اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى تۇتاس رايونىمىزدىڭ كەدەيلەردى سۇيەمەلدەۋ سالاسىنىڭ ساقتاندىرۋ تاربيەسى جينالىسىن اشتى

2 - ايدىڭ 25 - كۇنى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى حوتان قالاسىندا تۇتاس رايونىمىزدىڭ كەدەيلەردى سۇيەمەلدەۋ سالاسىنىڭ ساقتاندىرۋ تاربيەسى جينالىسىن اشتى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين ماجىلىسكە قاتىناستى ءارى ءسوز سويلەدى.
　　ءماجىلىس مىنالاردى اتاپ كورسەتتى: كەدەيلىكتەن ارىلتۋدان قامال الۋ شايقاسىندا جەڭىسكە جەتۋ ”ۋاقىتتى كەرى ساناۋ“ كەزەڭىنە ءوتتى. ءار دارەجەلى پارتيا ۇيىمدارى جانە ءتارتىپ تەكسەرۋ، باقىلاۋ - تەكسەرۋ ورگاندارى ساياسي جاۋاپكەرشىلىكتى كۇشەيتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە كەپىلدىك ەتۋ كەرەك.
　　ءماجىلىس مىنالاردى باسا دارىپتەدى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرىنىڭ، ورنالاستىرۋلارىنىڭ تياناقتاندىرىلۋ جاعدايىن باقىلاۋدى، تەكسەرۋدى كۇشەيتىپ، كەدەيلەردى سۇيەمەلدەۋ سالاسىنداعى جەمقورلىق جانە ستيل ماسەلەلەرىن باتىل رەتتەۋ - جونگە سالۋ كەرەك. ستيلگە وزگەرىس ەنگىزۋگە بۇلجىماي تاباندى بولىپ، كۇندەلىكتى باقىلاۋدى ناقتى، جىنتىكتەي جۇرگىزۋ كەرەك؛ ءتۇزىم مەحانيزمىن اقاۋسىزداندىرىپ، كەمەلدەندىرىپ، ءتۇزىمنىڭ ”تەگەۋرىندى“ بولۋىنا، ءتارتىپتىڭ ”ايبارلى“ بولۋىنا مۇمكىندىك جاساۋ كەرەك.
　　ءماجىلىس مىنالاردى تالاپ ەتتى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى كوزەۋلى ەمدەۋگە، ءدال جازالاۋعا تاباندى بولىپ، ساقتالۋ مولشەرىن ءتۇيىندى ازايتۋدى، ارتۋ مولشەرىن مۇلدە تەجەۋدى كورنەكتىلەندىرىپ، كەدەيلەردى سۇيەمەلدەۋ سالاسىنداعى قيانات ىستەۋ، باسقاعا جۇمساۋ، ۇستاپ قالۋ، جاسىرىن ءبولىسىپ الۋ، جالعان مالىمدەۋ، اتىن جامىلىپ الۋ، يەمدەنىپ الۋ، تارتىپ الۋ سياقتى ارەكەتتەردى باتىل تەكسەرىپ ءبىر جايلى ەتۋ؛ تارتىپكە، زاڭعا اۋىر قايشىلىق جاساعان ارەكەتتەردى باتىل تەكسەرىپ ءبىر جايلى ەتۋ؛ نەگىزگى ساتىداعى كادرلاردىڭ جەمىرلىك، المىرلىق، القىمداۋشىلىق، سۇرانشاقتىق، ءوسىم ۇستىنە ءوسىم قوسۋ، قىمقىرىپ قالۋ، تۋىس - تۋعانىنا، دوس - جارانىنا پايدا جەتكىزۋ سياقتى ماسەلەلەردى باتىل تەكسەرىپ ءبىر جايلى ەتۋ كەرەك. قاتاڭ باسقارۋعا، شىنايى قامقورلىق جاساۋعا تاباندى بولىپ، الۋان ءتۇرلى فورمادان پايدالانىپ ساقتاندىرۋ تاربيەسىن كۇشەيتۋدى ۇدايىلاندىرىپ، پارتيالى كادرلاردىڭ جەمقورلىقتان باس تارتۋ، وزگەرۋدەن ساقتانۋداعى يدەيالىق قورعانىس شەبىن ونان ارى بەكەمدەۋ كەرەك.
　　ءماجىلىس بەينەجازبا فورماسىندا ىلە، قىزىلسۋ، قاشقار سياقتى 8 ايماقتا، وبلىستا، قالادا، 35 كەدەي اۋداندا، قالادا جانە قاراستى اۋىل - قالاشىقتاردا (ءمالى)، قىستاقتاردا (الەۋمەتتىك اۋماق) وتكىزىلدى، تۇتاس رايونىمىزداعى 26 مىڭنان استام پارتيالى كادر ساقتاندىرۋ تاربيەسىن تەڭ قادامدا قابىلدادى.