انار بۇلت / شينجياڭ گازەتىنىڭ ءتىلشىسى ما ينيڭ 12 - ايدىڭ 7 - كۇنى ۇرىمجىدەن حابارلايدى. نان مانەرلەۋ زاۆودى، كەپتىرۋ سەحى، نان جابۋدى سەزىنۋ، نان مادەنيەتى كورمە سارايى... 12 - ايدىڭ 7 - كۇنى يىڭسار اۋدانىنىڭ نان كاسىپ سالاسى باقشاسى دۋماندى بەينەگە ەنىپ، ساياحاتشىلاردىڭ اياعى ۇزىلمەدى. بىلتىر 7 - ايدا وندىرىسكە قوسىلىپ تيجارات باستاعان يىڭسار اۋدانى نان كاسىپ سالاسى باقشاسىنىڭ جالپى ساتۋ سوماسى 8 ميلليون يۋاننان استى. جەرگىلىكتى ورىن نان كاسىپ سالاسى باقشاسىن سۇيەنىش ەتىپ، ”اۋداندا كاسىپ سالاسى باقشاسى بولۋ، قىستاقتا تىكە ساتۋ دۇكەنى بولۋ“ سىندى كاسىپ سالاسى ارناسىن قالىپتاستىرىپ، 2400دەن استام ادامدى جۇمستانۋعا باستادى.
بيىل جىل باسىنان بەرى اۆتونوميالى رايون نان كاسىپ سالاسىن قامتىعان ”ون ءىرى كاسىپ سالاسىن“ جوعارى ساپالى دامىتۋدى ءتۇيىندى تۇردە ويداعىداي يگەرىپ، باسقا دا ەرەكشە باسىمدىققا يە كاسىپ سالالارىنىڭ دامۋىن تەڭ قادامدا ىلگەرىلەتىپ، كاسىپ سالاسى ارقىلى حالىققا تيىمدىلىك جاساۋ دەڭگەيىن جوعارىلاتىپ، شينجياڭ ەرەكشەلىگىنە يە وسى زامانعى ونەركاسىپ جۇيەسىن قۇرۋدى تەزدەتتى.
ەرەكشە باسىمدىقتاردى جەتىلدىرۋدى، دامۋ كومەسكى كۇشىن اشۋدى كوزدە ۇستاي وتىرىپ، اۆتونوميالى رايون ”14 - بەسجىلدىق“ جوبا مەزگىلىندە شينجياڭنىڭ مۇناي جانە مۇناي حيميا، كومىر جانە كومىر حيميا ونەركاسىبى، ەلەكتر قۋاتى، توقىماشىلىق جانە كيىم - كەشەك، ەلەكتروندى ونىمدەر، جەمىس ورمانى، اۋىل شارۋاشىلىعى قوسىمشا ونىمدەرىن مانەرلەۋ، نان كاسىبى، ءجۇزىم اراعى، ساياحات قاتارلى ”ون ءىرى كاسىپ سالاسىن“ ءتۇيىندى تۇردە دامىتۋدى بەلگىلەدى.
ءتىلشىنىڭ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنا قاراعاندا، تۇتاس رايونىمىزدا 75 نان كاسىپ سالاسى باقشاسى، 315 ءوندىرىس كاسىپورنى، 242 نان جابۋ سەلبەستىك كووپەراتيۆى قۇرىلعان، تۇتاس رايونىمىزدا كۇنىنە 17 ميلليون 970 مىڭ نان جابىلىپ، 300 تۇرلىدەن استام ءونىم بازارعا شىققان، كۇندىك ساتىلىم سوماسى 40 ميلليون 60 مىڭ يۋانعا جەتكەن. نان ونىمدەرى قازاقستان، قىرعىزستان سياقتى ەلدەرگە ساتىلىپ، 30 ميلليون يۋاننان استام ەكسپورت كىرىسىن كىرگىزگەن. شينجياڭنىڭ نان كاسىپ سالاسى قازىر تەز قارقىنمەن كولەمدەنە، شوعىرلانا دامۋ جولىنا تۇسكەن.
جەمىس ورمانى كاسىپ سالاسى جاعىندا، شينجياڭداعى ءارقايسى باستى ءوندىرىس رايوندارى قامداۋ جاعىنداعى قۇرىلىمدىق رەفورما ارقىلى قوزعاۋشى قۋاتتى قاۋلاتۋعا تاباندى بولىپ، ءوندىرىس مولشەرىنە ءمان بەرۋدەن ساپاعا ءمان بەرۋگە قاراي بۇرىلىس جاساپ، ەرەكشە جەمىس ورمانىنىڭ ساپانى جوعارىلاتىپ، ونىمدىلىكتى ارتتىرۋىن ۇزدىكسىز ىلگەرىلەتتى. بيىل 10 - ايدا وتكىزىلگەن 8 - كەزەكتى شينجياڭ ەرەكشە جەمىس ونىمدەرى (اقسۋ) ساۋدا جارمەڭكەسىندە جيىنى 280 ءتۇرلى ساتۋ - ساتىپ الۋ كەلىسىمىنە قول قويىلىپ، كەلىسىم سوماسى 10 ميلليارد يۋاننان استى.
