انار بۇلت / شينجياڭ گازەتىنىڭ ءتىلشىسى تۇيا 12 - ايدىڭ 9 - كۇنى ۇرىمجىدەن حابارلايدى. 12 - ايدىڭ 9 - كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى اقپار جاريالاۋ ءماجىلىسىن اشىپ، ”13 - بەسجىلدىق“ مەزگىلىندەگى رايونىمىزدىڭ حالىق باسقارۋىنداعى شارۋاشىلىعىنىڭ دامۋ جەتىستىكتەرىن، سونداي - اق ”14 - بەسجىلدىقتاعى“ باستالۋ جاعدايىن تانىستىردى. 2020 - جىلى اۆتونوميالى رايوننىڭ حالىق باسقارۋىنداعى شارۋاشىلىعىنىڭ ارتقان قۇنى 526 ميلليارد 791 ميلليون يۋان بولىپ، بۇكىل رايوننىڭ GDPندا يەلەيتىن سالىستىرماسى ％38.2 بولىپ، الدىڭعى جىلعىدان 0.2 پايىز جوعارىلادى. حالىق باسقارۋىنداعى شارۋاشىلىقتا ورنىقتىلىق بارىسىندا ىلگەرىلەۋ، جالپى تۇلعالىق جاقتان جاقسارۋ جاعدايى جارىققا شىعىپ، حالىق شارۋاشىلىعىنداعى ۇلەسى جىل سايىن جوعارىلاپ، ەكونوميكالىق دامۋعا قوسقان ۇلەسى بارعان سايىن زورايىپ، حالىق شارۋاشىلىعىنىڭ ارتۋىن ىلگەرىلەتەتىن ماڭىزدى كۇشكە اينالدى.
”13 - بەسجىلدىق“ مەزگىلىندە رايونىمىز ءبىرسىپىرا رەفورما شارالارىن شىعارىپ، حالىق باسقارۋىنداعى شارۋاشىلىقتىڭ دامۋ ومىرشەڭدىگىن قاۋلاتتى، حالىق باسقارۋىنداعى شارۋاشىلىقتىڭ دامۋ ساپاسى كورنەكتى جوعارىلاپ، ەكونوميكانىڭ دامۋ قوزعاۋشى كۇشى ونان ارى ارتتى.
اۆتونوميالى رايوندىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى سەرگىلىڭ بىلاي دەدى: رايونىمىزداعى حالىق باسقارۋىنداعى كاسىپورىنداردىڭ سانى مەن كولەمى ونان ارى كەڭەيدى. 2020 - جىلدىڭ سوڭىنا دەيىن تىزىمگە تىركەلگەن بازار تۇلعالارى 2 ميلليون 9800 بولىپ، سايكەس مەزگىلدەگىدەن ％8.0 ارتتى. مۇنىڭ ىشىندە جەكەلىك كاسىپورىن 356 مىڭ 800 بولىپ، سايكەس مەزگىلدەگىدەن ％10.8 ارتتى؛ جەكە ساۋدا - ونەركاسىپشىلەر ءبىر ميلليون 560 مىڭ 800 بولىپ، سايكەس مەزگىلدەگىدەن ％7.4 ارتتى.
اۆتونوميالى رايوننىڭ كولەمنەن جوعارى حالىق باسقارۋىنداعى ونەركاسىپ كاسىپورنى 2676 بولىپ، اۆتونوميالى رايوننىڭ كولەمنەن جوعارى ونەركاسىپ كاسىپورنى جالپى سانىنىڭ ％7.73ىن يەلەدى؛ اۆتونوميالى رايوننىڭ كولەمنەن جوعارى حالىق باسقارۋىنداعى ونەركاسىبى ءونىم قۇنى كولەمنەن جوعارى ونەركاسىپ جالپى ءونىم قۇنىنىڭ ％43.8ىن يەلەپ، الدىڭعى جىلداعىدان 1.9 پايىز جوعارىلادى.
