1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

قار – مۇز سالتاناتىن قارسى الىپ، كوركەم بولاشاقتى بىرگە جاراتايىق

— بەيجيڭ قىسقى وليمپياداسىنىڭ اشىلۋىنا 500 كۇن قالۋ قارساڭىندا

日期:2020年09月22日
来源:人民网
【字体:

  ەندى 500 كۇننەن سوڭ، 2022 – جىلى 2 - ايدىڭ 4 – كۇنى، بەيجيڭ قىسقى وليمپياداسىنىڭ شىمىلدىعى اشىلادى.

  باس شۋجي شي جينپيڭ مىنانى اتاپ كورسەتتى: «2022 – جىلعى قىسقى وليمپيادانىڭ بەيجيڭدە وتكىزىلۋى، جۇڭگونىڭ سپورت جانە ەكونوميكا، قوعام دامۋىنىڭ دۇنيە جۇزىلىك وليمپيك سپورتىنىڭ دامۋىمەن بىرگە ەكى جاعى دا تەڭ پايداعا كەنەلەتىن جاعدايدى جاراتاتىن كەلەلى وراي، سونىمەن بىرگە، جۇڭگو حالقىنىڭ وليمپيك سپورتىنا دەگەن قىزۋ ىقىلاسىن ونان ارى قوزعاپ، اناعۇرلىم كوپ جۇڭگولىقتاردى قار – مۇز سپورتىنا نازار اۋدارۋعا، ونى قىزۋ سۇيۋگە، وعان قاتىناسۋعا ، وليمپيك سپورتىنىڭ دامۋى مەن وليمپيك رۋحىنىڭ تارالۋىنا بەلسەندى ۇلەس قوسۋعا جەبەيتىن بولادى. ءبىز وليمپيادانى وتكىزۋگە ءوتىنىش بەرگەن كەزدەگى ءاربىر ۋادەمىزدى تولىق ورىنداپ، دۇنيە جۇزىنە تارتىمدى، كەرەمەت، ۇزدىك قىسقى وليمپيادانى تارتۋ ەتەمىز».

  2015 – جىلى 7 – ايدىڭ 31 – كۇنى وتكىزۋگە ءوتىنىش بەرۋ ءساتتى بولعان ساتتەن باستاپ، سان – ساناقسىز ادامداردىڭ نازار سالۋىندا، جۇڭگو وليمپيك سپورتىمەن تاعى ءبىر رەت «قول الىسىپ»، بۇكىلدەي جاڭا داستان جازۋدا.

  5 جىلدان بەرگى دايىندىق جاساۋ بارىسىنا قايتا نازار سالساق، «جاسىل، تەڭ يگىلىكتەنۋ، اشىقتىق، پاكتىك» سىندى وليمپيادانى ۇيىمداستىرۋ تانىمى باستان – اياق ءتۇرلى ۇيىمداستىرۋ قىزمەتتەرىن تياناقتى ىلگەرىلەتۋگە جەتەكشى بولدى، سونىمەن بىرگە، وڭىرلىك سايكەسىمدى دامۋعا جانە كاسىپ سالاسىنىڭ دارەجەسىن اناعۇرلىم جوعارىلاتۋعا جاڭا قوزعاۋشى كۇش سيلادى؛ سپورت سارايلارى مەن قاتىستى نەگىزدىك قۇرىلعىلار قۇرىلىسى جوعارى ونىمدىلىكپەن، ءتارتىپتى سالىندى، بەيجيڭ وليمپيك باقشاسىنداعى مەملەكەتتىك جىلدام سىرعاناۋ سپورتى سارايى — «مۇزدى جىبەك باۋ» بوي كوتەردى، جارقىراعان اسەم قۇرىلىستىڭ دوڭەس بەتتى اينەك داۋالدارى جەلمەن جەلبىرەگەن جىبەك شاشباۋداي قۇبىلىپ كورىنەدى؛ «ءۇش ءجۇز ميلليون ادامنىڭ قار – مۇز سپورتىنا اتسالىسۋىن جەبەۋ» سىندى ءۇمىت، قار – مۇز سپورتىنا قاتىناسقان ادامدار شوعىرىنىڭ بارعان سايىن ارتۋى، جۇڭگونىڭ دۇنيە جۇزىلىك قار – مۇز سپورتىنىڭ دامۋىنا سيلاعان جاڭا ومىرشەڭدىك كۇشى؛ ۇيىمداستىرۋ قىزمەتى «وليمپيك 2020 كۇن تارتىبىمەن» بەلسەندى ۇشتاسىپ، وليمپياداعا رەفورما جاساۋ مەن دامىتۋعا قىمباتتى تاجىريبە توپتاپ، جۇڭگو پاراساتى مەن جۇڭگو سەنىمىن جالعاستىردى.

  حالىقارالىق وليمپيادا كوميتەتىنىڭ ءتوراعاسى باح: «بەيجيڭ قىسقى وليمپياداسىن ۇيىمداستىرۋ قىزمەتى ادامدى شاتتاندىرادى»، — دەپ باعا بەردى. وليمپيادا تاريحىنداعى تۇڭعىش رەتكى «جازعى وليمپيادا مەن قىسقى وليمپيادانى بىردەي وتكىزگەن قالا» قازىر قۇلشىنا ىسكە كىرىسىپ، جوسپارلاردى ءبىر – بىرلەپ رەالدىققا اينالدىرۋدا.

http://kazakh.people.com.cn/158373/15824866.html