3 - ايدا كوكتەم شۋاعى توگىلىپ گۇلدەر اشىلدى. 3 - ايدىڭ 25 - كۇنى 3 - كەزەكتى شينجياڭ كوكتەمگى ساياحات كورمەسى (قىسقارتىلىپ كوكتەمگى ساياحات كورمەسى دەلىنەدى) اشىلدى، بۇكىل شينجياڭداعى 14 ايماق، وبلىس - قالانىڭ بارلىعى وسى كەزەكتى كوكتەمگى ساياحات كورمەسىنە قاتىناستى. سولتۇستىك شينجياڭ وڭىرىندە گۇلدەردىڭ اشىلۋىنا تاعى ءبىراز ۋاقىت بار بولسادا، ءبىراق ايماق، وبلىس - قالالاردىڭ بارلىعى بەلسەنە قيمىلداپ، كوكتەمگى ساياحاتتى جوبالاپ، ورنالاستىرىپ، شينجياڭنىڭ ساياحاتىن گۇل - بايشەشەك قۇلپىرا اشىلعان تاعى ءبىر گۇل كوكتەم قۇشاعىنا ەنگىزدى.
■گۇل كورىپ ساياحاتتاۋ ونىمدەرى باي مازمۇندى، الۋان ءتۇرلى بولدى
ورىك گۇلى كوكتەمنىڭ كەلگەنىن حابارلاپ، گۇل ماۋسىمى جەتىپ كەلدى. كوكتەمگى ساياحات كورمەسىندە، تال - تەرەكتەر الدەقاشان بۇرلەپ، گۇلدەر اشىلعان حوتان ايماعى گۇل كورىپ ساياحاتتاۋدىڭ 6 جەلىسىن اشىپ، گۇل كورىپ ساياحاتتاۋ جۇمىستارىن تىڭعىلىقتى ىستەدى.
”3 - ايدان باستاپ حوتاننىڭ گۇل كورىپ ساياحاتتاۋى باستالدى“، - دەپ تانىستىردى حوتان ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى جوۋ نىڭۋىن. بيىل حوتان قالاسىنىڭ جييا اۋىلى، حوتان اۋدانى لاڭرۋ اۋىلىنىڭ ”ورىك گۇلى قىستاعى“، گۇما اۋدانىنىڭ سانجۋ قالاشىعى، شەريا اۋدانىنىڭ شەريا اۋىلى، نيە اۋدانىنىڭ يەيىق اۋىلى، كەريا اۋدانىنىڭ ارال اۋىلى گۇل كورىپ ساياحاتتاۋدىڭ تاماشا جەرلەرىنە اينالدى، ورىك گۇلى، شاپتول گۇلى، راۋشانگۇل... حوتاننىڭ گۇل كورۋ ساياحاتى قىزا ءتۇستى.
2014 - جىلدان باستاپ، ءۇشتۇرپان اۋدانى”ورىك گۇلى مەرەكەسى“ مادەنيەت ساياحات قيمىلىن ءۇرتىس 5 جىل تابىسپەن وتكىزىپ، ءۇشتۇرپان اۋدانى وتباسى اۋىلى باشاقما قىستاعىنىڭ ”ورىك گۇلى قىستاعى“ دەگەن اتاعىن اسپانداتتى. بيىل ءۇشتۇرپان اۋدانى ءۇشتۇرپاندا گۇل كورىپ كوكتەمگى سەيىلگە شىعۋ ءبىر كۇندىك ساياحاتىن جولعا قويدى. ”بىلتىرعى 2 اپتالىق ورىك گۇلدەگەن مەزگىلدە ءبىز 65 مىڭ ساياحاتشى (رەت) قابىلدادىق، بيىل 100 مىڭ ساياحاتشى (رەت) قابىلداۋعا ۇمتىلىپ وتىرمىز“، - دەدى ءۇشتۇرپان اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى ياڭ ي.