سەرگىلىڭ بىلاي دەدى: بۇدان كولەمنەن جوعارى ونەركاسىپ كاسىپورىندارىندا حالىق باسقارۋىنداعى شارۋاشىلىق قۇرامىنىڭ كورنەكتى جوعارىلاعاندىعىن، بازار تۇلعالارىنىڭ قۇرىلىمى ونان ارى ساپالىلانعاندىعىن، اۆتونوميالى رايوننىڭ بازاردىڭ ومىرشەڭدىك كۇشىن قاۋلاتاتىن، بازار تۇلعالارىنىڭ دامۋىن ىلگەرىلەتەتىن ءتۇرلى ساياساتىنىڭ ونىمدىلىك كورسەتكەندىگىن اڭعارۋعا بولادى.
حالىق باسقارۋىنداعى شارۋاشىلىقتىڭ رولى، ورنى ۇزدىكسىز كۇشەيدى. 2020 - جىلى اۆتونوميالى رايوننىڭ حالىق باسقارۋىنداعى شارۋاشىلىعىنىڭ وڭىرلىك ءوندىرىس جالپى ءونىم قۇنىنا قوسقان ۇلەسى ％38.2، سالىققا قوسقان ۇلەسى ％44.2 بولىپ، رايونىمىزدىڭ بازار تۇلعالارى جالپى مولشەرىندە يەلەيتىن سالىستىرماسى ％95.4كە جەتتى، بۇكىل رايونداعى حالىق باسقارۋىنداعى ورتا، شاعىن، ۇساق كاسىپورىندار 179 مىڭ 500 ادامدى جۇمىسقا قابىلدادى، بۇل بۇكىل رايوننىڭ قالا - قالاشىقتارىنداعى جاڭادان كوبەيگەن كاسىپورىنداردا جۇمىستانعانداردىڭ ％91.0ىن يەلەيدى.
دامۋدى ۇزدىكسىز جەدەلدەتۋمەن بىرگە، رايونىمىزدىڭ حالىق باسقارۋىنداعى كاسىپورىندارى كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋدىڭ ماڭىزدى كۇشىنە اينالدى. ”13 - بەسجىلدىق“ مەزگىلىندە، قالىڭ حالىق باسقارۋىنداعى كاسىپورىنداردىڭ كاسىپ سالاسى بويىنشا كومەكتەسۋ - سۇيەمەلدەۋگە قوسقان قارجىسى 3 ميلليارد 970 ميلليون يۋان بولىپ، 2042 قىستاققا كومەكتەسىپ - سۇيەمەلدەپ، بۇكىل رايوننىڭ كەدەيلىكتەن ارىلتۋدان قامال الۋ نىسانا - مىندەتىن ءدال ۋاعىندا ورىنداۋىنا ماڭىزدى ۇلەس قوسىپ، حالىق باسقارۋىنداعى كاسىپورىنداردىڭ جاۋاپكەرشىلىگى مەن بورىشىن تولىق ايگىلەدى.
سەرگىلىڭ بىلاي دەدى: ”14 - بەسجىلدىق“ مەزگىلىندە، اۆتونوميالى رايوندىق ساۋدا - ونەركاسىپشىلەر بىرلەستىگى حالىق باسقارۋىنداعى كاسىپورىنداردى جاڭا دامۋ ۇستانىمىن امالياتتا ايگىلەۋگە بەلسەنە جەتەكتەپ، حالىق باسقارۋىنداعى كاسىپورىنداردىڭ تيبىن جاڭالاپ، دارەجەسىن جوعارىلاتۋىنا دەم بەرەدى، سونىمەن بىرگە ورتا، شاعىن، ۇساق كاسىپورىنداردى قىزمەت ءتۇيىنى ەتىپ، قىزمەت وتەۋ ساپاسىن قۇلشىنا جوعارىلاتىپ، قىزمەت وتەۋ سالاسىن كەڭەيتىپ، قىزمەت وتەۋ ءتاسىلىن جاڭالاپ، حالىق باسقارۋىنداعى كاسىپورىنداردىڭ جوعارى ساپالى دامۋ ارناسىنا جەدەل قادام تاستاۋىن ىلگەرىلەتەدى.
