شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 6 - رەتكى ءماجىلىسىن باسقارىپ اشتى

ماڭىزدى سالالار مەن شەشۋشى بۋىندارداعى رەفورمالارعا تۋرالانىپ، قيىن ىستەردى جالعاستىرا ىستەپ، ىستەگەن ءار ءىستى تىندىرىمدى ىستەۋگە شىنايى كەپىلدىك ەتۋدى باسا دارىپتەدى

لي كىچياڭ، ۋاڭ حۋنيڭ قاتىناستى

■ پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ءداۋىر بولگىش ءماجىلىس، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تاريحي جاڭا كەزەڭىن باستادى. پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى دە ءداۋىر بولگىش ءماجىلىس، رەفورمانى جاپپاي تەرەڭدەتۋدىڭ، رەفورمانى جۇيەلى، تۇلعالىق جوبالاۋدىڭ، ىلگەرىلەتۋدىڭ جاڭا ءداۋىرىن باستاپ، ەلىمىزدىڭ رەفورما جاساۋىنىڭ، ەسىك اشۋىنىڭ شىت جاڭا جاعدايىن اشتى.

■ پارتيانىڭ 18 - قۇرىلتايىنان بەرى، ءبىز رەفورما جاساۋ، ەسىك اشۋ تۋىن بيىك ۇستاپ، يدەيانى تاعى دا ازات ەتۋگە، رەفورمانى تاعى دا تەرەڭدەتۋگە، قىزمەتتى تاعى دا ناقتى ۇستاۋعا تاباندى بولىپ، رەفورمانى اناعۇرلىم جوعارى باستامادان، اناعۇرلىم جوعارى ساتىدان، اناعۇرلىم جوعارى نىسانادان جاپپاي تەرەڭدەتۋدى ىلگەرىلەتىپ، ماڭىزدى سالالارداعى رەفورمانىڭ تۇلعالىق جۇلگەسىن نەگىزىنەن قالىپتاستىرىپ، رەفورمانى جاپپاي تەرەڭدەتۋدە تىڭ ىسكەرلىك كورسەتىپ، جاڭا ىلگەرىلەۋشىلىكتەردى ىسكە اسىردىق.

■ پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ورنالاستىرعان رەفورما مىندەتتەرىن جەدەل ورىنداپ، ءتۇبىرلى سيپات الاتىن، جالپى جاعداي سيپاتىن الاتىن، تۇزىمدىك سيپات الاتىن كەلەلى رەفورما شارالارىن كوبىرەك يگەرۋ، ەكونوميكانىڭ اقاۋسىز دامۋى مەن قوعامدىق جالپى جاعدايدىڭ ورنىقتىلىعىن ساقتاۋعا پايدالى رەفورما شارالارىن كوبىرەك يگەرۋ، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن نىعايتۋعا پايدالى رەفورما شارالارىن كوبىرەك يگەرۋ، العا قويىلعان رەفورما جوبالارىنىڭ تياناقتانۋىن باعالاۋدى، ناتيجەسىن قاداعالاۋدى كوبىرەك يگەرۋ كەرەك.

شينحۋا اگەنتتىگىنىڭ 1 - ايدىڭ 23 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 1 - ايدىڭ 23 - كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 6 - رەتكى ءماجىلىسىن باسقارىپ اشتى جانە ماڭىزدى ءسوز سويلەدى. ول مىنالاردى باسا دارىپتەدى: پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ءداۋىر بولگىش ءماجىلىس، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تاريحي جاڭا كەزەڭىن باستادى. پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى دە ءداۋىر بولگىش ءماجىلىس، رەفورمانى جاپپاي تەرەڭدەتۋدىڭ، رەفورمانى جۇيەلى، تۇلعالىق جوبالاۋدىڭ، ىلگەرىلەتۋدىڭ جاڭا ءداۋىرىن باستاپ، ەلىمىزدىڭ رەفورما جاساۋىنىڭ، ەسىك اشۋىنىڭ شىت جاڭا جاعدايىن اشتى. 2020 - جىلعى ماڭىزدى سالالار مەن شەشۋشى بۋىندارداعى رەفورمادا شەشۋشى ناتيجەگە قول جەتكىزۋگە تۋرالانىپ، ۇزدىكسىز قاجىرلى شايقاس جۇرگىزىپ، قيىن ىستەردى جالعاستىرا ىستەپ، ىستەگەن ءار ءىستى تىندىرىمدى ىستەۋگە شىنايى كەپىلدىك ەتىپ، پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ورنالاستىرعان رەفورما مىندەتتەرىن جاپپاي ورىنداۋعا شەشۋشى نەگىز قالاۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ ماجىلىسكە قاتىناستى.

