− پارتيا 18 - قۇرىلتايىنان بەرگى شينجياڭنىڭ بىرلىكساپ قىزمەتى جونىندە جالپى شولۋ
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
باس شۋجي شي جينپيڭ بىلاي دەپ اتاپ كورسەتتى: بىرلىكساپ پارتيانىڭ جاۋدى جەڭىپ، جەڭىسكە جەتۋدەگى، بيلىك جۇرگىزىپ، مەملەكەتتى كوركەيتۋدەگى ماڭىزدى اسىلى، ەل ءىشى - سىرتىنداعى بارلىق جۇڭحۋا پەرزەنتتەرىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنداعى ماڭىزدى اسىلى، ءسوز جوق، ۇزاق ۋاقىت تاباندى بولۋ كەرەك.
پارتيا 18 - قۇرىلتايىنان بەرى، شينجياڭنىڭ بىرلىكسابى وزەكتى ارقاۋ ەتىپ، كەلەلى جاعدايعا قىزمەت وتەپ، جۇرت تىلەگىنە قول جەتكىزۋدى ءتۇبىرلى نەگىز ەتۋگە تاباندى بولىپ، بىرلىكساپ قىزمەتىنىڭ جاڭالىق اشا دامۋىن ىلگەرىلەتىپ، ساياسي پارتيالار قاتىناسىنىڭ، ۇلت قاتىناسىنىڭ، ءدىن قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن ۇزدىكسىز جەبەپ، كورىكتى شينجياڭ قۇرۋعا بەلسەندى ۇلەس قوستى.
يدەيالىق - ساياسي جاقتان جەتەكتەۋدى كۇشەيتىپ، ورتاق تانىم ۇيىستىرىپ، بىرگە كۇرەس جۇرگىزدى
8 - ايدىڭ 3 - كۇنى اۆتونوميالى رايوندىق پارتكوم بىرلىكساپ ءبولىمى ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتىمەن بىرلەسىپ ”20 - قۇرىلتايدى شاتتىقپەن قارسى الىپ، پارتياعا ماڭگى ىلەسەمىز“ نەگىزگى تاقىرىبىندا حاتكەرلىك، سۋرەت، فوتو تۋىندىلارى كورمەسىن وتكىزىپ، شينجياڭنىڭ ەكونوميكاسىنىڭ، قوعامىنىڭ دامىعان، حالىقىنىڭ تىنىش ءومىر، شات - شادىمان تىرشىلىك كەشىرگەن ءار ۇلتتىڭ ىنتىماقتى، جاراسىمدى اسا تاماشا جاعدايى مەن جالىندى بەينەسىن تولىق ايگىلەدى.
تاياۋ جىلداردان بەرى، شينجياڭنىڭ بىرلىكسابى جاڭا جۇڭگو قۇرىلعاندىعىنىڭ 70 جىلدىعىن، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋدى وراي ەتىپ، جۇڭگو كوممۋنيستىك پارتياسى تاريحىن ۇيرەنۋ تاربيەسى جانە ءتۇرلى ەرەكشەلىككە يە نەگىزگى تاقىرىپتىق تاربيە قيمىلدارىن كەڭ كولەمدە ورىستەتتى. ءارقايسى دەموكراتيالىق پارتيا - توپتاردىڭ ”سەلبەستىك اۋەلگى ماقساتىن ۇمىتپاي، ۇزدىكسىز قول ۇستاسا العا ىلگەرىلەيىك“ اتىنداعى نەگىزگى تاقىرىپتىق تاربيە قيمىلىن ورىستەتۋىنە قولداۋ كورسەتتى؛ جاڭا قوعامدىق جىك قايراتكەرلەرىن ۇيىمداستىرىپ ”جاڭا داۋىردە ارماندى تۇلعالاۋ · جاڭا كۇشتەردى ۇيىستىرۋ“ اتىنداعى نەگىزگى تاقىرىپتىق تاربيە قيمىلىن ورىستەتتى... الۋان فورماداعى قيمىلدار ارقىلى ورتاق تانىم ۇيىستىرىپ، جۇڭگو كوممۋنيستىك پارتياسىنىڭ باسشىلىعىن قولدايتىن، جۇڭحۋا ۇلتىنىڭ ۇلى گۇلدەنۋىن بىرگە كوزدەيتىن ساياسي سانالىلىقتى، يدەيالىق سانالىلىقتى جانە ارەكەت سانالىلىعىن بارىنشا كۇشەيتتى.
