انار بۇلت / شينجياڭ گازەتىنىڭ ءتىلشىسى ليۋ شياڭ 12 - ايدىڭ 8 - كۇنى ۇرىمجىدەن حابارلايدى. 12 - ايدىڭ 6 - كۇنى تۇستەن بۇرىن اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 145 - رەتكى ۇنەمىلىك ىستەر ءماجىلىسىن باسقارىپ اشىپ، جىجياڭ ولكەسىنىڭ ”ۇيىرمە قۇراۋ فورماسىندا“ شينجياڭعا باعىتتامالى كومەكتەسۋ قىزمەتىن جاسامپازدىقپەن ىلگەرىلەتۋ، اۆتونوميالى رايوننىڭ نەگىزگى الەۋمەتتىك قىزمەت وتەۋ ولشەمىن بەلگىلەۋ، شىعارۋ، ”شينجياڭ ساپاسى“ وڭىرلىك الەۋمەتتىك ماركا قۇرىلىسى ينجەنەرياسىن اتقارۋ سياقتىلاردى اقىلداستى.
ءماجىلىس مىنالاردى اتاپ كورسەتتى: جىجياڭ ولكەسىنىڭ ”ۇيىرمە قۇراۋ فورماسىندا“ شينجياڭعا باعىتتامالى كومەكتەسۋ قىزمەتىن جاسامپازدىقپەن ىلگەرىلەتۋدە كادر - دارىندىلاردىڭ ”ۇيىرمە قۇراۋ فورماسىندا“ شينجياڭعا كومەكتەسۋىن سۇيەنىش ەتىپ، نىسان، قارجى، عىلىم - تەحنيكا سياقتى شينجياڭعا كومەكتەسۋ بايلىقتارىنىڭ ءتۇيىندى سالالارداعى شەشۋشى بۋىندارعا شوعىرلانۋىن جەبەپ، بايلىقتى كەڭ كولەمدە بىرىكتىرۋدى، كومەكتەسۋ - سۇيەمەلدەۋ جۇيەسىنىڭ كۇشىن، ونىمدىلىگىن تۇلعالىق جاقتان ساۋلەلەندىرۋدى جۇزەگە اسىرىپ، شينجياڭعا باعىتتامالى كومەكتەسۋ قىزمەتى ۇستانىمىنىڭ، مەحانيزمىنىڭ، تۇتقاسىنىڭ، تۇعىرىنىڭ جاڭالانۋىن، دارەجەسىنىڭ ءوسۋىن ىلگەرىلەتىپ، شينجياڭعا باعىتتامالى كومەكتەسۋ قىزمەتىنىڭ دەڭگەيىن جوعارىلاتۋعا كۇش سالىپ، اقسۋ ايماعى مەن بيڭتۋان 1 - شىسىنىڭ جوعارى ساپالى دامۋىنا دەم بەرۋ كەرەك. جىجياڭ ولكەسىنىڭ جىجياڭدىق ساۋداگەرلەر شوعىرى زور بولۋ، سيفرلاندىرۋ رەفورماسى الدىدا ءجۇرۋ، بازارى دامىعان، گۋمانيتارلىق بايلىعى شوعىرلى بولۋ، عىلمي زەرتتەۋ قۇرىلىمدارىنىڭ جاڭالىق اشۋ قابىلەتى كۇشتى بولۋ سياقتى ارتىقشىلىقتارىن تولىق ساۋلەلەندىرىپ، ءبىر توبىن بەكەمدەۋ - جوعارىلاتۋ، ءبىر توبىن ىشكەرىلەي كەڭەيتۋ، ءبىر توبىنا سىناق تۇيىندەرىندە ىزدەنىس جاساۋ ارقىلى ”ۇيىرمە قۇراۋ فورماسىندا“ شينجياڭعا كومەكتەسۋ قىزمەتى ۇلگىسىنىڭ وقۋ - اعارتۋ، دەنساۋلىق ساقتاۋ - سالاماتتىق، مادەنيەت - ساياحات، اۋىل - قىستاقتى گۇلدەندىرۋ، ەڭبەك شوعىرلانعان كاسىپ سالاسى سياقتى سالالاردا الدىمەن قامال الۋىن، الدىمەن باسىمدىق قالىپتاستىرۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: اۆتونوميالى رايوننىڭ نەگىزگى الەۋمەتتىك قىزمەت وتەۋ ولشەمىن بەلگىلەۋ، شىعارۋ − رايونىمىزدى جالپىعا ءتيىمدى، نەگىزدىك سيپاتتى، تومەنگى شەكتەن تۇسىرمەۋ سيپاتىنداعى حالىق تۇرمىسى قۇرىلىسىن كۇشەيتۋگە، بايلىقتى ورنالاستىرۋدى ساپالىلاندىرىپ، شەكتى قازىنا كۇشىن حالىق بۇقاراسى ەڭ كوڭىل ءبولىپ وتىرعان سالالارعا، حالىق تۇرمىسىنداعى ەڭ شەشۋشى