ءماجىلىس «شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ تاقتاسىن ورناتۋدىڭ جانە تىركەۋ ءتۇزىمىن تۇيىندە سىناق ەتۋدىڭ جالپىلىق اتقارۋ جوباسىن»، «شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ تاقتاسىن ورناتۋ جانە تىركەۋ ءتۇزىمىن تۇيىندە سىناق ەتۋ جونىندەگى اتقارۋ پىكىرىن»، «مەملەكەت باقشاسىن نەگىزگى تۇلعا ەتكەن جاراتىلىستىق قورعالاتىن ءوڭىر جۇيەسىن قۇرۋ جونىندەگى جەتەكشى پىكىردى»، «وقۋ - اعارتۋ، وقۋ - وقىتۋ رەفورماسىن تەرەڭدەتىپ، مىندەتتى وقۋ - اعارتۋدىڭ ساپاسىن جوعارىلاتۋ تۋرالى پىكىردى»، «دارىندىلاردى جاپالى، شەت - شالعاي وڭىرلەرگە جانە نەگىزگى ساتىنىڭ ءبىرىنشى شەبىنە ويىسۋعا ىنتالاندىرۋ، جەتەكتەۋ جونىندەگى پىكىردى»، «ساياسي - زاڭ سالاسىندا رەفورمانى جاپپاي تەرەڭدەتۋ جونىندەگى اتقارۋ پىكىرىن»، «جاراتىلىستىق بايلىق - مۇلىك مەنشىك ۇقىعى ءتۇزىمىن ءبىر تۇتاس جوسپارلاپ ىلگەرىلەتۋ جونىندەگى جەتەكشى پىكىردى»، «مەملەكەت جەرىن كەڭىستىكتىك جوبالاۋ جۇيەسىن ورناتۋ جانە ونىڭ اتقارىلۋىن باقىلاۋ جونىندەگى ءبىرقانشا پىكىردى»، «بازاردى بەتالىس ەتكەن جاسىل تەحنيكالىق جاڭالىق اشۋ جۇيەسىن ورناتۋ جونىندەگى جەتەكشى پىكىردى»، «تابيعي ورماندى قورعاۋ، قالپىنا كەلتىرۋ ءتۇزىمى جوباسىن»، «مەملەكەتتىك ەكولوگيالىق وركەنيەت سىناق رايونى (حاينان) اتقارۋ جوباسىن»، «حاينان ىستىق بەلدەۋلىك جاڭبىرلى ورمان مەملەكەت باقشاسى ءتۇزىلىسىن تۇيىندە سىناق ەتۋ جوباسىن» جانە «ورتالىقتىڭ رەفورمانى جاپپاي تەرەڭدەتۋ كوميتەتىنىڭ 2019 - جىلعى قىزمەت تۇيىندەرىن»، «ورتالىقتىڭ رەفورمانى جاپپاي تەرەڭدەتۋ كوميتەتىنىڭ 2018 - جىلعى قىزمەتتەن قورىتىندى بايانداماسىن»، «پارتيا 18 - قۇرىلتايىنان بەرگى رەفورمانى جاپپاي تەرەڭدەتۋدىڭ تياناقتانۋ جاعدايىن قورىتىندىلاۋ، ساراپتاۋ بايانداماسىن» قاراپ ماقۇلدادى.

