«جاراقسىز زات جوق قالا» قۇرىلىسى سىناق ءتۇيىنى ورىستەتىلەدى

قاتتى جاراقسىز زاتتاردىڭ قاينارىن ازايتۋ جانە بايلىققا اينالدىرىپ پايدالانۋ ءۇرتىس ىلگەرىلەتىلەدى

 تاياۋدا مەملەكەتتىك كەڭەس كەڭسەسى «<جاراقسىز زات جوق قالا> قۇرىلىسى سىناق ءتۇيىن قىزمەتى جوباسىن» (تومەندە قىسقاشا «جوبا» دەلىنەدى) باسىپ تاراتتى.

«جوبادا» مىنالار اتاپ كورسەتىلدى: «جاراقسىز زات جوق قالا» جوباسى – جاسامپاز، سايكەستى، جاسىل، اشىق، ورتاق يگىلىكتەنەتىن جاڭا دامۋ تانىمىن جەتەكشى ەتىپ، جاسىل دامۋ فورماسى مەن تۇرمىس ءادىسىن قالىپتاستىرۋدى جەبەۋ ارقىلى، قاتتى جاراقسىز زاتتاردىڭ قاينارىن ازايتۋ جانە بايلىققا اينالدىرىپ پايدالانۋدى باياندى ىلگەرىلەتىپ، جاراقسىزداردى كومىپ كوزىن جوعالتۋ سالىستىرماسىن ەڭ جوعارى شەكتە ازايتىپ، قاتتى جاراقسىز زاتتاردىڭ ورتاعا ىقپال كورسەتۋىن قالالاردىڭ ەڭ تومەنگى دەڭگەيدەگى دامۋ فورماسىنا جەتكىزۋ – قالا باسقارۋدىڭ ءبىر ءتۇرلى وزىق كوزقاراسى سانالادى. «جاراقسىز زات جوق قالا» قۇرىلىسى سىناق ءتۇيىنىن ورىستەتۋ پارتيا ورتالىق كوميتەتى، مەملەكەتتىك كەڭەستىڭ شەشىم ورنالاستىرۋلارىن ىشكەرىلەي تياناقتاندىرۋدىڭ ناقتى ارەكەتى، قالا تۇلعاسى جاعىنان قاتتى جاراقسىز زاتتاردى ۋنيۆەرسالدى باسقارۋ رەفورماسىن ىشكەرىلەتۋ جانە «جاراقسىز زات جوق قالا» قۇرىلىسىن ىلگەرىلەتۋدىڭ كۇش سالۋ ءتۇيىنى، ەكولوگيالىق وركەنيەتتى جوعارىلاتىپ، كورىكتى جۇڭگو قۇرۋدىڭ ماڭىزدى شاراسى سانالادى.

«جوبادا» مىنالار دارىپتەلدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيانىڭ 19 – قۇرىلتايى مەن 19 – كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسى مەن مەملەكەتتىك ەكولوگيالىق ورتانى قورعاۋ ءماجىلىسىنىڭ رۋحىن ىشكەرىلەي دايەكتىلەندىرىپ، جاسىل، تومەن وتتەكتى اينالمالى دامۋعا تاباندى بولىپ، ءىرى ونەركاسىپ تۇيىندەرىنىڭ قاتتى جاراقسىز زاتتارىن، نەگىزگى اۋىل شارۋاشىلىق جاراقسىز زاتتارىن، تۇرمىستىق قوقسىق جانە قۇرىلىس قوقسىقتارىن، قاتەرلى جاراقسىز زاتتاردى ءتۇيىن ەتىپ، قاينارىنان زور مولشەردە ازايتۋدى جۇزەگە اسىرىپ، بايلىققا اينالدىرىپ پايدالانۋ جانە حاۋىپسىز ءبىر جاقتى ەتۋ كەرەك.

«جوبادا» مىنالار ورتاعا قويىلدى: بۇكىل مەملەكەت كولەمىندە شارت – جاعدايى، نەگىزى بار، كولەمى ۇيلەسىمدى 10 اينالاسىندا قالا تاڭدالىپ، بۇكىل قالا كولەمى ىشىندە «جاراقسىز زات جوق قالا» قۇرىلىسى سىناق ءتۇيىنى ورىستەتىلەدى. 2020 – جىلعا بارعاندا، «جاراقسىز زات جوق قالا» قۇرىلىسى ولشەمدى جۇيەسى قالىپتاستىرىلىپ، «جاراقسىز زات جوق قالا» قۇرىلىسىن ۋنيۆەرسالدى باسقارۋ ءتۇزىمى مەن تەحنيكالىق جۇيەسىن ورناتۋ جاعىندا ىزدەنىس جاساپ، پايدالانۋعا، جالپىلاستىرۋعا بولاتىن «جاراقسىز زات جوق قالا» قۇرىلىسىنان ۇلگى كورسەتۋ ۇلگىسى قالىپتاستىرىلادى.