شينجياڭ بىرلىكسابى شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن ۇيرەنۋگە، ۇگىتتەۋگە، دايەكتىلەندىرۋگە تاباندى بولۋدى باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋمەن ءوزارا ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋمەن ءوزارا ۇشتاستىرىپ، «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن» ۇيرەنۋمەن ءوزارا ۇشتاستىرىپ، ۇيرەنۋدىڭ وي - ساناعا ۇيالاۋىن، ناقتى ونىمدىلىككە قول جەتكىزۋىن ىلگەرىلەتىپ، ءتۇرلى قىزمەتتەردىڭ باستان - اياق دۇرىس بەتالىستى بويلاي العا ىلگەرىلەۋىنە شىنايى كەپىلدىك ەتتى.
ۇلتتار ءبىر ءۇيلى جانداي ىنتىماقتى، بەرەكەلى، ءدىن سالاسى تاتۋ، جاراسىمدى بولدى
ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىنا بارساڭىز، اعاشتار جايقالا ءوسىپ، قىزىل قابىرعالار ءبىر - بىرىنە كورىك بەرىپ تۇر، بۇل ارا ءار ۇلت شوعىرلى قونىستانعان باقىت اۋلاسى.
مەملەكەتتىك ۇلتتار ىنتىماعى، العاباسارلىعىنداعى ۇلگىلى رايون (ورىن)، مەملەكەتتىك لەي فىڭنان ۇيرەنۋ قيمىلىنداعى ۇلگى كورسەتۋ ءتۇيىنى، مەملەكەتتىك ەڭ ارداقتى ەرىكتىلەر قىزمەت وتەۋ الەۋمەتتىك اۋماعى، مەملەكەتتىك قارتتاردى قۇرمەتتەۋدەگى وركەنيەتتى كوللەكتيۆ... تاياۋ جىلداردان بەرى، گۋيۋانشياڭ الەۋمەتتىك اۋماعى كوز تارتارلىق تاماشا ناتيجەلەرگە قول جەتكىزىپ، تۇرعىنداردىڭ باقىت سەزىمى بارىنشا جوعارىلادى.
پارتيا 18 - قۇرىلتايىنان بەرى، شينجياڭ ءار ۇلتتىڭ كىرىكپەلى قوعامدىق قۇرىلىمى مەن الەۋمەتتىك اۋماق ورتاسىن بەلسەنە قۇرىپ، ۇلتتار ىنتىماعى، العاباسارلىعىنداعى وزاتتاردان بولۋ قىزمەتىن كەڭ كولەمدە ىشكەرىلەي ورىستەتتى. قازىرگە دەيىن مەملەكەتتىك ۇلتتار ىنتىماعى، العاباسارلىعىنداعى ۇلگىلى رايوننان، ۇلگى كورسەتۋ ورنىنان 81ىن، مەملەكەتتىك ۇلتتار ىنتىماعى، العاباسارلىعى تاربيەسى بازاسىنان 14ىن قۇرىپ شىقتى.
2016 - جىلدان باستاپ شينجياڭ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتتى، بۇكىل رايونداعى ءار دارەجەلى كادرلار، جۇمىسشى - قىزمەتكەرلەر نەگىزگى ساتىداعى ءار ۇلت بۇقاراسىمەن جۇپ قۇراپ، تۋىس بولدى. قازىرگە دەيىن ءار ۇلت بۇقاراسىنان جالپى 186 ميلليون وتباسى - رەت احۋال ۇعىستى، 26 ميلليون 700 مىڭنان استام ناقتى ءىس، يگى ءىس ىستەدى.
بىرلىكساپ ىنتىماق ارقىلى جارىققا شىقتى، ىنتىماققا سۇيەنىپ كوركەيدى. جۇڭحۋا پەرزەنتتەرىنىڭ ۇلى ىنتىماعىن جەبەۋ جاڭا داۋىردەگى وتانشىلدىق بىرلىكساپتىڭ تاريحي بورىشى. رايونىمىز جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋگە باستان - اياق تاباندى بولىپ، شينجياڭدى مادەنيەتپەن نارلەندىرۋدى، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، ”مەن اناردىڭ ءبىر ءتۇيىر ءدانىمىن“ ينتەرنەت مادەنيەت قيمىلىن وتكىزىپ، ءار ۇلت كادر - بۇقاراسىن جۇڭحۋا ۇلتى تاريحى كوزقاراسىن بەرىك ورناتىپ، جۇڭحۋا ۇلتىنىڭ ورتاق رۋحاني مەكەنىن قۇرۋعا جەتەكتەدى.