ءماجىلىس مىنالاردى اتاپ كورسەتتى: شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ تاقتاسىن ورناتۋ جانە تىركەۋ ءتۇزىمىن تۇيىندە سىناق ەتۋ − جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدىڭ، كاپيتال بازارى رەفورماسىن تەرەڭدەتۋدىڭ ماڭىزدى شاراسى. كاپيتال بازارىنىڭ عىلىم - تەحنيكالىق جاڭالىق اشۋشى كاسىپورىنداردى قامتىمدىلىعىن كۇشەيتىپ، شەشۋشى، وزەكتى تەحنيكالاردا جاڭالىق اشۋعا كۇش سالا دەم بەرىپ، ناقتى ەكونوميكاعا قىزمەت ەتۋ قابىلەتىن ءوسىرۋ كەرەك. تىركەۋ ءتۇزىمىن تۇيىندە نىق قاداممەن سىناق ەتىپ، تاراتۋ، جارنانى بازارعا سالۋ، ينفورماتسيا جاريالاۋ، ايىرباس جاساسۋ، بازاردان شەگىنۋ سياقتى نەگىزدىك ءتۇزىم رەفورمالارىن ءبىر تۇتاس جوسپارلاپ ىلگەرىلەتىپ، ينفورماتسيا جاريالاۋدى وزەك ەتكەن جارنا تاراتۋ، بازارعا سالۋ ءتۇزىمىن ورناتۋ، كەمەلدەندىرۋ كەرەك.

ءماجىلىس مىنالاردى باسا دارىپتەدى: تاۋ، سۋ، ورمان، اتىز، كول، جايلىم − تىرشىلىكتىڭ ءبىر تۇتاس ورتاق تۇلعاسى دەيتىن ۇستانىم بويىنشا، جاراتىلىستىق قورعالاتىن وڭىرلەردى باسقارۋ ءتۇزىلىس - مەحانيزمىندە جاڭالىق اشىپ، جاراتىلىستىق قورعالاتىن وڭىرلەردى ءبىر تۇتاس ورنالاستىرىپ، دارەجە بويىنشا باسقارىپ، ءوڭىر بويىنشا باسقارىپ - مەڭگەرىپ، مەملەكەتتە ۋاكىلدىك سيپات الاتىن ماڭىزدى جاراتىلىستىق ەكولوگيالىق جۇيەلەردى مەملەكەت باقشاسى جۇيەسىنە ەنگىزىپ، قاتاڭ قورعاپ، مەملەكەت باقشاسىن نەگىزگى تۇلعا، جاراتىلىستىق قورىقتاردى نەگىز، ءتۇرلى جاراتىلىستىق باقشالاردى تولىقتاما ەتكەن جاراتىلىستىق قورعالاتىن وڭىرلەردى باسقارۋ جۇيەسىن قالىپتاستىرۋ كەرەك.

ءماجىلىس مىنالاردى اتاپ كورسەتتى: ونەگە كورسەتىپ، ادام تاربيەلەۋ سىندى ءتۇبىرلى مىندەتتى تياناقتاندىرىپ، وقۋ - اعارتۋ زاڭدىلىعىنا بويسۇنىپ، وقىتۋشىلار قوسىنىنىڭ نەگىزدىك رولىن كۇشەيتىپ، جۇرت تىلەگىن توعىستىرۋ، ادامدىق قۇلىقتى كەمەلدەندىرۋ، ادام كۇشىن اشۋ، دارىندى جەتىلدىرۋ، حالىقتى باقىتقا كەنەلتۋ سىندى قىزمەت نىساناسىن ارقاۋ ەتىپ، ساپا اعارتۋىن دامىتىپ، سوتسياليستىك وزەكتى قۇن كوزقاراسىن جەتىلدىرۋدى جانە امالياتتا ايگىلەۋدى مىندەتتى وقۋ - اعارتۋدىڭ جالپى بارىسىنا ءسىڭىرىپ، مۇرات - سەنىمدى بەكەمدەۋگە، وتانشىلدىق سۇيىسپەنشىلىكتى تەرەڭدەتۋگە، ءمورالدىق ساپاسىن كۇشەيتۋگە، ءبىلىمدى، بىلىكتىلىكتى وسىرۋگە، كۇرەسكەرلىك رۋح جەتىلدىرۋگە، جالپىلىق ساپانى كۇشەيتۋگە كۇش سالىپ، وقۋشىلاردىڭ اقاۋسىز جەتىلۋىن جەبەۋ كەرەك.