وڭتۇستىك شينجياڭ دالاسىنا كوكتەم كەلدى، سولتۇستىك شينجياڭدا قىستىڭ ىزعارى تولىق قايتا قويماسادا، ءبىراق سولتۇستىك شينجياڭنىڭ جەر - جەرىنىڭ گۇل كورۋ ساياحاتىنىڭ بەلسەندىلىگى ايرىقشا جوعارىلادى.
كوكتەمگى سەيىلگە شىعىپ تاس الما كورۋ، گۇل كورىپ كورىنىس تاماشالاۋ ەركىن قيمىلى، ەگىنجاي سالت - سانا ساياحاتى، راۋشانگۇل رومانتيكالى ساياحاتى... كوكتەمگى ساياحات كورمەسىندە، سانجى حۇيزۋ اۆتونوميالى وبلىسىنىڭ گۇل كورىپ ساياحاتتاۋ ونىمدەرى ساياحاتشىلارمەن جۇزدەستى. قازىر كەيبىر ساياحات كووپەراتيۆتەرى وسى جەلىلەردەگى ونىمدەرگە ساياحاتشى قابىلداپ ۇلگەردى.
4 - اي كىرىسىمەن، ىلە قازاق اۆتونوميالى وبلىسى گۇل كورىپ ساياحاتتاۋ قيمىلدارىن وتكىزەدى. 2019 - جىلعى جۇڭگو. نارات ورىك گۇلى مەرەكەسى تۇرگەن ورىك سايىندا وتكىزىلەدى، سول كەزدە فوتوسۋرەت ءتۇسىرۋ جارىسى، قازاق ۇلتىنىڭ سالت - سانا ويىندارى سياقتى قيمىلدار دا قاتار وتەدى؛ قورعاس اۋدانىنىڭ جۇڭحۋا فۋشوۋشان كورىنىس ءوڭىرى دە تاۋ گۇلى مەرەكەسىن وتكىزەدى. سول كەزدە كورىنىس وڭىرىندە جابايى قارا ورىك، جابايى دولانا، جابايى الما سياقتى 400 مىڭ ءتۇپ جابايى جەمىس اعاشى ىركەس - تىركەس گۇل اشادى. 5 - ايعا بارعاندا، ساياحاتشىلار قاراجون كورىنىس وڭىرىندە ءار الۋان دالا گۇلدەرىن تاماشالايدى.
3 - ايدان 5 - ايعا دەيىن، بۇكىل شينجياڭ بويىنشا 342 ءتۇرلى كوكتەمگى مادەنيەت جانە ساياحات قيمىلى وتكىزىلەدى. كوكتەمگى ساياحات كورمەسىندە بۇكىل شينجياڭداعى 14 ايماق، وبلىس، قالا كوكتەمگى ساياحات ونىمدەرىن جاريالادى. 342 ءتۇرلى قيمىل مەن جۇزگە جاقىن گۇل كورىپ ساياحاتتاۋ، كوكتەمگى ساياحات جەلىلەرى، ونىمدەرى شينجياڭنىڭ كوكتەمگى ساياحاتىنىڭ دۋمانىن اسىرادى.
■ ”ساياحات +“ كوكتەمگى ساياحات ونىمدەرىن بايىتتى
كوكتەمگى ساياحات كورمەسىندە جەر - جەر الۋان ءتۇرلى گۇل كورىپ ساياحاتتاۋدى جولعا قويىپ قانا قويماي، گۇلدى دانەكەر ەتىپ، ”ساياحات + مادەنيەت“، ”ساياحات + دەنە تاربيە“ سياقتىلار ارقىلى كوكتەمگى ساياحات ونىمدەرىن اشىپ، بارلىق گۇل شەشەك اتقان جاعدايدى قالىپتاستىردى.
