شي جينپيڭ: ساقتانۋ، مەڭگەرۋ قۋاتىن جوعارىلاتىپ، ەلەۋلى قاتەردەن ساقتانۋعا جانە ونى باسەيتۋگە كۇش سالىپ، ەكونوميكانىڭ ءۇرتىس، اقاۋسىز دامۋىن، قوعامدىق جالپى جاعدايدىڭ ورنىقتىلىعىن ساقتاۋ كەرەك

ولكە، مينيسترلىك دارەجەلى نەگىزگى باسشى كادرلاردىڭ تومەنگى شەكتەگى ويلاۋدان جازباي، ەلەۋلى قاتەردەن ساقتانۋعا جانە ونى باسەيتۋگە كۇش سالۋ جونىندەگى ارناۋلى تاقىرىپتىق تالقى كلاسى 1 – ايدىڭ 21 – كۇنى تۇستەن بۇرىن ورتالىق پارتيا مەكتەبىندە ساباق باستادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەپ مىنالاردى دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 – قۇرىلتايى مەن پارتيا 19 – كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، سىرتقى ورتاداعى تەرەڭ وزگەرىستەر مەن ەلىمىزدىڭ رەفورما، دامۋ، ورنىقتىلىق ىستەرى ءدوپ كەلگەن جاڭا جاعداي، جاڭا ماسەلە، جاڭا سايىستاردى تەرەڭ تانىپ جانە دۇرىس يگەرىپ، تومەنگى شەكتەگى ويلاۋدان جازباي، حاۋىپ – قاتەر تانىمىن كۇشەيتىپ، ساقتانۋ، مەڭگەرۋ قۋاتىن جوعارىلاتىپ، ەلەۋلى قاتەردەن ساقتانۋعا جانە ونى باسەيتۋگە كۇش سالىپ، ەكونوميكانىڭ ءۇرتىس، اقاۋسىز دامۋىن، قوعامدىق جالپى جاعدايدىڭ ورنىقتىلىعىن ساقتاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدى پارمەندى قامتاماسىزداندىرۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ساباق باستاۋ سالتىن باسقاردى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ساباق باستاۋ سالتىنا قاتىناستى.

شي جينپيڭ بىلاي دەپ اتاپ كورسەتتى: قازىر ەلىمىزدىڭ جاعدايى جالپى جاقتان جاقسى، پارتيا ورتالىق كوميتەتىنىڭ باسشىلىعى پارمەندى بولۋدا، تۇتاس پارتيانىڭ «ءتورت تانىمى»، «ءتورت سەنىمى»، «ەكىنى قورعاۋى» كورنەكتى نىعايدى، يدەيالوگيا سالاسىندا بەلسەندى، اقاۋسىز، العاباسار بولۋ اۋقىمى جارىققا شىقتى، ەكونوميكا ورنىقتىلىق بارىسىندا ىلگەرىلەۋدە، بۇكىل ەلدەگى ءار ۇلت حالقى ءبىر نيەت، ءبىر تىلەكپەن قاجىرلى شايقاس جۇرگىزۋدە، قوعامدىق جالپى جاعداي ورنىقتى بولىپ كەلەدى.

شي جينپيڭ سوزىندە ساياسي، يدەيالوگيا، ەكونوميكا، عىلىم – تەحنيكا، قوعام، سىرتقى ورتا، پارتيا قۇرىلىسى سياقتى سالالارداعى ەلەۋلى قاتەردەن ساقتانۋ جانە ونى باسەيتۋ جونىنەن تەرەڭ تالداۋ جاساپ، ايقىن تالاپتارىن ورتاعا قويدى. ول مىنالاردى دارىپتەدى: تولقىمالى حالىقارالىق اۋقىم، كۇردەلى دە سەزىمتال توڭىرەكتەگى ورتا، رەفورما، دامۋ، ورنىقتىلىقتىڭ اۋىر دا جاپالى مىندەتى الدىندا باستان – اياق ايرىقشا قىراعى بولۋىمىز، ءبىر جاعىنان، «قارا اققۋ» شىرعالاڭىنان ايرىقشا ساقتانۋىمىز، تاعى ءبىر جاعىنان، «سۇر ءمۇيىزتۇمسىق» شىرعالاڭىنان ساقتانۋىمىز؛ ءبىر جاعىنان، قاتەردەن ساقتانۋدىڭ الدىڭعى كۇشتەرىن ازىرلەۋىمىز، تاعى ءبىر جاعىنان، قاتەردەن ساقتانۋدىڭ جانە وعان توتەپ بەرۋدىڭ تاماشا امالدارىن تابۋىمىز؛ ءبىر جاعىنان، قاتەردەن ساقتانۋدىڭ جانە ونى تەجەۋدىڭ ازىرلىك شايقاسىنا مىعىم دايىندالۋىمىز، ەندى ءبىر جاعىنان، قاتەردەن امان – ەسەن قۇتىلۋدىڭ، سايىستى ورايعا اينالدىرۋدىڭ ستراتەگيالىق شايقاسىن ىرىقتىلىقپەن ويداعىداي جۇرگىزۋىمىز كەرەك.