شينجياڭ ٶندىرىس - قۇرىلىس بيڭتۋانى ۇكىمەت قىزمەتكەرىنە جانە ۇكىمەت قىزمەتكەرى بويىنشا باسقارىلاتىن ورىندارعا 620 قىزمەتكەر قابىلدايدى. مۇنىڭ ىشىندە بيڭتۋانعا توتە قاراستى ورگاندارعا 292 قىزمەتكەر، ٵرقايسى دۆيزيا – قالالاردىڭ قوعام حاۋىپسىزدىك ورگاندارىنا 328 قىزمەتكەر قابىلدايدى. توراپتا تىزىمدەلۋ ۋاقىتى قازىردەن باستاپ 4 – ايدىڭ 8 – كۇنى ساعات 18گە دەيىن.
قابىلداۋ كولەمىنە جاتاتىندار: ىشكى ولكەدەگى تولىق كۇندىك جوعارى مەكتەپتەن وقۋ ءبىتىرۋ الدىنداعىلار، بۇرىن بىتىرگەندەر، سونداي – اق تولىق كۋرستان جوعارى ماعلۇماتتاعى وقۋ بىتىرگەندەر، شينجياڭدا ءتورت ءتۇر بويىنشا (باتىس بولىك جوسپارىنداعى ستۋدەنت ەرىكتىلەر، «ءۇشتى قولداپ، ءبىردى سۇيەمەلدەۋ» قىزمەتكەرلەرى قاتارلىلار) قىزمەت وتەۋشىلەر، بيڭتۋان تاڭداپ جىبەرگەن ستۋدەنتتەر، ىشكى ولكەلەردەگى جوعارى مەكتەپتەن بىتىرگەن شينجياڭدىق از ۇلت ستۋدەنتتەرى. جاس شەكتەمەسى جاعىنان 18 جاستان جوعارى، 35 جاستان تومەن بولۋى كەرەك؛ حالىق ساقشىسى قىزمەتىنىڭ جاس شەكتەمەسى 30 جاستان تومەن بولۋى كەرەك.
جازباشا ەمتيحان ۋاقىتى 4 – ايدىڭ 20 – كۇنىنەن 21 – كۇنىنە دەيىن، ىلگەرىندى – كەيىنگى جۇمىستاردىڭ ۋاقىت ورنالاستىرۋى قاتارلى ناقتى مازمۇنداردى شينجياڭ ٶندىرىس – قۇرىلىس بيڭتۋانىنىڭ ەمتيحان ينفورماتسيا تورابىنا （www.btpta.gov.cn）شىعىپ قاتىستى ۇقتىرۋدان كورۋىڭىزگە بولادى. تەلەفون ءنومىرى:0991-2890637؛ باقىلاۋ تەلەفون ءنومىرى: 0991-12388.