”تالاي جىلدان بەرى، ءبىز ۇلتتار ىنتىماعىنىڭ سۇيىسپەنشىلىك توعىستىرۋ تاربيەسى نەگىزگى تاقىرىپتىق قيمىلىن تىڭعىلىقتى ورىستەتىپ، ۇلتتار ىنتىماعى تاربيەسىنىڭ فورماسى مەن ادىسىندە ۇزدىكسىز جاڭالىق اشىپ، وتانشىلدىق پەن ۇلتتار ىنتىماعى تاربيەسىن وقۋلىققا، ساباقحاناعا ەنگىزۋدى، وي - ساناعا ۇيالاتۋدى ىلگەرىلەتتىك“، - دەدى شاۋەشەك قالالىق 6 - باستاۋىش مەكتەپتىڭ مۋزيكا وقىتۋشىسى لۋ حۇڭ.
شينجياڭ جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتىن جاپپاي دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىن ىستەرىن زاڭ بويىنشا باسقارىپ، دىنگە سەنەتىن بۇقارانىڭ قالىپتى ءدىني قاجەتى مەن زاڭدى ءدىني قيمىلدارىن زاڭ بويىنشا قامتاماسىز ەتىپ، ءدىني قيمىل ورىندارىنىڭ قۇرىلعى شارت - جاعدايىن ءۇرتىس جاقسارتىپ، ءدىننىڭ ۇيلەسىمدى، قوعامنىڭ جاراسىمدى، ۇلتتاردىڭ تاتۋ بولۋىن جەبەدى.
”شينجياڭدا ءىسلام ءدىنى، بۇددا ءدىنى، حريستيان ءدىنى، كاتوليك ءدىنى، داۋجياۋ ءدىنى سياقتى دىندەر جاراسىمدىلىقپەن قاتار ءومىر ءسۇرىپ، اقاۋسىز دامۋدا“، - دەدى شينجياڭ ءىسلام ءدىنى قوعامىنىڭ ورىنباسار باستىعى، ءۇرىمجى قالاسى ياڭحاڭ مەشىتىنىڭ يمامى مۇحتارام شەرىپ.
قوعامدىق جىكتىڭ ومىرشەڭدىگىن قاۋلاتىپ، ەكونوميكانىڭ، قوعامنىڭ دامۋىن جەبەدى
7 - ايدىڭ 23 - كۇنىنەن 28 - كۇنىنە دەيىن، جۇڭگو گومينداڭ توڭكەرىستىك كوميتەتى، جۇڭگو دەموكراتيانى ىلگەرىلەتۋ قوعامى، جۇڭگو دەموكراتيالىق مەملەكەت قۇرۋ قوعامى، 3 - قىركۇيەك ءىلمي قوعامى، جۇڭگو دەموكراتيالىق وداعى جانە شارۋا - جۇمىسشى دەموكراتيالىق پارتياسى سىندى 6 دەموكراتيالىق پارتيا - توپ ىلگەرىندى - كەيىندى شينجياڭ ۇيعۇر اۆتونوميالى رايوندىق ۋاكىلدەر قۇرىلتايىن اشىپ، جاڭا كەزەكتى باسشىلىق القاسىن سايلاپ، جاڭا مەن كونەنى اۋىستىرۋدى ءساتتى ورىنداپ، كەزەك اۋىستىرۋ قىزمەتىن تولىق تامامدادى.
پارتيا 18 - قۇرىلتايىنان بەرى، شينجياڭ دەموكراتيالىق پارتيا - توپتاردىڭ، پارتيا سىرتىنداعى زيالىلار مەن جاڭا قوعامدىق جىك قايراتكەرلەرىنىڭ بىرلىكساپ قىزمەتىن شىن مانىندە ويداعىداي ىستەپ، پارتيالى باسشى كادرلاردىڭ پارتيا سىرتىنداعى زيالىلارمەن دوستىق كەڭەسۋ، دوس بولۋ، سىرلاسۋ، پىكىر اۋىستىرۋ ءتۇزىمىن كەمەلدەندىرىپ، ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتىنىڭ ىشكەرىلەي تەكسەرىپ - زەرتتەپ، سىندارلى اقىل - كەڭەس بەرىپ، دەموكراتيالىق باقىلاۋ جۇرگىزىپ، ”جاقسى اقىلشى، جارامدى قولعانات، جاقسى قىزمەتتەس“ بولۋ رولىن اناعۇرلىم ويداعىداي ساۋلەلەندىرۋىنە قولداۋ كورسەتتى.
جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ ”تەلەگەي مەيىرىم · قول ۇستاسۋ“ اتىنداعى اۋىل - قىستاق مەكتەپتەرىنە كىتاپ تارتۋ ەتۋ قيمىلى، جۇڭگو دەموكراتيانى ىلگەرىلەتۋ قوعامى شينجياڭ رايوندىق كوميتەتىنىڭ ”نيەتتەس كەمپىر قوساق“ اتىنداعى اۋىل - قىستاق وقىتۋشىلارىن باۋلۋ قيمىلى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ ”تەگىن ۇمىتپاۋ، قۇتقارۋ·شينجياڭ ساپارى“ اۋىل - قالاشىق سەنترلى شيپاحاناسىنا قۇتقارۋ اۆتوكولىگىن تارتۋ ەتۋى... شينجياڭ بىرلىكسابى حالىق تۇرمىسىن قامتاماسىز ەتۋگە قىزمەت وتەپ، بىرگە بايۋدى جەبەۋگە كۇش ۇستەدى.
ساۋدا - ونەركاسىپشىلەر بىرلەستىگى قىزمەتى پارتيانىڭ بىرلىكساپ قىزمەتى مەن ەكونوميكالىق قىزمەتىنىڭ ماڭىزدى مازمۇنى. شينجياڭ اۆتونوميالى رايون، ايماق، اۋدان ءۇش دارەجەلى باسشىلاردىڭ حالىقتىق كاسىپورىندارمەن بايلانىس جاساۋ (ساۋدا قوعامى، بىرلەستىك) ءتۇزىمىن بەلسەنە ورناتىپ، ۇكىمەت پەن كاسىپورىننىڭ بايلانىس مەحانيزمىن كەمەلدەندىرىپ، ەتەنە، كىرشىكسىز ۇكىمەت - ساۋدا قاتىناسىن ورناتتى. حالىقتىق شارۋاشىلىق قايراتكەرلەرىنىڭ ابىرويلى ىسكە، الەۋمەتتىك يگىلىك ىستەرىنە بەلسەنە ات سالىسۋىنا قولداۋ كورسەتتى. ”10 مىڭ كاسىپورىن 10 مىڭ قىستاققا كومەكتەسۋدىڭ“ تابىستارىن بەكەمدەپ، ”10مىڭ كاسىپورىن 10 مىڭ قىستاقتى كوركەيتۋ“ ارەكەتىن باستادى. 2021 - جىلدىڭ سوڭىنا دەيىن، 1723 حالىقتىق كاسىپورىن 2117 قىستاقتى، 411 مىڭ 100 ادامدى كومەكتەسىپ - سۇيەمەلدەپ، كاسىپ سالاسى بويىنشا 4 ميلليارد 33 ميلليون يۋان كومەكتەسۋ - سۇيەمەلدەۋ قارجىسىن ءبولدى.
شينجياڭ بىرلىكسابى ”چياۋباۋلاردى مەيىرگە بولەۋ ارەكەتىن“ ءۇرتىس ورىستەتىپ، ءۇرتىس 2 جىل قازاقستان، تۇركيا سياقتى 4 ەلگە 17 مىڭنان استام ”سالاماتتىق سومكە“ تارتۋ ەتتى. شەتەلدەگى شينجياڭدىق چياۋباۋلار، حۋاچياۋلار، حۋارىندار جانە شەتەلدە وقيتىن جۇڭگولىق وقۋشىلار ۋاكىلدەرىنىڭ ”شينجياڭدى بۇلتتىق ساياحاتتاۋ“ بەينە ەكران اۋىس - كۇيىس ءماجىلىسىن جاسامپازدىقپەن وتكىزىپ، جۇڭگونىڭ شينجياڭىنىڭ حيكاياسىن كوپ ساتىلى، جان - جاقتى، ستەرەولدى، ويداعىداي باياندادى.
جاڭا داۋىردەگى جاڭا جورىقتا، شينجياڭ بىرلىكسابى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ پارمەندى باسشىلىعىندا، ماڭىزدى اسىل رولىن تولىق ساۋلەلەندىرىپ، كەڭ كولەمدە ورتاق تانىم ۇيىستىرىپ، جۇرت تىلەگىن، كۇش - قۋاتتى توپتاپ، بىرلىكساپ قىزمەتىنىڭ جوعارى ساپالى دامۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الادى.