ءماجىلىس مىنالاردى باسا دارىپتەدى: دارىندىلاردى جاپالى، شەت - شالعاي وڭىرلەرگە جانە نەگىزگى ساتىنىڭ ءبىرىنشى شەبىنە ويىسۋعا ىنتالاندىرۋدا، جەتەكتەۋدە پارتيا دارىندىلاردى باسقارۋ پرينسيبىنە تاباندى بولىپ، دارىندىلاردى جەتىلدىرۋ، باۋراۋ، ويىستىرۋ جانە ىنتالاندىرۋ، قامتاماسىز ەتۋ مەحانيزمىن كەمەلدەندىرىپ، ءىس تىندىراتىن، شارۋاشىلىق قۇراتىن تۇعىر ورناتىپ، دارىندىلاردى ويىستىرۋ ارناسىن ىركىلىسسىزدەندىرىپ، دارىندىلارعا كومەكتەسۋ، سەلبەسۋ مەحانيزمىن اقاۋسىزداندىرىپ، جەرگىلىكتى ورىنداعى دارىندىلاردى تياناقتاتىپ، جاقسى ىستەتىپ، تۇرعىن ءۇي، ەمدەۋ، قوعامدىق قامتاماسىزداندىرۋ، بالالارىن وقۋعا ءتۇسىرۋ سياقتى قامتاماسىز ەتۋ - قىزمەت وتەۋ ساياساتىن كەمەلدەندىرىپ، ءتۇرلى دارىندىلاردى ەنگىزۋگە، تياناقتاتىپ الىپ قالۋعا، ويداعىداي ىستەتۋگە مۇمكىندىك جاساۋ كەرەك.

ءماجىلىس مىنالاردى اتاپ كورسەتتى: ساياسي - زاڭ سالاسىنداعى رەفورمانى ىلگەرىلەتۋدە پارتيانىڭ شارتسىز باسشىلىعىنا تاباندى بولىپ، ءبىر تۇتاس جوبالاۋ مەن سايكەستى ىلگەرىلەتۋدى كۇشەيتىپ، ساپالى، سايكەستى، ءونىمدى ساياسي - زاڭ قۇرىلىمى فۋنكتسيالىق جۇيەسىن جەدەل ورناتىپ، ساياسي - زاڭ ورگاندارىنىڭ قىزمەت ۇقىعىنىڭ سەپتەلۋىن ساپالىلاندىرىپ، ءادىليا ءتۇزىلىسىنىڭ جالپىلىق سايكەستى رەفورمالارىن تەرەڭدەتىپ، ءادىليالىق جاۋاپكەرشىلىك ءتۇزىمىن جاپپاي تياناقتاندىرىپ، ارىز - شاعىم ءتۇزىمى رەفورماسىن تەرەڭدەتىپ، حاۋىپسىزدىكتى، ورنىقتىلىقتى قورعاۋ قىزمەت مەحانيزمىن كەمەلدەندىرىپ، جالپىعا بىردەي، تەڭگەرىمدى، حالىققا قولايلى، حالىققا پايدالى ساياسي - زاڭ الەۋمەتتىك قىزمەت وتەۋ جۇيەسىن ورناتىپ، ساياسي - زاڭ قوسىنىنىڭ توڭكەرىستەنۋ، جۇيەلىلەنۋ، ماماندانۋ، كاسىبيلەنۋ قۇرىلىسىن ىلگەرىلەتىپ، عىلىم - تەحنيكادا جاڭالىق اشۋ ناتيجەسىنىڭ ساياسي - زاڭ قىزمەتىمەن تەرەڭدەي توعىسۋىن ىلگەرىلەتىپ، بيلىك اينالىمىن باقىلاۋ جانە تەجەۋ مەحانيزمىن جەدەل كەمەلدەندىرۋ كەرەك.

