جۇڭحۋا ۇلتى ورتاق تۇلعا تانىمىن بەرىك ورناتۋعا ساياسي كەڭەستىڭ كۇشىن قوسۋ كەرەك

日期:2022年09月28日
来源:新疆日报
【字体:

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 22 - رەتكى تۇراقتى كوميتەت ءماجىلىسى جابىلدى

جۇڭحۋا ۇلتى ورتاق تۇلعا تانىمىن بەرىك ورناتۋعا ساياسي كەڭەستىڭ كۇشىن قوسۋ كەرەك

  انار بۇلت \ شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 27 - كۇنى ۇرىمجىدەن حابارلايدى. 9 - ايدىڭ 27 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 22 - رەتكى تۇراقتى كوميتەت ءماجىلىسى ءتۇرلى كەڭەستىك تارتىپتەرىن ورىنداعاننان كەيىن ۇرىمجىدە جابىلدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.

  نۇرلان ءابىلماجىن بىلاي دەپ اتاپ كورسەتتى: ساياسي دەڭگەيدى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن بىرلىككە كەلتىرىپ، ۇدايى ۇيرەنۋ، ۇدايى جاڭالاۋ بارىسىندا يدەيانىڭ ۇلى كۇشىن سەزىنىپ، ۇلگىگە، ولشەمگە تۋرالانۋ بارىسىندا بەلسەندى، ىرىقتى ءىس تىندىرىپ، شىنايى سەنۋ، شىنايى اتقارۋ بارىسىندا پارتيانىڭ باسشىلىعىنا تاباندى بولىپ، ناقتى ءىس ىستەۋ، جاۋاپكەرشىلىك ارقالاۋ ارقىلى باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىنىڭ ساياسي كەڭەس جۇيەسىندە تياناقتانىپ، ونىمدىلىك كورسەتۋىن ىلگەرىلەتۋ كەرەك.

  نۇرلان ءابىلماجىن بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى كوڭىل تۇكپىرىنە تەرەڭ ۇيالاتۋ − ءارى ساياسي كەڭەستىڭ مىندەت اتقارۋىنىڭ ماڭىزدى ءتۇيىنى، ءارى قۇنى مەن باسىمدىق تياناعى. بۇكىل رايونداعى ءار دارەجەلى ساياسي كەڭەستەر، ساياسي كەڭەسكە قاتىناسقان ءارقايسى ورىندار جانە ءار ۇلت، ءار سالا ساياسي كەڭەس مۇشەلەرى قىزمەت جاۋاپكەرشىلىگىن، بورىشىن مۇقيات ويداعىداي اتقارىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، تىلەكتەس، باعىتتاس بولاتىن ساياسي باسىمدىقتان، زەيىن - زەردەنى، كۇش - قۋاتتى ۇيىستىراتىن ىنتىماق باسىمدىعىنان، تەڭ تۇرعىدا كەڭەسەتىن دەموكراتيالىق باسىمدىقتان، كەڭ كولەمدە بايلانىس ورناتاتىن سالالىق باسىمدىعىنان پايدالانىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەۋدىڭ ساپاسى مەن دەڭگەيىن ۇزدىكسىز جوعارىلاتىپ، شينجياڭ قىزمەتىنىڭ باس نىساناسىن جۇزەگە اسىرۋعا اناعۇرلىم كوپ اقىل - پاراسات جانە كۇش - قۋات ارناۋىمىز كەرەك.

  نۇرلان ءابىلماجىن مىنالاردى تالاپ ەتتى: ىشكەرىلەي كەڭەسىپ، ۇكىمەت ءىسىن اقىلداسىپ، ساياسي كەڭەستىڭ باي كەڭەس دانەكەرى مەن كەمەلدى قىزمەت مەحانيزمىن ارقاۋ ەتىپ، جۇڭحۋا ۇلتىنا ورتاق رۋحاني مەكەن قۇرىلىسىن جاپپاي ىلگەرىلەتۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ سياقتى كەلەلى تاقىرىپتاردى ارقاۋ ەتىپ، دەن قويا تەكسەرۋ - زەرتتەۋ جۇرگىزىپ، دالمە - ءدال اقىل - كەڭەس بەرىپ، جۇڭحۋا ۇلتى ورتاق تۇلعا تانىمىن بەرىك ورناتۋ جاعىندا ءارى كوزبەن كورىپ، قولمەن ۇستاۋعا بولاتىن قىزمەتتەردى ىستەۋ، ءارى قىرۋار ءۇن - ءتۇنسىز نارلەندىرەتىن ىستەردى ىستەۋ؛ ورتاق تانىمدى كەڭىنەن ۇيىستىرىپ، ”شينجياڭ ساياسي كەڭەسى · قامقورلىق مىنبەرى“، مۇشەلەردىڭ كىتاپ وقۋ قيمىلى سياقتى تۇعىرلارعا سۇيەنىپ، پارتيا ۇلت ساياساتىن دەن قويا ۇگىتتەپ، شينجياڭ حيكاياسىن سۇيىسپەنشىلىكپەن ويداعىداي بايانداپ، ءار ۇلت بۇقاراسىن شىنايى ات سالىسۋ سەزىمىنە، شىنايى مويىنداۋ سەزىمىنە، تابىس سەزىمىنە، باقىت سەزىمىنە كەنەلتۋ؛ ۇدايى، باياندى قىزمەت تاسىلىندە بەلسەنە ىزدەنىس جاساپ، بۇقارامەن تىعىز بايلانىس ورناتۋدىڭ كوپىرلىك، دانەكەرلىك رولىن ونان ارى ساۋلەلەندىرىپ، اناعۇرلىم كوپ ادامدى پارتيانىڭ توڭىرەگىنە ىنتىماقتاستىرىپ، جۇدىرىقتاي جۇمىلىپ، پارتياعا ىلەسىپ ەكپىندەي ىلگەرىلەيتىن جويقىن كۇش توپتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.

  ءماجىلىس ينتەرنەت جەلىسىن، ينتەرنەت جەلىسىنەن تىسقارىنى ءوزارا ۇشتاستىرۋ تاسىلىندە وتكىزىلدى. ماجىلىستە اۆتونوميالى رايوندىق ساياسي كەڭەس 12 - كەزەكتى كوميتەتىنىڭ تاڭداۋلى ۇسىنىس جوبالارى مەن ۇسىنىس جوبالاردى بىتىرۋدەگى وزات ورىندار، ءبىتىرۋشى جەكەلەر ماداقتالدى، سيلاندى، كادرلارعا قاتىستى ىستەر ماقۇلداندى.

  اۆتونوميالى رايوندىق ساياسي كەڭەستىڭ ورىنباسار ءتوراعالارى پىڭ جيارۇي، جاروللا يسامدين، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، ءيىلحام سابىر، نۇرىم سىمايىلقان، ءدىلشات قىدىرقان، ازەز مۋسا، باس حاتشى گاۋ جياڭحۋاي ماجىلىسكە قاتىناستى.