بايىنعولين موڭعۇل اۆتونوميالى وبلىسى شىعىسقا ورالۋ مادەنيەتىن، قىزىل ءتۇستى مادەنيەتتى گۇل كورۋ ساياحاتىمەن توعىستىرىپ، 1 − 2 كۇندىك گۇل كورىپ ساياحاتتاۋ ءونىمىن جولعا قويدى. مىسالى، يانجي جىبەك جولى ەجەلگى قىستاعى ءبىر كۇندىك ساياحاتىندا، كوركەم اۋىل - قىستاقتا تاريح پەن مادەنيەتتىڭ ىزدەرىن تاپسا، شىعىسقا ورالۋ ءبىر كۇندىك ساياحاتىندا حىجيڭ مۇراجايىن، بەيشان وتانشىلدىق تاربيە بازاسىن، حىجيڭ بالعىنتاي حۋاڭمياۋ بۇتحاناسىن ساياحاتتاۋ سياقتىلار گۇل كورىپ ساياحاتتاۋمەن ۇشتاستىرىلادى.
قۇمىل قالاسى گۇل كورىپ ساياحاتتاۋ مەن قىزىل ءتۇستى مادەنيەتتى ۇشتاستىرىپ، قىزىل ارميانىڭ باتىس باعىت ارمياسىنىڭ شينجياڭعا كىرۋ ەسكەرتكىش باقشاسى، حۇڭشيڭ اسكەري تىڭ يگەرۋ مۇراجايى، اراتۇرىك قۇرباندار قابىرى سياقتى قىزىل ءتۇستى ساياحات كورىنىس وڭىرلەرى مەن كورىنىس تۇيىندەرىن كوكتەمگى ساياحات ونىمدەرىنە ەنگىزىپ، ونىمدەردىڭ مازمۇنىن بارىنشا بايىتتى.
”قازىر سايرام كولىندە مۇز ەرىپ، كولدىڭ جارتىسى اقشىل، جارتىسى كوكشىل بولعان كورىنىس جارىققا شىقتى، كوپ وتپەي، كول جاعاسىنداعى قىزعالداق، مىسىق وتى، جۇلدىز ءشوپ سياقتىلار گۇل اشىپ، ايبىندى گۇل تەڭىزىن قالىپتاستىرادى“. سايرام كولى كورىنىس ءوڭىرىن باسقارۋ كوميتەتى پارتيا - بۇقارالىق قىزمەت ءبولىمىنىڭ باستىعى جي حۇڭفۋدىڭ ايتۋىنشا، سايرام كولى كورىنىس ءوڭىرى وسى ەرەكشە كورىنىستى ارقاۋ ەتە كوكتەمگى ساياحات ونىمدەرىن جارىققا شىعارماقشى ەكەن.
تۇرپان زەرتتەۋ، ۇيرەنۋ ساياحات جەلىسىن العا قويدى. بۇل جەلىدە گۇلى جايقالعان ورىك ورمانىنان شىعىپ، جول - جونەكەي تۇرپان قالالىق مۇراجايدى، دۇنيە جۇزىندەگى تەڭىز دەڭگەيىنەن ەڭ الاسا ءشول وسىمدىكتەر باقشاسىن، جالىنتاۋدى، سۇلەيمەن مۇناراسىن كورۋگە، سونداي - اق ايدىنكولدىڭ بويىندا تۇندە ۇشپا شام قويا بەرۋ سياقتىلاردى تاماشالاۋعا بولادى، دالادا تۇنەۋ، جايعاسۋ سياقتى تارتىمدى قيمىلداردى سەزىنۋگە بولادى.
■كوكتەمگى ساياحاتتىڭ دامۋىنا جاڭا قوزعاۋشى كۇش قوستى
3 - ايدىڭ 26 - كۇنى تۇستەن بۇرىن كوكتەمگى ساياحات كورمەسىنىڭ ”گۇل ماۋسىمىنداعى ساياحات“ ونىمدەرىن تانىستىرۋ جينالىسىندا قابا اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى كەڭسەسىنىڭ مەڭگەرۋشىسى جىڭ حۇڭجۇن جەر - جەردىڭ تانىستىرۋىن مۇقيات تىڭداپ، ءالسىن - ءالى ەستەلىك الدى. ”بۇل ءبىر رەتكى تاپتىرمايتىن ۇيرەنۋ ورايى“، - دەدى ول.
