قوعام حاۋىپسىزدىگى مينيسترلىگى بەس ءتۇرلى قاتاڭ شارا قولدانىپ، سالماقتى، اۋىر شىرعالاڭداردىڭ تۋىلۋىن بار كۇشپەن تەجەمەك

قوعام حاۋىپسىزدىگى مينيسترلىگىنىڭ ورىنباسار مينيسترى دۋ حاڭ – ۋي 1 – ايدىڭ 22 – كۇنى اۋىر قاتىناس شىرعالاڭدارىنىڭ الدىن الۋ – ساقتانۋ تەكسەرىپ – زەرتتەۋ اڭگىمە ماجىلىسىندە بىلاي دەدى: بەس ءتۇرلى قاتاڭ شارا قولدانىپ، سالماقتى، اۋىر شىرعالاڭداردىڭ تۋىلۋى بار كۇشپەن تەجەلەدى.

دۋ حاڭ – ۋي مىنالاردى اتاپ كورسەتتى: 2018 – جىلى تۋىلعان 5 ءىرى شىرعالاڭنىڭ سەبەبىنە تالداۋ جۇرگىزگەندە، الىس ارالىقتى ەڭكەيىس جول سىندى قاتەرلى جول بولەكتەرىنە قاراتىلعان تەكسەرۋ – جونگە سالۋدىڭ جەتەرسىزدىگى، جۇك، جولاۋشى تاسىمال سەرىكتىكتەرىنىڭ حاۋىپسىزدىك تۇلعالىق جاۋاپكەرشىلىگىن تياناقتاندىرماۋى، اۋىل – قىستاقتارداعى شاعىن مينبۋستاردىڭ نورمادان ارتىق جولاۋشى تيەۋ، قارقىنىن اسىرۋ سىندى زاڭعا قايشى ارەكەتتەرىن باقىلاپ – باسقارۋ شاراسىنىڭ جەتەرسىز بولۋى، باسقارۋ نەگىزىنىڭ السىزدىگى سىندى كورنەكتى ماسەلەلەر مەن كەمىستىكتەردەن شوعىرلى بايقالىپ، شىرعالاڭنىڭ الدىن الۋ – تىزگىندەۋ مىندەتىن اۋىرلاتىپ جىبەرگەن.

دۋ حاڭ – ۋي مىنالاردى تالاپ ەتتى: 2019 – جىلى جەر – جەردەگى قوعام حاۋىپسىزدىگى ورگاندارى بىرىنشىدەن، قاتاڭ شارانى الدىمەن جوسپارلاپ جانە ورنالاستىرىپ، قاينارىن مىقتى ۇستاۋ، نەگىزىن يگەرۋ، ساقتانۋدى مىقتى ۇستاۋدى ءتۇيىندى كورنەكتىلەندىرىپ، حاۋىپ – قاتەرلەردى جاپپاي اداقتاۋى كەرەك. ەكىنشىدەن، قاتاڭ شارامەن تاراۋلاردى ورتاق جونگە سالۋدى ىلگەرىلەتىپ، ءارقايسى تاراۋلاردىڭ باقىلاپ – باسقارۋ جاۋاپكەرشىلىگىن كۇشەيتۋدى ىلگەرىلەتۋ كەرەك. ۇشىنشىدەن، قاتاڭ شارامەن جونگە سالۋ، باقىلاۋ – تىزگىندەۋ تەبىنىن ارتتىرىپ، زاڭعا قايشى قاتىناس – تاسىمالدى قاتاڭ باسقارۋ، قاتاڭ تەكسەرۋدى جالعاستىرىپ، ۇرەيلەندىرىپ سەس كورسەتۋگە تاباندى بولۋى كەرەك. تورتىنشىدەن، قاتاڭ شارامەن ۇيىمدىق باسشىلىقتى كۇشەيتىپ، باعالاۋ، قۋزاۋ سالۋ، شابىتتاندىرۋ رولىن ساۋلەلەندىرۋ كەرەك. بەسىنشىدەن، قاتاڭ شارامەن كوكتەم مەرەكەسىندىك تاسىمالدىڭ اماندىعىن قورعاۋدى ويداعىداي ىستەپ، تاس جولداردا تۋىلاتىن ءىرى قاتىناس شىرعالاڭدارىنان باتىل ساقتانۋ كەرەك.