انار بۇلت / شينجياڭ گازەتىنىڭ ءتىلشىسى جاڭ يانفاڭ، پراكتيكانت لي جيڭ 12 - ايدىڭ 2 - كۇنى ۇرىمجىدەن حابارلايدى. 12 - ايدىڭ 2 - كۇنى ورتالىق كوميتەت ۇيىمداستىرۋ ءبولىمى، ورتالىق كوميتەت ۇگىت ءبولىمى ”ەڭ ارداقتى مەملەكەت قىزمەتكەرىن“ باعالاۋ ناتيجەسىن جاريالادى، جاڭ چۇنشان قاتارلى 32 جولداس ”ەڭ ارداقتى مەملەكەت قىزمەتكەرى“ بولىپ باعالاندى، سونىمەن بىرگە ولارعا 1 - دارەجەلى ەڭبەك جازىلدى. شينجياڭنان 2 ادام وسى زور داڭققا يە بولدى، ولار: اقشي اۋدانى قارابۇلاق اۋىلدىق پارتكومنىڭ مۇشەسى، قارۋلى ءبولىمنىڭ باستىعى شارشابەك ۋاقيتبەك، قازىر شينجياڭ ءوندىرىس - قۇرىلىس بيڭتۋانى 3 - شىسى تۇمشۇق قالالىق باس شيپاحاناسى 41 - تۋان بولىمشە شيپاحاناسىنىڭ باستىعى مىندەتىن وتەيتىن چيان بين.
شارشابەك ۋاقيتبەك اقشي اۋدانىنىڭ قارابۇلاق اۋىلىندا ۇزاق ۋاقىت بويى شەكارانى شارلاۋ، شەكارا كۇزەتشىلەرىن باسقارۋ قىزمەتىنە جاۋاپتى بولعان، تاۋ اسىپ، تاس باسىپ، قار سۋىنا نان ماتىرىپ جەۋ ونىڭ تۇرمىس داعدىسىنا اينالعان، شەكارا بويىنداعى سىرتپەن تۇتاسقان ۇلكەندى - كىشىلى تاۋ ساعالارىندا ونىڭ ىزدەرى قالعان. ول شەكارانى ادالدىقپەن كۇزەتىپ، بۇقاراعا ىقىلاسپەن قىزمەت وتەپ، شەكارا ءوڭىر مەملەكەت قىزمەتكەرلەرىنىڭ تاماشا وبرازىن ورناتتى.
چيان بين كەدەيلەردى سۇيەمەلدەۋ قىزمەتىنە قاتىناسقان كەزدە ىشكەرىلەي ارالاپ جاعداي ۇعىسىپ، تەكسەرۋ - زەرتتەۋ جۇرگىزىپ، كەدەي بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن كۇش سالا شەشىپ، كەزىندە ”كەدەيلىكتەن ارىلتۋدان قامال الۋداعى مەملەكەتتىك وزات“ اتاعىنا يە بولدى؛ جاڭا تيپتى ايدارشا ۆيرۋس وكپە قابىنۋ ىندەتى تۋىلعاندا، ول ىندەتتەن ساقتانۋ - تىزگىندەۋدىڭ الدىڭعى شەبىنە بارىپ، ءبىر جىلدان استام ۋاقىتتان بەرى باستان - اياق اتويلاپ الدا ءجۇرىپ، قاي جەر قاجەت ەتسە ىرىقتى تۇردە بارىپ، قاراپايىم قىزمەت ورنىندا كوممۋنيستىك پارتيا مۇشەسىنىڭ اۋەلگى ماقساتىن، بورىشىن ءىس جۇزىندىك ارەكەتى ارقىلى امالياتتا ايگىلەدى.
شينجياڭنان وسى جولى ”ەڭ ارداقتى مەملەكەت قىزمەتكەرى“ بولىپ باعالانعان 2 مەملەكەت قىزمەتكەرى قيىندىقتان قورىقپاي، قايراتتانا جاڭالىق اشىپ، تامىر تارتىپ ۇلەس قوسىپ، پاك، كىرشىكسىز بولدى، ولار ءوزىن پارتياعا ارناپ، وتان ءۇمىتىن اقتاۋ، جاۋاپكەرشىلىك ارقالاپ، ناقتى ىستەۋدىڭ وزات تيبى، مەملەكەت قىزمەتكەرلەرى قاۋىمىنىڭ تاڭداۋلى ۋاكىلى، جاڭا داۋىردەگى ادال، كىرشىكسىز، جاۋاپكەرشىلىك ارقالايتىن قالاۋلى قىزمەتكەر قاسيەتىن ايگىلەدى.
