اۆتونوميالى رايون ”ءۇرىمجى - سانجى - شىحىزى“ ءوڭىرى اتموسفەراسىنىڭ لاستانۋىنان ساقتانۋ جانە ونى وڭاۋ قىزمەتىن ىلگەرىلەتۋ ءماجىلىسىن اشتى
ەكولوگيالىق ورتانى قورعاۋدىڭ ساياسي جاۋاپكەرشىلىگىن شىنايى ارقالاۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 27 - كۇنى ۇرىمجىدەن حابارلايدى. 9 - ايدىڭ 27 - كۇنى تۇستەن كەيىن، اۆتونوميالى رايون ”ءۇرىمجى - سانجى - شىحىزى“ ءوڭىرى اتموسفەراسىنىڭ لاستانۋىنان ساقتانۋ جانە ونى وڭاۋ قىزمەتىن ىلگەرىلەتۋ ءماجىلىسىن اشىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ورتالىقتىڭ قورشاعان ورتانى قورعاۋدى قۋزاۋ - تەكسەرۋى بويىنشا ماسەلەلەردى رەتتەۋ - تۇزەتۋدى ىشكەرىلەي ىلگەرىلەتىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا، ءوڭىردىڭ كۇز، قىس ماۋسىمدارىنداعى اتموسفەراسىنىڭ لاستانۋىن وڭاۋ قىزمەتى جونىندە قايتالاي ورنالاستىرۋ جاساپ، قايتالاي ىلگەرىلەتىپ، قايتالاي تياناقتاندىرىپ، اسپانى اشىق، جەرى جاسىل، سۋى تۇنىق كورىكتى شينجياڭدى قۇلشىنا قۇرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋدى تالاپ ەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ”ءۇرىمجى - سانجى - شىحىزى“ ءوڭىرى شينجياڭنىڭ ەكونوميكالىق دامۋىنداعى وزەكتى ءوڭىر ءارى اتموسفەرانىڭ لاستانۋىنان ساقتانۋداعى جانە ونى وڭاۋداعى ءتۇيىندى ءوڭىر. بيڭتۋان مەن جەرگىلىكتى ورىنداعى ءار دارەجەلى ورىندار، تاراۋلار ساياسي دەڭگەيدى اناعۇرلىم جوعارىلاتىپ، ”ءۇرىمجى - سانجى - شىحىزى“ ءوڭىرى اتموسفەراسىنىڭ لاستانۋىنان ساقتانۋدىڭ جانە ونى وڭاۋدىڭ ماڭىزدىلىعىن، كوكەي تەستىلىگىن جەتە تانىپ، ەكولوگيالىق ورتانى قورعاۋدىڭ ساياسي جاۋاپكەرشىلىگىن شىنايى ارقالاپ، بيىل قىس، كەلەر كوكتەمدە ”ءۇرىمجى - سانجى - شىحىزى“ ءوڭىرىنىڭ قورشاعان ورتا اۋا ساپاسىن جاقسارتۋدى جۇزەگە اسىرىپ، ءار ۇلت حالىق بۇقاراسىنىڭ ىقىلاستى تىلەگىن ۇزدىكسىز قاناعاتتاندىرۋدى اناعۇرلىم زور بەكىممەن، اناعۇرلىم جوعارى تالاپپەن، اناعۇرلىم قاتاڭ شارالارمەن ىلگەرىلەتۋ كەرەك.
ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ءبىر تۇتاس جوسپارلاپ، تاسىمال كۇرە تامىرى مەن ۇساق قان تامىرلاردىڭ ىركىلىسسىز بولۋىن ساقتاپ، كاسىپورىنداردىڭ جابدىقتاردى، قىزمەتكەرلەردى جۇمىس ورنىنا كىرگىزۋ سياقتى ماسەلەلەردى شەشۋىن سايكەستىرىپ جانە وعان كومەكتەسىپ، ورتالىقتىڭ قورشاعان ورتانى قورعاۋدى قۋزاۋ - تەكسەرۋ بويىنشا رەتتەۋ - تۇزەتۋ جانە وڭىرلىك اتموسفەرانى لاستانۋدان ساقتاۋ جانە ونى وڭاۋ قىزمەتىنىڭ ءساتتى ىلگەرىلەۋىنە شىنايى كەپىلدىك ەتۋ كەرەك. اسىرەسە، بيىلعى تازا ەنەرگيا ارقىلى جىلۋمەن قامداۋدى جاڭالاۋ مىندەتىن ويداعىداي يگەرىپ، نىساننىڭ قۇرىلىس جۇرگىزۋ، جابدىق تۇرپاتىن تاڭداۋ ساپا وتكەلىن قاتاڭ يگەرىپ، جىلۋ بەرۋ مەرزىمى الدىندا قاتىستى قىزمەتتەردى تامامداۋعا كۇش سالۋ كەرەك. بيڭتۋان مەن جەرگىلىكتى ورىننىڭ اۋىر لاستانعان اۋاسىنا سەلبەسە توتەپ بەرۋدى كۇشەيتىپ، الدىن الا ولشەۋ، الدىن الا ساقتاندىرۋ، ينفورماتسيادان بىرگە يگىلىكتەنۋ، شۇعىل جاعدايعا توتەپ بەرۋ - سايكەسۋ مەحانيزمىن ويداعىداي تياناقتاندىرىپ، ءتۇيىندى كاسىپورىنداردا اۋىر لاستانعان اۋاعا لاس زاتتاردى شىعارۋدى ازايتۋ شاراسىن قاتاڭ اتقارىپ، بيڭتۋان مەن جەرگىلىكتى ورىننىڭ بىرلەسىپ زاڭ اتقارۋ تەكسەرۋىن كۇشەيتۋ كەرەك. گاز قاينارىمەن، ەلەكتر قاينارىمەن قامداۋدى قامتاماسىز ەتۋدى كۇش سالا ويداعىداي ىستەپ، ”كومىردى گازعا وزگەرتۋدى“، ”كومىردى ەلەكترگە وزگەرتۋدى“ جەدەل ىلگەرىلەتۋ كەرەك. ونەركاسىپتىڭ لاستاۋىن ىشكەرىلەي وڭاۋ شاراسىن تياناقتاندىرۋدى ويداعىداي يگەرىپ، ەنەرگيا جۇمسالىمى جوعارى كاسىپتەردە ەنەرگيا ۇنەمدەپ، كومىر قىشقىل گازىنىڭ شىعارىلۋىن ازايتۋ تەحنيكاسىن جاڭالاپ، كومىردى، گازدى جانار زات ەتەتىن پار قازانى تەحنيكاسىن جاڭالاۋ تەبىنىن ارتتىرىپ، ءوزى دايىنداعان ەلەكتر ستانسيالارىن جاڭالاپ اۋىستىرۋدى تەزدەتۋ كەرەك. جىلۋ بەرۋ مەزگىلىندە ءتۇيىندى كاسىپتەردىڭ، كاسىپورىنداردىڭ قاربالاس كەزگە سوقپايتىن ءوندىرىسىن ىلگەرىلەتىپ، ”ءبىر كاسىپ ءبىر شارا“، ”ءبىر كاسىپورىن ءبىر شارا“ دەگەنگە تاباندى بولىپ، ورنىقتى ىلگەرىلەتۋ كەرەك. قالالاردا شاڭ - توزاڭنىڭ لاستاۋىن وڭاۋدى كۇشەيتىپ، ءتۇيىندى قۇرىلىس جۇرگىزۋ نىساندارىن، ماڭىزدى جول بولىكتەرىن ءجىتى قاداعالاپ، شاڭ - توزاڭداردىڭ لاستاۋىن باقىلاۋ - ولشەۋ، باقىلاۋ - باسقارۋ، زاڭ اتقارۋ تەبىنىن ارتتىرۋ كەرەك. لاستانۋدى وڭاۋداعى عىلىم - تەحنيكا تىرەگىن كۇشەيتىپ، بيڭتۋان مەن جەرگىلىكتى ورىن اتموسفەراسىنىڭ لاستانۋىنان ساقتانۋ جانە ونى وڭاۋ بويىنشا سەلبەسۋ مەحانيزمىن ورناتىپ، بيڭتۋان مەن جەرگىلىكتى ورىن ءبىر تۇتاس جۇيە، وڭىرلىك قورشاعان ورتانى بىرگە ساقتاۋ، بىرگە وڭاۋ، بىرلەسىپ ساقتانۋ، بىرلەسىپ تىزگىندەۋ سياقتى تالاپتاردى شىن مانىندە تىڭعىلىقتى تياناقتاندىرۋ كەرەك.
ءماجىلىس مىنالاردى باسا دارىپتەدى: قىزمەت جاۋاپكەرشىلىگىن ناقتىلاندىرىپ، بيڭتۋان مەن جەرگىلىكتى ورىننىڭ بىرلەسىپ ارەكەتتەنۋىن كۇشەيتىپ، قۋزاۋ - جەتەكشىلىك ەتۋدى، تەكسەرۋدى كۇشەيتىپ، ۇگىت تاسىلىندە جاڭالىق اشىپ، ”ءۇرىمجى - سانجى - شىحىزى“ ءوڭىرى اتموسفەراسىنىڭ لاستانۋىنان قامال الۋ جانە ونى وڭاۋ سىندى وسى قاتاڭ شايقاستى باتىل ويداعىداي جۇرگىزۋ كەرەك.
جاروللا يسامدين، شۋە بين، ليۋ شينجيان قاتارلىلار ماجىلىسكە قاتىناستى.
