1 - ايدىڭ 18 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى،
مەملەكەتتىك كەڭەستىڭ زۇڭليى لي كىچياڭ اڭگىمە ءماجىلىسىن باسقارىپ اشىپ، وقۋ -
اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنەتاربيە سالاسىنداعى
قايراتكەرلەردىڭ جانە نەگىزگى ساتىداعى بۇقارا ۋاكىلدەرىنىڭ «ۇكىمەت قىزمەتىنەن
بايانداما (پىكىر الۋ نۇسقاسى)» جونىندەگى ۇسىنىسى مەن پىكىرلەرىن
تىڭدادى.
ج ك پ
ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ
ورىنباسار زۇڭليى حان جىڭ ماجىلىسكە قاتىناستى.
ماجىلىستە
7 ۋاكىل وزدەرىنىڭ قىزمەت ءىس جۇزىندىگىمەن بىرلەستىرە وتىرىپ ۇكىمەت قىزمەتىنەن
بايانداما جونىندەگى ۇسىنىس - پىكىرلەرىن ورتاعا قويدى. لي كىچياڭ دەن قويا تىڭداپ،
بەلسەنە جاۋاپ قايتارىپ وتىردى. ول بىلاي دەدى: شي جينپيڭ جولداستى ۇيىتقى ەتكەن
پارتيا ورتالىق كوميتەتىنىڭ پارمەندى باسشىلىعىندا وتكەن جىلى ەلىمىزدىڭ
ەكونوميكاسى مەن قوعامىنىڭ دامۋىندا تىڭ تابىسقا قول جەتكىزىلدى. بۇل ءارى حالىقتىڭ
قۇدىرەتتى كۇش - قۋاتىن تولىق ايگىلەدى. بيىل ۇكىمەت قىزمەتىن ويداعىداي ىستەۋدە
ءالى دە حالىق بۇقاراسىنىڭ ورتاق قۇلشىنىپ كۇرەس جاساۋىنا سۇيەنەمىز، سونداي - اق
بازاردىڭ ومىرشەڭدىك قۋاتىن جانداندىرۋ ارقىلى ەكونوميكا باسەڭدەۋ قىسىمىنا توتەپ
بەرەمىز. مۇندا حالىقتى وزەك ەتۋ سىندى دامۋ يدەياسىندا تاباندى بولىپ، حالىقتىڭ
اشىنا اينالىپ، توعىنا تولعانۋدى اكىمشىلىك قۇرۋدىڭ نەگىزگى باعىتى ەتۋ كەرەك،
سىزدەردىڭ ورتاعا قويعان پىكىرلەرىڭىز − قوعامنىڭ ءار سالاسىنداعىلاردىڭ جانە
نەگىزگى ساتىداعى بۇقارانىڭ ارمانى مەن ءۇمىتى، ۇكىمەت حالىق تۇرمىسىنداعى
ءتۇيىندى، قيىن ماسەلەلەردى شەشۋگە كۇش سالىپ، ەكونوميكا مەن قوعامنىڭ سايكەستى
دامۋىن جەبەيدى.