ءماجىلىس مىنالاردى باسا دارىپتەدى: جاراتىلىستىق بايلىق - مۇلىك مەنشىك ۇقىعى ءتۇزىمى − ەكولوگيانى قورعاۋدى كۇشەيتىپ، ەكولوگيالىق وركەنيەت قۇرىلىسىن جەبەۋدەگى ماڭىزدى نەگىزدىك ءتۇزىم. جاراتىلىستىق بايلىق - مۇلىك مەنشىك ۇقىعى جۇيەسىن اقاۋسىزداندىرىپ، مەنشىك ۇقىعى تۇلعالارىن ايقىنداپ، ءبىر تۇتاس تەكسەرۋ، باقىلاۋ - ولشەۋ، باعالاۋ جۇمىستارىن ورىستەتىپ، ۇقىعىن ءبىر تۇتاس تۇراقتاندىرىپ تىركەۋدى جەدەلدەتىپ، جالپى تۇلعالىق قورعاۋدى قاتايتىپ، باقىلاۋ - باسقارۋ جاۋاپكەرشىلىگىن تياناقتاندىرىپ، زاڭداردى، زاڭدىق ەرەجەلەردى كەمەلدەندىرىپ، رەفورما جاساۋعا، جاڭالىق اشۋعا باسا ءمان بەرىپ، جاراتىلىستىق بايلىقتاردى شوعىرلى اشىپ - پايدالانۋدى جانە ەكولوگيانى قورعاۋدى، قالپىنا كەلتىرۋدى جەبەۋ كەرەك.

ءماجىلىس مىنالاردى اتاپ كورسەتتى: نەگىزگى تۇلعالىق فۋنكتسيالىق وڭىرلەر جوباسى، جەردەن پايدالانۋ جوباسى، قالا - اۋىل جوباسى سياقتى كەڭىستىك جوبالارىن ءبىر تۇتاس مەملەكەت جەرى كەڭىستىك جوباسىنا توعىستىرىپ، «كوپ جوبانىڭ بىرىكتىرىلۋىن» ىسكە اسىرۋ − پارتيا ورتالىق كوميتەتى جاساعان كەلەلى شەشىم جانە ورنالاستىرۋ. وندىرىستىك كەڭىستىكتى، تۇرمىستىق كەڭىستىكتى، ەكولوگيالىق كەڭىستىكتى عىلمي ورنالاستىرىپ، ستراتەگيالىق سيپاتىن ايگىلەپ، عىلميلىق سيپاتىن جوعارىلاتىپ، سايكەستىلىك سيپاتىن كۇشەيتىپ، جوبانىڭ بەدەلىن كوتەرىپ، جوبانى قاراۋ - بەكىتۋدى جاقسارتىپ، پايدالانۋ ماقساتىن باسقارۋ - تىزگىندەۋدى اقاۋسىزداندىرىپ، جوبانىڭ اتقارىلۋىن باقىلاپ، مەملەكەت جەرى كەڭىستىك جوباسىنىڭ ءتۇرلى ارناۋلى جوبالاردى جەتەكتەۋ، تەجەۋ رولىن قاتايتۋ كەرەك.

ءماجىلىس مىنالاردى باسا دارىپتەدى: جاسىل تەحنيكالىق جاڭالىق اشۋ − جاسىل دامۋدىڭ ماڭىزدى قوزعاۋشى كۇشى، لاستانۋدان ساقتانۋ مەن ونى وڭاۋدان قامال الۋ شايقاسىن ويداعىداي جۇرگىزۋدىڭ، ەكولوگيالىق وركەنيەت قۇرىلىسىن ىلگەرىلەتۋدىڭ، جوعارى ساپالى دامۋدى جەبەۋدىڭ ماڭىزدى تىرەگى. بايلىق ورتاسى ەكولوگياسىنداعى كورنەكتى ماسەلەلەردى شەشۋدى نىسانا ەتىپ، بازاردى باعدار ەتۋدەن جازباي، جاسىل جەتەكشىلىكتى كۇشەيتىپ، كاسىپورىندى نەگىزگى تۇلعا ەتكەن، ءوندىرىس، وقىتۋ، عىلمي زەرتتەۋ تەرەڭدەي توعىسقان، نەگىزدىك قۇرىلعى مەن قىزمەت وتەۋ جۇيەسى كەمەلدى، بايلىقتى ۇلەستىرۋ ونىمدىلىگى جوعارى، ناتيجەنى كادەگە جاراتۋ ىركىلىسسىز جاسىل تەحنيكالىق جاڭالىق اشۋ جۇيەسىن جەدەل ورناتىپ، زەرتتەۋ - اشۋدىڭ، قولدانۋ - جالپىلاستىرۋدىڭ، كاسىپ سالاسى دامۋىنىڭ ساباقتاسۋى مەن توعىسۋىن ىلگەرىلەتۋ كەرەك.