وسى رەتكى كوكتەمگى ساياحات كورمەسىندە كوپتەگەن ايماق، وبلىس، قالا ۇيرەنۋدى ماڭىزدى مىندەت سانادى.
التاي ايماعى كورمەگە قاتىناسۋعا 40 نەشە ادام جىبەردى، مۇندا التاي ايماعىنىڭ، ءارقايسى اۋدان، قالانىڭ مادەنيەت ساياحات تاراۋلارىنىڭ جانە كورىنىس وڭىرلەرىنىڭ قاتىستى جاۋاپتىلارى قامتىلىپ، ءارقايسى ايماق، وبلىس، قالا بويىنشا كورمەگە قاتىناسقان ادام سانى ەڭ كوپ ۇيىرمە بولدى. ولار وزدەرىنىڭ بايلىعىن، ءونىمىن تانىستىرۋعا كەلىپ قانا قويماي، ۇيرەنۋگە، اۋىس - ءتۇيىس جاساۋعا كەلدى. ”ءبىز جەر - جەردىڭ ساياحاتتى دامىتۋداعى تاماشا وي جەلىسىنەن، جاقسى ادىسىنەن ۇلگى الىپ، ءىس جۇزىندىك جاعدايمەن ۇشتاستىرىپ، ساياحاتتى ءتىپتى جاقسى دامىتامىز “، - دەدى ۇيىرمە باستاپ بارعان التاي ايماقتىق پارتكومىنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن - ان تانىستىرا. كوكتەمگى ساياحات كورمەسىنىڭ ءاربىر تالقى مىنبەرىن، تانىستىرۋ جينالىسىن، سونداي - اق ءار رەتكى تاماشالاۋدى ولار اسا مۇقياتتىلىقپەن تىڭداپ، كەڭەس الدى. ”ساياحاتتىڭ زور دامۋى بىزگە ءتىپتى جوعارى تالاپ قويدى، ۇزبەي ۇيرەنگەندە عانا ءتىپتى جاقسى دامۋعا بولادى“، - دەدى ۋاڭ جۇن - ان.
تارباعاتاي ايماعى دا كورمەگە قاتىناسۋعا كوپ ادام جىبەرىپتى، كورمە ورنىنىڭ وزىنەن ونىن بەلگىلەگەن ەكەن، ءبىر جاعىنان، جەرگىلىكتى ورىننىڭ مول ساياحات بايلىعىن تولىق ايگىلەۋ ءۇشىن بولسا، ەندى ءبىر جاعىنان، ۇيرەنۋ، كەڭەسۋ ءۇشىن كەلىپتى. كوكتەمگى ساياحات كورمەسىندە ولار التاي ايماعى، قارامايلى قالاسى سياقتى جەرلەردىڭ مادەنيەت ساياحات تاراۋلارىمەن ءوزارا اۋىس - ءتۇيىس جانە كەڭەس وتكىزىپ، سەلبەسۋگە تاماشا نەگىز قالادى.
”وسى رەتكى كوكتەمگى ساياحات كورمەسىنە قاتىناسىپ مول تابىسقا يە بولدىق، جەر - جەر ەرەكشەلىككە يە گۇل كورىپ ساياحاتتاۋ ونىمدەرىن شىعارىپ، لەنيا اشۋ، ونىمدەردى جوبالاۋ جاعىنان ەرەكشە دەن قويىپتى، كوپتەگەن جەرلەرى ۇيرەنۋىمىزگە، ۇلگى الۋىمىزعا تاتيدى“، - دەدى ياڭ ي.
