3 - ايدىڭ 26 - كۇنى بۇكىل رايونىمىزدىڭ ارىز - ارمان قىزمەت ءماجىلىسى اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ حالىقتىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ساياسي - زاڭ قىزمەت ءماجىلىسىنىڭ، مەملەكەتتىك ارىز - ارمان مەكەمەلەرى باستىقتارى ءماجىلىسىنىڭ جانە اۆتونوميالى رايوندىق پارتكوم ساياسي - زاڭ قىزمەت ءماجىلىسىنىڭ رۋحىن مۇقيات تياناقتاندىرىپ، 2018 - جىلعى ارىز - ارمان قىزمەتىن قورىتىندىلادى، 2019 - جىلعى قىزمەت مىندەتتەرىن ورنالاستىردى.
اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ۋاڭ جۇنجىڭ ماجىلىسكە قاتىناستى ءارى ءسوز سويلەدى.
ءماجىلىس مىنالاردى تالاپ ەتتى: باس شۋجي شي جينپيڭنىڭ حالىقتىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىنىڭ جانە ماڭىزدى بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى ارىز - ارمان قىزمەتىن ويداعىداي ىستەۋدىڭ جاۋاپكەرشىلىك سەزىمىن، بورىشتىلىق سەزىمىن اناعۇرلىم كۇشەيتۋ كەرەك. نازاردى باس نىساناعا شوعىرلاندىرىپ، ارىز - ارمان قىزمەتىنىڭ جوعارى ساپالى دامۋىن ىشكەرىلەي ىلگەرىلەتۋ كەرەك. حالىقتى وزەك ەتۋگە تاباندى بولىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەۋ؛ تومەنگى شەك ويلامىن شىنايى كۇشەيتىپ، ارىز - ارمان قىزمەتىنىڭ جالپى جاعدايعا قىزمەت ەتۋ ىرىقتىلىعىن كۇشەيتۋ؛ ارىز - ارمان ءتۇزىمى رەفورماسىن تەرەڭدەتىپ، اناعۇرلىم جوعارى ورەدەگى جاريا ارىز - ارمانىن، جاۋاپكەرشىلىك ارىز - ارمانىن، زاڭمەن جونگە سالىناتىن ارىز - ارمانىن ورناتۋ؛ ارىز - ارمانداعى كورنەكتى قايشىلىقتاردى ءبىر جايلى ەتىپ، قوعامدىق جاعداي، ەل رايىن تۇجىرىمداۋدى كۇشەيتىپ، رەفورما جاساۋ، دامۋ، ورنىقتىلىق جالپى جاعدايى ءۇشىن اناعۇرلىم ويداعىداي قىزمەت ەتۋ كەرەك.
ءماجىلىس مىنانى اتاپ كورسەتتى: ءار دارەجەلى پارتكوم مەن ۇكىمەت، جەر - جەر، تاراۋلار ارىز - ارمان قىزمەتىنە باسشىلىقتى اناعۇرلىم كۇشەيتىپ، قىزمەتتە بىرىككەن كۇش قالىپتاستىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتاندىرىلۋىنا كەپىلدىك ەتۋ كەرەك.
ماجىلىستە اۆتونوميالى رايون ءارقايسى ايماق، وبلىس، قالالارمەن، اۆتونوميالى رايونعا توتە قاراستى مەكەمە - ورىندارمەن «2019 - جىلعى اۆتونوميالى رايوننىڭ ارىز - ارمان قىزمەتى جاۋاپكەرشىلىك حاتىنا» قول قويدى.