بۋىندارعا جۇمساۋعا، حالىق تۇرمىسىنىڭ تومەنگى شەگىن مىقتاپ يگەرىپ، نەگىزگى تۇرمىستى قامتاماسىز ەتىپ، حالىق بۇقاراسىنىڭ نەگىزگى الەۋمەتتىك قىزمەت وتەۋدەن يگىلىكتەنۋ ۇقىق - مۇددەسىن شىنايى قامتاماسىز ەتۋگە اناعۇرلىم ءمان بەرۋگە جەتەكتەۋگە ءتيىمدى. ”مەكتەپكە دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتاردى كۇتىمدەۋدەن، تۇرعىن ۇيدەن، كومەككە ءزارۋ جانداردى كومەكتەن يگىلىكتەندىرۋدەن، ارمياعا قامقورلىق جاساۋ قىزمەت وتەۋىنەن قامتاماسىز ەتۋ، مادەنيەت - دەنە تاربيە قىزمەت وتەۋىنەن قامتاماسىز ەتۋ“ سياقتى جاقتارداعى نەگىزگى الەۋمەتتىك قىزمەت وتەۋ قۇرىلىسىن ولشەمدەندىرۋدى جەدەل ىلگەرىلەتىپ، قارجىمەن قامتاماسىز ەتۋدى كۇشەيتىپ، قىزمەتتى ۇشتاستىرۋدى ويداعىداي ىستەپ، ولشەمدەندىرۋ ارقىلى نەگىزگى الەۋمەتتىك قىزمەت وتەۋدىڭ بىركەلكىلەنۋىن نەگىزىنەن جۇزەگە اسىرۋدى جەبەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم نىعايتۋ كەرەك.
ءماجىلىس مىنالاردى باسا دارىپتەدى: ”شينجياڭ ساپاسى“ وڭىرلىك الەۋمەتتىك ماركا قۇرىلىسى ينجەنەرياسىن اتقارۋ اناعۇرلىم كوپ ”جاڭا“ ساپالى ونىمدەردى، تاڭداۋلى كاسىپورىنداردى، قۇندى ماركالاردى جەتىلدىرۋ، قالىپتاستىرۋ، ”شينجياڭ جاقسى جەر“ دەگەندى اسقاقتاتىپ، رايونىمىزدىڭ باسىمدىققا يە كاسىپ سالاسىنىڭ جوعارى ساپالى دامۋىن جانە ەرەكشە ءونىم ساپاسىنىڭ جوعارىلاۋىن جەبەۋ، ” 10 ءىرى كاسىپ سالاسىن“ ساپالىلاندىرۋ، كۇشەيتۋ جونىنەن كەلەلى ماڭىز الادى. بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، كاسىپورىننىڭ نەگىزگى تۇلعالىق ورنىن بەرىك ورناتىپ، ۇكىمەتتىڭ جەتەكشىلىگىن، ساياساتتىڭ ىلگەرىلەتۋىن كۇشەيتىپ، بىرگە قۇراتىن، بىرگە يگىلىكتەنەتىن ماركا ورتاسىن قالىپتاستىرۋ كەرەك. كاسىپورىنداردىڭ ءوز ەركى بولۋىنا تاباندى بولىپ، كۋالاندىرۋ ولشەمى مەن اتقارۋ ەرەجەسىن سايكەستى بىرلىككە كەلتىرىپ، ادىلەتتى، تۋراشىل بازار ورتاسىن قالىپتاستىرۋ كەرەك. ”شينجياڭ ساپاسى“ جوعارى ولشەم جۇيەسى قۇرىلىسىن كۇشەيتىپ، ساپاعا سۇيەنىپ بازاردا باسەكەلەسۋ باسىمدىعىن جاراتىپ، وڭىرلىك الەۋمەتتىك ماركالاردىڭ وزەكتى باسەكەلىك قۋاتىن كۇشەيتىپ، ساپاسى جاقسى، ساپاسى ورنىقتى ساپا ورتاسىن قالىپتاستىرۋ كەرەك. حالىقارالىق وزىق ورەنى كوزدەۋدى نىسانا ەتىپ، ەرەكشە ونىمدەر مەن باسىمدىققا يە كاسىپ سالالارىنىڭ قازىرگى دامۋ جاعدايى مەن ەرەكشەلىگىنە نەگىزدەلىپ، ”شينجياڭ ساپاسى“ وڭىرلىك الەۋمەتتىك ماركا قۇرىلىسىنا تۇرلەر بويىنشا جەتەكشىلىك ەتىپ جانە ونى ساتىلار بويىنشا ىلگەرىلەتىپ، جاڭالىق اشاتىن، جاسامپازدىق جاراتاتىن دامۋ ورتاسىن قالىپتاستىرۋ كەرەك.
ءماجىلىس باسقا دا ىستەردى اقىلداستى.