ءجۇزىم اراعى كاسىپ سالاسى جاعىندا، ءبىر توپ ءبىرشاما ىقپالدى ءجۇزىم اراعى ماركالارىن جەتىلدىردى ءارى 9 - ايدا شينجياڭ ءجۇزىم اراعى قوعامىن قۇردى. بيىل وتكىزىلگەن تۇڭعىش كەزەكتى جۇڭگو (نيڭشيا) حالىقارالىق ءجۇزىم اراعى مادەنيەت - ساياحات كورمەسىندە شينجياڭنىڭ 4 ءجۇزىم اراعى ءونىمى التىن لوڭقا، ءبىر ءجۇزىم اراعى ءونىمى كۇمىس لوڭقا الىپ، شينجياڭ ءجۇزىم اراعى ءوندىرىس رايوندارىنىڭ جانە ءونىم ماركالارىنىڭ تانىمالدىلىعىن، باسەكەلىك قۋاتىن جانە ىقپال كۇشىن اناعۇرلىم جوعارىلاتتى. سونىمەن بىرگە اۆتونوميالى رايون ءجۇزىم اراعى كاسىپ سالاسىنىڭ ءتۇيىندى نىساندار قۇرىلىسىن تەزدەتتى، جالپى 2 ميلليارد 300 ميلليون يۋاننان استام قارجى قوسىلىپ، 50 مىڭ مۋ جەر يەلەيتىن شينجياڭ قۇتىبي تيانشان سولتۇستىك باۋرايى ەكولوگيالىق ءجۇزىم اراعى مادەنيەت - ساياحات اتىزى جالپىلىق نىسانىنا 281 ميلليون يۋان قارجى قوسىلىپ، اراق اشىتىلاتىن ءجۇزىم 5000 مۋدان استام جەرگە ەگىلدى.
بيىل جۇڭگو مۇناي - تابيعي گاز توبى شەكتى سەرىكتەستىگى تارىم مۇناي الابى تابيعي گاز ەتاندى جيناپ الۋ ينجەنەرياسى نىسانى، جۇڭگو مۇناي - تابيعي گاز توبى شەكتى سەرىكتەستىگى مايتاۋ مۇناي حيميا ونەركاسىبى بولىمشە سەرىكتەستىگىنىڭ 600 مىڭ توننالىق ەتاننان ەتيلەن ءوندىرۋ نىسانى سالىنىپ بولىپ وندىرىسكە قوسىلدى. مول مۇناي - گاز بايلىعىنا سۇيەنگەن اۆتونوميالى رايون جۇڭگو مۇناي - تابيعي گاز توبى شەكتى سەرىكتەستىگىنىڭ، جۇڭگو مۇناي حيميا ونەركاسىبى توبى شەكتى سەرىكتەستىگىنىڭ شينجياڭدا مۇناي - گاز بارلاپ اشۋىن، ءوندىرىستى ورنىقتىرىپ ءونىمدى ارتتىرۋىن جانە قورىتىپ مانەرلەۋىن زور كۇشپەن قولداپ، مۇناي جانە حيميا ونەركاسىبىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، مۇناي - گازدىڭ تومەنگى بۋىنداعى ونىمدەرىن جىنتىكتەي مانەرلەۋدى جانە كاسىپ سالاسى تىزبەگىن ۇزارتۋدى ويداعىداي ىستەپ، اناعۇرلىم كوپ مۇناي - گاز بايلىعىنىڭ شينجياڭدا، سول جەردىڭ وزىندە وڭدەلۋىنە قول جەتكىزىپ، مۇناي - تابيعي گاز بايلىعىن اشۋ ارقىلى شينجياڭداعى ءار ۇلت حالىق بۇقاراسىن ەڭ جوعارى شەكتە يگىلىككە كەنەلتتى.
سونىمەن بىرگە، اۆتونوميالى رايون كومىر، كومىر حيميا بايلىعىنىڭ شوعىرلانعان كاسىپ سالاسىن ورنىقتى قاداممەن دامىتىپ، وسى زامانعى كومىر حيميا ونەركاسىبىنىڭ ەلەكتر قۋاتى، مۇناي، حيميا ونەركاسىبى، مەتال قورىتۋ، قۇرىلىس ماتەريالدارى، جاڭا ەنەرگيا سياقتى كاسىپ سالالارىمەن توعىسا دامۋىن جەدەل ىلگەرىلەتتى.
