مەملەكەتتىك كەڭەس كەڭسەسى بىرنەشە كۇننىڭ الدىندا « جاڭا كاسىپ كۇيى، جاڭا ۇلگى ارقىلى جاڭاشا تۇتىنۋدىڭ جەدەل دامۋىنا جەتەكشىلىك ەتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى.
«پىكىردە» مىنالار ورتاعا قويىلدى: 3 - 5 جىل قۇلشىنۋ ارقىلى جاڭاشا تۇتىنۋدى دامىتۋدىڭ ءتۇزىلىس، مەحانيزمى مەن ساياساتتىق جۇيەسىن اناعۇرلىم كەمەلدەندىرىپ، 2025 - جىلعا بارعاندا ءبىر توپ جاڭاشا تۇتىنۋ ۇلگى قالالارى مەن الدىڭعى قاتارلى كاسىپورىنداردى جەتىلدىرىپ جانە قالىپتاستىرىپ، ناقتى زات تاۋارلارىنىڭ توراپتا بولشەك ساتىلۋ سوماسىنىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنداعى سالىستىرماسىن كورنەكتى جوعارىلاتۋ، «ينتەرنەت + قىزمەت وتەۋ» سياقتى تۇتىنۋدىڭ جاڭا فورماسىن، جاڭا ۇلگىسىن جالپىلاستىرۋ ءارى كەمەلدەنۋگە بەت الدىرۋ كەرەك. «پىكىردە» 4 جاقتاعى 15 ءتۇرلى ساياساتتىق شارا ايقىن ورتاعا قويىلدى:
ءبىرىنشى، جەلىدەگى، جەلىدەن سىرت تۇتىنۋدىڭ ورگانيكالى توعىسۋىن كۇش سالا ىلگەرىلەتۋ. ەكىنشى، جاڭاشا تۇتىنۋ نەگىزدىك قۇرىلعىلارى مەن قىزمەت وتەۋدى قامتاماسىزداندىرۋ قۋاتى قۇرىلىسىن جەدەلدەتۋ. ءۇشىنشى، جاڭاشا تۇتىنۋدىڭ دامۋ ورتاسىن ساپالىلاندىرۋ. قاتىستى زاڭ - ەرەجە، ءتۇزىم قۇرىلىسىن كۇشەيتۋ. ءتورتىنشى، جاڭاشا تۇتىنۋ ساياساتىن قولداۋ تەبىنىن ارتتىرۋ.
«پىكىردە» مىنالار دارىپتەلدى: جەر - جەر، قاتىستى تاراۋلار جاڭا فورما، جاڭا ۇلگىنى جەتىلدىرىپ جانە زورايتىپ، جاڭاشا تۇتىنۋدىڭ دامۋىن تەزدەتۋدىڭ ماڭىزدى ءمانىن تولىق تانىپ، ۇيىمدىق باسشىلىقتى، باقىلاۋ - تەكسەرۋ، باعالاۋدى كۇشەيتىپ، ۇگىتتەۋگە، جەتەكتەۋگە ءمان بەرىپ، ساياساتتىق شارالاردى اشالاپ، ناقتىلاندىرىپ، تۇزىمدىك ورتانى ساپالىلاندىرىپ، ماڭىزدى فاكتورلاردى قامتاماسىزداندىرۋدى كۇشەيتىپ، ىشكى سۇرانىمدى ۇزدىكسىز كەڭەيتىپ، سوڭعى تۇتىنۋدى كەڭەيتىپ، تۇرعىنداردىڭ تۇتىنۋىنىڭ دارەجەسىن جوعارىلاتۋعا شارت - جاعداي جاراتۋى كەرەك.
http://kazakh.people.com.cn/155419/15824919.html
