مەملەكەتتىك كەڭەس كەڭسەسى «قالا – قالاشىق تۇرعىندار رايونىنىڭ جارىسپالى بالالار باقشاسىن وڭاۋ قىزمەتىن ورىستەتۋ جونىندەگى حابارلاندىرۋدى» باسىپ تاراتتى

جۋىردا مەملەكەتتىك كەڭەس كەڭسەسى «قالا – قالاشىق تۇرعىندار رايونىنىڭ جارىسپالى بالالار باقشاسىن وڭاۋ قىزمەتىن ورىستەتۋ جونىندەگى حابارلاندىرۋدى» باسىپ تاراتتى (تومەندە قىسقاشا «حابارلاندىرۋ» دەلىنەدى).

«حابارلاندىرۋدا» بىلاي دەپ دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 – قۇرىلتايىنىڭ جانە پارتيا 19 – كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، مەملەكەتتىك وقۋ – اعارتۋ جينالىسىنىڭ ورنالاستىرۋىن تياناقتاندىرىپ، حالىقتى وزەك ەتكەن دامۋ يدەياسىندا تاباندى بولىپ، ۇكىمەتتىڭ جاۋاپكەرلىگىن مۇقيات اتقارىپ، قالا – قالاشىقتىڭ الەۋمەتتىك قىزمەت وتەۋ قۇرىلعىلارى قۇرىلىسى جونىندەگى بەلگىلەمەنى زاڭ بويىنشا تياناقتاندىرىپ، جالپىعا ءتيىمدى بايلىقتى نەگىزگى تۇلعا ەتكەن ءتىلاشار تاربيەسىنىڭ الەۋمەتتىك قىزمەت وتەۋ جۇيەسىن كۇش سالا قۇرىپ، تۇرعىندار رايونىنىڭ جارىسپالى بالالار باقشاسىن جوبالاۋ، سالۋ، پايدالانۋعا بەرۋ، بالالار باقشاسىن باسقارۋ سياقتى بۋىنداردا ورىن تەپكەن كورنەكتى ماسەلەلەردى وڭاۋ كەرەك.

«حابارلاندىرۋدا» مىناۋ تالاپ ەتىلگەن: قالا – قالاشىقتىڭ تۇرعىندار رايونى بالالار باقشاسىن قاتىستى ولشەم جانە بەلگىلەمە بويىنشا جوبالاماسا نەمەسە جوبالاۋى جەتكىلىكسىز بولسا، جوباسى كەمەلدى بولعانىمەن، قۇرىلىسى تولىمسىز بولسا، تولىقتاپ سالۋ، وزگەرتىپ سالۋ نەمەسە جاقىن ماڭنان جاڭادان سالۋ، ورنىن اۋىستىرىپ سالۋ، ورىن ساتىپ الىپ سالۋ سياقتى فورمالارمەن شەشۋ كەرەك. سالىنىپ بولعان تۇرعىندار رايونىنىڭ جارىسپالى بالالار باقشاسى جەرگىلىكتى وقۋ – اعارتۋ اكىمشىلىك تاراۋلارىنا وتكىزىپ بەرىلمەسە شەكتى ۋاقىتتا وتكىزىلىپ بەرىلەدى، باسقاعا پايدالانىلعاندارىنا ءونىمدى شارا قولدانىلىپ، قايتارىپ الىنادى. تۇرعىندار رايونىنىڭ جارىسپالى بالالار باقشاسىن جەرگىلىكتى وقۋ – اعارتۋ اكىمشىلىك تاراۋلارى ۇكىمەت قۇرعان بالالار باقشاسى ەتىپ نەمەسە باسقا جاققا مىندەتتەپ جالپىعا ءتيىمدى بالالار باقشاسى ەتىپ قۇرۋى كەرەك، استە، پايدا ءتۇسىرۋ سيپاتىنداعى بالالار باقشاسى ەتىپ سالۋىنا بولمايدى. «حابارلاندىرۋدا» جوعارىداعى ماسەلەلەرگە باعىتتاي وتىرىپ تۇزەتۋ – وزگەرتۋ مىندەتى جونىندە انىق ۋاقىت كەستەسى بەلگىلەنگەن.