1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

3 - رەتكى «جۇڭگو ديقاندار مول ءونىم مەرەكەسى» قارساڭىندا

شي جينپيڭ بۇكىل ەلدەگى ديقاندار مەن اۋىل شارۋاشىلىعى، اۋىل – قىستاق، ديقاندار قىزمەتى شەبىندەگى جولداستاردى مەرەكە بايلانىسىمەن قۇتتىقتادى جانە ولاردان شىنايى حال سۇرادى

بۇكىل قوعامدا اۋىل شارۋاشىلىعىنا، اۋىل - قىستاققا، ديقاندارعا كوڭىل بولەتىن قويۋ راي قالىپتاستىرىپ، اۋىلداستاردىڭ تۇرمىسىن شالقىتا ءتۇسۋ كەرەكتىگىن دارىپتەدى

日期:2020年09月22日
来源:人民网
【字体:

  3 - رەتكى «جۇڭگو ديقاندار مول ءونىم مەرەكەسى» قارساڭىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى ديقاندار مەن اۋىل شارۋاشىلىعى، اۋىل - قىستاق، ديقاندار قىزمەتى شەبىندەگى جولداستاردى مەرەكە بايلانىسىمەن قۇتتىقتادى جانە ولاردان شىنايى حال سۇرادى.

  شي جينپيڭ مىنالاردى اتاپ كورسەتتى: قازىر − كۇزگى استىقتان مول ءونىم الىناتىن مەزگىل، وتانىمىزدىڭ بايتاق دالاسىندا مول ءونىم الۋ كورىنىسى جارىققا شىقتى. بيىل مول ءونىم وڭاي - وسپاق قولعا كەلگەن جوق، تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى، چاڭجياڭ وزەنى الابىنداعى اۋىر تاسقىن اپاتى، شىعىس سولتۇستىكتەگى جازعى قۋاڭشىلىق اپاتى، ءۇرتىس سوققان تايفىڭ داۋىلى استىق جانە اۋىل شارۋاشىلىق وندىرىسىنە سىن - سايىس الا كەلدى. وسىنداي جاعدايدا بۇكىل ەلدەگى ديقاندار مەن نەگىزگى ساتى كادرلارى ىندەتكە قارسى اتتانۋ ۇلى رۋحىن ساۋلەلەندىرىپ، دەرت – دەربەزدەن ساقتانىپ، كوكتەمگى ەگىسكە كەپىلدىك ەتىپ، ەگىس كەزىندە ءوندىرىستى مىقتى يگەرىپ، اپاتقا قارسى اتتانىپ، مول ءونىم الۋعا قۇلشىنىپ، ەكونوميكالىق، قوعامدىق جالپى جاعدايدىڭ ورنىقتىلىعىن ساقتاۋعا پارمەندى تىرەك ازىرلەدى.

  شي جينپيڭ مىنالاردى دارىپتەدى: ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى كەلەلى باعىت - ساياساتتارى مەن قىزمەت ورنالاستىرۋلارىن شىنايى تياناقتاندىرىپ، تۇتاس قوعامدا اۋىل شارۋاشىلىعىنا نازار اۋداراتىن، اۋىل - قىستاققا كوڭىل بولەتىن، ديقاندارعا قامقورلىق جاسايتىن قويۋ راي قالىپتاستىرىپ، اۋىلداستاردىڭ تۇرمىسىن شالقىتا ءتۇسۋى كەرەك. بۇكىل ەلدەگى ديقانداردىڭ پارتيانىڭ توڭىرەگىنە تىعىز ىنتىماقتاسىپ، اۋىل - قىستاقتى جاپپاي گۇلدەندىرۋدىڭ كوركەم بولاشاعى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى ءۇشىن قۇلشىنا كۇرەس جۇرگىزۋىن ءۇمىت ەتەمىن!

http://kazakh.people.com.cn/155419/15824917.html