وسىدان بىلاي، ءۇرىمجى قالالىق دارىندىلارعا قىزمەت وتەۋ ورتالىعى ٵر جۇما سايىن ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ 4 – قاباتىنداعى زالدا قىزمەتكەر قابىلداۋ ناق مايدان جينالىسىن وتكىزىپ، ٵر ءتۇرلى ادام ىستەتۋشى ورىندارعا، كاسىپتەنۋدى ويلاعان ٵر ءتۇرلى قىزمەتكەرلەرگە ناق مايداننان كەلىپ سويلەسەتىن تەكشە ازىرلەيدى.
ءتىلشىنىڭ ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن ۇعىسۋىنشا، بۇرىن، ءۇرىمجى قالالىق دارىندىلارعا قىزمەت وتەۋ ورتالىعى ٵر جۇما سايىن بۇرىنعى ورىندا قىزمەتكەر قابىلداۋ جينالىسىن وتكىزەتىن، قازىر ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ىشىنە كوشكەندىكتەن، قىزمەتكەر قابىلداۋ جينالىسى قازىرگى اتالعان ورىنعا جوتكەلدى.
3 – ايدىڭ 22 – كۇنى، 24 مەكەمە اتالعان ورىندا قىزمەتكەر قابىلداۋ ناق مايدان جينالىسىن وتكىزەدى، 134 ورىنعا 454 ادام قابىلدايتىن بولىپ، ەمدەۋ، قازىنا، ساۋدا، اجارلاندىرۋ قاتارلى ٵر ءتۇرلى سالانى قامتيدى.
ۇعىسۋعا قاراعاندا، ءۇرىمجى قالالىق دارىندىلارعا قىزمەت وتەۋ ورتالىعى قىزمەتكەر قابىلدايتىن ورىننىڭ تيجارات جۇرگىزۋ رەسمياتى، زاڭدىق جاۋاپتى ادامنىڭ ينفورماتسياسى، قىزمەتكەر قابىلدايتىن ورىن قاتارلى قىزمەتكەر قابىلداۋدىڭ كەپىلدىك ينفورماتسيالارىنىڭ شىن – جالعاندىعىن تەكسەرەدى.
ناق مايدانعا بارا المايتىندار ءۇرىمجى قالالىق دارىندىلار تورابىنا شىعىپ (http://www.wlmqrc.com/) قىزمەتكەر قابىلداۋ ينفورماتسيالارىن كورۋىنە، قىزمەت ىزدەۋىنە بولادى.