ءماجىلىس مىنالاردى اتاپ كورسەتتى: تابيعي ورماندى جاپپاي قورعاۋ كورىكتى جۇڭگو قۇرىپ، جۇڭحۋا ۇلتىنىڭ ماڭگى باياندى دامۋىن ىسكە اسىرۋدا كەلەلى مانگە يە. تابيعي ورماندى قورعاۋ جاۋاپكەرشىلىگىن جاپپاي تياناقتاندىرىپ، جاپپاي قورعالاتىن، جۇيەلى قالپىنا كەلتىرىلەتىن، پايدالانۋ ماقساتى باسقارىلىپ - تىزگىندەلەتىن، ۇقىق پەن جاۋاپكەرشىلىك ايقىندالعان تابيعي ورماندى قورعاۋ، قالپىنا كەلتىرۋ ءتۇزىم جۇيەسىن كۇش سالا قۇرىپ، تابيعي ورمان ەكولوگيالىق جۇيەسىنىڭ اۋەلگى قالپىن، كەمەلدىلىگىن قورعاپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ كەرەك.

　　ءماجىلىس مىنالاردى باسا دارىپتەدى: پارتيا ورتالىق كوميتەتى حايناننىڭ مەملەكەتتىك ەكولوگيالىق وركەنيەت سىناق رايونىن قۇرۋىنا قولداۋ كورسەتەدى، حاينان ىستىق بەلدەۋ جاڭبىرلى ورمان مەملەكەت باقشاسى ءتۇزىلىسىن تۇيىندە سىناق ەتۋدى ورىستەتۋدىڭ ماقساتى تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە جاپپاي امالياتتا ايگىلەپ، بايلىق ورتاسىنىڭ ەكولوگيالىق شارت - جاعدايى جاقسى جەرلەردە الدىمەن اتقارىپ، الدىمەن سىناق ەتىپ، بۇكىل مەملەكەتتىڭ ەكولوگيالىق وركەنيەت قۇرىلىسىنا تاجىريبە جيناقتاۋ بولىپ تابىلادى. حاينان ولكەسى ۇقىپتىلىقپەن ۇيىمداستىرىپ، مىندەتتى ايقىنداپ، جاۋاپكەرشىلىكتى تياناقتاندىرىپ، ناتيجە شىعارۋ كەرەك. ورتالىق پەن مەملەكەت ورگاندارىنىڭ قاتىستى تاراۋلارى سايكەستىرۋ، جەتەكشىلىك ەتۋ، قولداۋ قىزمەتىن جاقسى ىستەۋى كەرەك.

ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى، ءبىز رەفورما جاساۋ، ەسىك اشۋ تۋىن بيىك ۇستاپ، يدەيانى تاعى دا ازات ەتۋگە، رەفورمانى تاعى دا تەرەڭدەتۋگە، قىزمەتتى تاعى دا ناقتى ۇستاۋعا تاباندى بولىپ، رەفورمانى اناعۇرلىم جوعارى باستامادان، اناعۇرلىم جوعارى ساتىدان، اناعۇرلىم جوعارى نىسانادان جاپپاي تەرەڭدەتۋدى ىلگەرىلەتىپ، باستى سالالارداعى رەفورمانىڭ تۇلعالىق جۇلگەسىن نەگىزىنەن قالىپتاستىرىپ، رەفورمانى جاپپاي تەرەڭدەتۋدە تىڭ ىسكەرلىك كورسەتىپ، جاڭا ىلگەرىلەۋشىلىكتەردى ىسكە اسىردىق. پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ورنالاستىرعان رەفورما مىندەتتەرىن جەدەل ورىنداپ، ءتۇبىرلى سيپات الاتىن، جالپى جاعداي سيپاتىن الاتىن، تۇزىمدىك سيپات الاتىن كەلەلى رەفورما شارالارىن كوبىرەك يگەرۋ، ەكونوميكانىڭ اقاۋسىز دامۋى مەن قوعامدىق جالپى جاعدايدىڭ ورنىقتىلىعىن ساقتاۋعا پايدالى رەفورما شارالارىن كوبىرەك يگەرۋ، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن نىعايتۋعا پايدالى رەفورما شارالارىن كوبىرەك يگەرۋ، العا قويىلعان رەفورما جوبالارىنىڭ تياناقتانۋىن باعالاۋدى، ناتيجەسىن قاداعالاۋدى كوبىرەك يگەرۋ كەرەك.

