«رەفورما جاساۋدى، ەسىك اشۋدى سوڭىنا دەيىن جۇرگىزەيىك» اتتى كىتاپ باسپادان شىعىپ تاراتىلدى

باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىنداعى ماڭىزدى ءسوزىنىڭ رۋحىن ىشكەرىلەي ۇگىتتەيتىن، دايەكتىلەندىرەتىن، تياناقتاندىراتىن تۇسىنىكتى نازاريالىق كىتاپ − «رەفورما جاساۋدى، ەسىك اشۋدى سوڭىنا دەيىن جۇرگىزەيىك» جۋىقتا شينحۋا باسپاسىندا باسپادان شىعىپ، بۇكىل ەل كولەمىندە تاراتىلدى.

باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىنداعى ماڭىزدى ءسوزىن، «ج ك پ ورتالىق كوميتەتىنىڭ، مەملەكەتتىك كەڭەستىڭ رەفورما جاساۋعا، ەسىك اشۋعا كورنەكتى ۇلەس قوسقان ادامداردى ماداقتاۋ - سيلاۋ جونىندەگى قارارىن» ەنگىزۋ نەگىزىندە بۇل كىتاپ «جۇڭگو رەفورماسى تاعى جەلكەن جايدى»، «رەفورما جاساۋدى، ەسىك اشۋدى سوڭىنا دەيىن جۇرگىزەيىك»، «جۇڭگونىڭ رەفورما جاساۋ، ەسىك اشۋ جارناماسىنىڭ الەمدەگى جاڭعىرىعى» سىندى ءۇش تاراۋعا بولىنگەن. ءبىرىنشى تاراۋ «جۇڭگو رەفورماسى تاعى جەلكەن جايدى» شياۋگاڭ رۋحى، شىنجىننىڭ دامۋ كەرەمەتتەرى، پۋدۇڭ شابىتتارى، بو - اۋ ازيا تالقى مىنبەرى سياقتى جاقتاردا رەفورما جاساعان، ەسىك اشقان 40 جىلداعى دامۋ بارىستارىن ەستەلىككە الىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورما جاساۋ، ەسىك اشۋ ناقتى جاعدايىنا جەتەكشىلىك ەتىپ قول جەتكىزگەن ۇلى ناتيجەلەردى سارالادى؛ ەكىنشى تاراۋ «رەفورما جاساۋدى، ەسىك اشۋدى سوڭىنا دەيىن جۇرگىزەيىك» شينحۋا اگەنتتىگىنىڭ باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىنداعى ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندەگى 7 شولۋشى ماقالاسىن ەنگىزدى؛ ءۇشىنشى تاراۋ «جۇڭگونىڭ رەفورما جاساۋ، ەسىك اشۋ جارناماسىنىڭ الەمدەگى جاڭعىرىعى» حالىقارالىق قوعامنىڭ جۇڭگونىڭ رەفورمانى اناعۇرلىم تەرەڭدەتىپ، ەسىكتى ايقارا اشۋىنا تولىق سەنىم ارتاتىندىعىن ايگىلەدى. «قوسىمشا» بولىگىنە «اماليات اقيقاتتى سىننان وتكىزۋدىڭ بىردەن - ءبىر ولشەمى»، «ۋچاڭ، شىنجىن، جۋحاي، شاڭحاي سياقتى جەرلەردە سويلەگەن ءسوزدىڭ ماڭىزدى تۇيىندەرى» سىندى ەكى ايگىلى حۇجات ەنگىزىلدى.