوزىن جەڭگەن قۇدىرەتتى، ءوزىن قۇدىرەتتەندىرگەن جەڭىسكە جەتەدى، كۇرەس جۇرگىزۋ تابىسقا جەتۋشىلەردىڭ ماڭگىلىك كۇشكە يە جولحاتى. جاڭا باستاما جاڭا ءۇمىت تۋىنداتادى. ۇزاق ساپاردا ”اتتانىسىمەن اتويلايتىن، باستالىسىمەن شەشۋشى شايقاسقا شىعاتىن“ كۇرەسكەرلىك كۇشتى قاۋلاتىپ، ”ورگە ۇمتىلعان ون وگىز، قاي ءبىرىن وسال دەمەڭىز“ دەيتىن كۇرەسكەرلىك جاڭا رايدى ايگىلەپ، ۋاقىتپەن جارىسىپ، تاريحپەن قاتار ىلگەرىلەپ، شاپشاڭ قيمىلداپ، ۋاقىتتى ۇتا بىلسەك، جاستىقتىڭ ءۇمىتىن جەردە قالدىرمايمىز، ەسىل شاقتاردى زايا جىبەرمەيمىز. ەرىنبەي ەڭبەك ەتىپ، تالپىنىسپەن تابىسقا جەتىپ، اسىل ارماندى كوكەيدە ساقتاپ، الىسقا كوز جىبەرىپ، قازىرگىنى ويداعىداي ىستەسەك، بولاشاقتىڭ ءۇمىتىمىزدى اقتايتىندىعىن ەستە بەرىك ساقتاۋىمىز كەرەك.

  كەڭ - بايتاق دالادا ۇلى جوسپاردى اتقارىپ، ارماندى ايگىلەيىك. ءار ونەردىڭ ەگەيى بولار، ءار كاسىپتىڭ شەبەرى بولار. مەيلى ءوندىرىستىڭ الدىڭعى شەبىندە تەر توككەن جۇمىسشىلار بولسىن، الدە ەگىنجايلاردا ەڭبەك ەتكەن شارۋالار بولسىن، مەيلى تولقىعان بازاردىڭ تولقىنىمەن الىسقان كاسىپكەرلەر بولسىن، الدە جاڭالىق اشۋدان قامال الۋعا كىرىسكەن عىلمي زەرتتەۋ قىزمەتكەرلەرى بولسىن، جۇمىس ورنى تۇرلىشە شىعار، كاسىبى بولەك بولار، الايدا تەك ەڭبەككە پەيىل، تالپىنىسقا دايىن بولسا بولعانى، قاراپايىم ادامداردىڭ بارلىعى وزگەشە ومىرگە كەنەلەدى، قاراپايىم قىزمەتتىڭ بارلىعىندا ەرەن تابىسقا جەتۋگە بولادى. تولىق سەنىم ارتىپ، تاباندىلىقپەن العا ىلگەرىلەسە بولعانى، ءاربىر ادام شىن پەيىلمەن ارمان قۋعان قاھارمانعا اينالادى.

  ىستەردىڭ جارىس جولىندا قارىشتاي دامىپ، كوسىلە جۇيىتكيىك. تاسباقا مەن قوياننىڭ جارىسى تۋرالى حيكايا بىزگە مىنانى ەسكەرتەدى: وزىنىكىن عانا ءجون ساناۋدىڭ، كورسوقىرلىقپەن ءور كوكىرەكتەنۋدىڭ ناتيجەسى وكىنىش ارقالاتار ساتسىزدىك بولارى داۋسىز. شالقادان ءتۇسىپ جاتۋ جارامايدى، جاتىپ الىپ جەڭىسكە جەتۋ مۇمكىن ەمەس، ”استامسىعان قويان“ بولماۋىمىز كەرەك، ەشكىم دە وپ - وڭاي جەڭىسكە جەتە المايدى، ورگە ۇمتىلۋدىڭ استارىندا قاشاندا توقتاۋسىز تالپىنىس جاتادى. ارتىقشىلىقتى قالىپتاستىرىپ، ولقىلىقتى تولىقتاپ، كىشى پەيىل دە بايسالدى، كەڭ پەيىل دە ماڭعاز بولىپ، اسقاقتاۋشىلىقتان جانە ۇشقالاقتىقتان ساقتانىپ، كەيىستىك بىلدىرمەي، جازعىرا بەرمەي، ءوز سالامىزدا قاجىرلىلىقپەن ەڭبەكتەنسەك، قوردالانعان بىلىممەن قىردان اسىپ، كوپتەن وزىپ كوككە ورلەيتىن كۇندى قارسى الارىمىز داۋسىز.

  جىلدىڭ باسى كوكتەمدە، جان - جانۋار جاندانار. شينچوۋ سيىر جىلىنداعى ”حالىققا قىزمەت ەتەتىن ەلپەك وگىزدەن“، ”جاڭالىق اشا داميتىن تۇرەنشى وگىزدەن“، ”قاجىرلىلىقپەن كۇرەس جاسايتىن كومپىس وگىزدەن“ رىنيىن بارىس جىلىنداعى ”بارىستاي ايباتتى بەينەگە“، ”بارىستاي قايراتتى تەبىنگە“، ”بارىستاي اسقاق جىگەرگە“ دەيىن، ودان بەرى گۇيماۋ قويان جىلعى كوپتەگەن وڭ ەنەرگيالى ۇندەس سوزدەرگە دەيىن، وزگەرگەن ءسوز - سويلەمدەردىڭ استارىندا كوڭىل تولقىتار وزگەرمەس ءداۋىر اسقاق ءۇنى، ادامداردىڭ تاماشا تۇرمىسقا شىنايى تالپىنىسى تۇر. جۇرەكتە ارمان، كوزدە نۇر، اياقتا قۋات بولعان كۇيدى ساقتاساق، كۇن شۋاعى مەن حوش ءيىستىڭ الدىمىزدان شىعارى داۋسىز.

  كۇندىز بەن ءتۇن ايالسىز الماسادى، ءتورت ماۋسىم دا توقتاۋسىز كەزەكتەسەر. ەگىنشىلىك كالەندارىنىڭ قويان جىلى ارماندى، جىگەرلى، تالپىنىستى ”قىزىل قويان“ بولىپ، ءداۋىر سيلاعان كەڭ ساحنادا بوس قيالعا سالىنباي، قۇر ايعايعا بەرىلمەي، ءبىر كۇندى ەكى كۇندەي وتكەرىپ، ەكى قادامدى ءبىر قادامداي باسىپ، ور قويانداي ورعي باسىپ، قۇيعىتا زىمىراپ، ايانباي الىسۋ ارقىلى ەڭسەمىزدى كوتەرىپ، كۇرەس جۇرگىزۋ ارقىلى اناعۇرلىم نۇرلى بولاشاق اشايىق!