ءماجىلىس مىنالاردى باسا دارىپتەدى: رەفورما قىزمەتىنىڭ ماڭىزدى ءتۇيىنىن ناقتى ماسەلەلەردى شەشۋگە كوبىرەك قويىپ، ماسەلەنى ءداپ باسىپ بايقاپ، ماسەلەنى تياناقتى شەشۋ كەرەك. مىندەتتەردى ءبىر تۇتاس جوسپارلاۋدى مىقتى يگەرىپ، تياناقتاندىرۋدى دالمە - ءدال ىلگەرىلەتىپ، تەكسەرۋ - زەرتتەۋدى كۇشەيتىپ، ماسەلەنى باعدار ەتۋگە تاباندى بولىپ، نازىك سىزبانى ويداعىداي سىزىپ، العا قويىلعان رەفورما شارالارىندا ماسەلەنىڭ تالماۋ جەرىن ءدال بايقاپ، دالمە - ءدال رەفورما جۇرگىزۋ كەرەك. رەفورما جوباسىن تياناقتاندىرۋ بارىسىندا جەرگىلىكتى جاعدايدى ەسكەرىپ، ساتىلار بويىنشا جىنتىكتەپ، دالمە - ءدال، ءونىمدى ەتىپ، نەنى رەفورمالاۋدا، قالاي رەفورمالاۋدا ءىس جۇزىندىك جاعدايدى نەگىز ەتۋ كەرەك، ءبىر تاياقپەن ايداۋعا بولمايدى. اسىرەسە، نەگىزگى ساتىداعى بۇقاراعا تىكە باعىتتالعان رەفورمالاردا رەفورمانىڭ تياناقتانۋىن يگەرۋدى بۇقارالىق قىزمەتپەن ۇشتاستىرىپ، ءادىس - امالعا ءمان بەرىپ، بۇقارانىڭ ناقتى يگىلىككە كەنەلۋىنە كەپىلدىك ەتۋ كەرەك. رەفورمانى قۇر ۇرانعا اينالدىرۋدان ساقتانۋ، ورتالىقتىڭ حۇجاتتارىن ادەتتەگىدەي جالعاپ تاراتا سالۋدان، قالپىن قۇراتپاي كوشىرۋدەن ساقتانۋ، مەحانيكالى قاداعالاۋدان، تەكسەرۋدەن، باعالاۋدان ساقتانۋ كەرەك. ساياساتتى جوعارى دەڭگەيدە جوبالاۋ مەن ساتىلار بويىنشا ۇلاستىرۋدىڭ، ساياساتتىڭ ءبىر تۇتاستىعى مەن ايىرماشىلىعىنىڭ قاتىناسىن دۇرىس شەشىپ، ساياساتتاردى ءتۇسىندىرۋ جانە جەتەكشىلىك ەتۋ وتكەلىن يگەرۋدى كۇشەيتۋ كەرەك. جاۋاپكەرشىلىك ارقالاۋدى كۇشەيتىپ، العا قويىلعان ءتۇرلى رەفورما جوبالارىنىڭ ناقتى ناتيجەسىنە باعالاۋ جۇرگىزىپ، ماسەلەلەردى دەر كەزىندە بايقاۋ جانە شەشۋ كەرەك.

ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.