1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

تاريحتىڭ دۇرىس جاعىندا تۇرايىق

— ءتوراعا شي جينپيڭنىڭ بىرلەسكەن مەملەكەتتەر ۇيىمى قۇرىلعاندىعىنىڭ 70 جىلدىعىنا بايلانىستى وتكىزىلگەن جەلىلەس باسشىلار كەڭەسىنە قاتىناسقانىنىڭ 5 جىلدىعىنا وراي

日期:2020年09月22日
来源:人民网
【字体:

  بىرلەسكەن مەملەكەتتەر ۇيىمىنىڭ «ىرىستى جىلىن» تاعى دا قارسى الدىق. ءتوراعا شي جينپيڭ بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعىنا بايلانىستى وتكىزىلگەن جەلىلەس جوعارى دارەجەلىلەر ماجىلىسىنە ۇسىنىس بويىنشا، كەسكىندى فورمادا قاتىناسىپ، ءار ەل باسشىلارىمەن ينتەرنەت ارقىلى دۇنيە ءجۇزىنىڭ بەيبىتشىلىگى مەن دامۋىنا قاتىستى ۇلى جوسپارلاردى كەڭەستى.

  بۇل — ەرەكشە جىلدا اشىلعان ەرەكشە ءماجىلىس. 2015 – جىلى 9 – ايعا قايتا نازار سالساق، ءتوراعا شي جينپيڭ نيۋ – يوركتە بىرلەسكەن مەملەكەتتەر ۇيىمى قۇرىلعاندىعىنىڭ 70 جىلدىعىنا بايلانىستى اشىلعان جەلىلەس باسشىلار كەڭەسىنە قاتىناسقاندا، ادامزاتتىڭ تاعدىرلاس ورتاق تۇلعاسى تانىمىن جان – جاقتىلى بايانداپ، بەيبىتشىلىكتى ىلگەرىلەتەتىن، دامۋدىڭ جولىن قاراستىراتىن ءبىرقىدىرۋ ۇندەۋلەر مەن شارالاردى ورتاعا قويىپ، جۇڭگونىڭ بىرلەسكەن مەملەكەتتەر ۇيىمىنداعى ىقپالىن تەرەڭدەتتى.

  5 جىلدان بەرى، بۇكىل الەمدە سايىستار تولاسسىز تۋىلىپ، دۇنيە جۇزىلىك جاعدايدا شۇعىل وزگەرىستەر ۇزىلىسسىز تۋىلدى، ادامزاتتىڭ تاعدىرلاس ورتاق تۇلعاسى تانىمى ءداۋىر جۇلگەسىمەن بىرگە ۇزدىكسىز بايىپ جانە دامىپ، ۋاقىتتىڭ سىناعىنان ءوتىپ، جۇرت جۇرەگىنە ونان ارى تەرەڭ ۇيالادى.

  حالىقارالىق سەلبەستىك ءوزىن باستى ورىنعا قويۋدىڭ، وزىمشىلدىكتىڭ سىناعىنا ءدوپ كەلگەندە، «توپتان شەگىنۋ»، «كەلىسىمشارتتاردى بۇزۋ»، سىڭار جاقتىلى جازالاۋدىڭ حالىقارالىق زاڭمەن باسقارۋدى بۇلدىرۋىنە ءدوپ كەلگەندە، جۇڭگو جاۋاپكەرشىلىك ارقالاي الاتىندىعىن ايگىلەپ، بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيە مەن حالىقارالىق زاڭداردى نەگىز ەتكەن حالىقارالىق ءتارتىپتى باتىل قورعاپ، كەڭەسۋ – ءماسليحاتتاسۋ، ءوزارا تيىمدىلىك جەتكىزىپ، بىرگە يگىلىكتەنۋ سىندى سەلبەستىك تەكشەسىن بەلسەندى قۇردى، دۇنيە ءجۇزى بەيبىتشىلىگىنىڭ كوركەيتۋشىسى بولۋعا، دۇنيە ءجۇزىنىڭ دامۋىنا ۇلەس قوسۋشى بولۋعا، حالىقارالىق ءتارتىپتىڭ قورعاۋشىسى بولۋ تاباندى بولدى.

  الداعى ىستەردى كورەگەندىكپەن بايقاپ، يدەيالىق جاقتاعى باۋراعىشتىعىن ايگىلەدى

  بيىل 3 – ايدا، دۇنيە ءجۇزى بويىنشا ىندەتكە قارسى اتتانۋدىڭ قيىن – قىستاۋ ساتىندە، ەگيپەتتىڭ «پيراميدا گازەتى» «ادامزاتتىڭ تاعدىرلاس ورتاق تۇلعاسى» اتتى ماقالانى جاريالادى. ماقالادا بىلاي دەلىنگەن: دۇنيە ءجۇزى قازىر بۇرىن – سوڭدى بولماعان حاۋىپ – قاتەرلەردى باستان كەشىرۋدە، جۇرت كوڭىلىن ۇزدىكسىز ۇرەي بيلەۋدە، بۇل ادامداردى جۇڭگونىڭ مەملەكەت ءتوراعاسى شي جينپيڭ ىندەت تۋىلاردان بۇرىن قايتالاي ورتاعا قويعان ادامزاتتىڭ تاعدىرلاس ورتاق تۇلعاسى تانىمى جونىندە اناعۇرلىم ىشكەرىلەي ويلانۋعا جەتەلەدى.

  ارتىپ باراجاتقان حاۋىپ – قاتەر مەن ساقتالىپ وتىرعان قيىن ماسەلەلەر ءبىر – بىرىمەن ارالاسىپ، عاسىرلىق ىندەت اپاتى مەن ءجۇز جىلدىق وزگەرىستەر ءوزارا قاباتتاستى، قازىرگى كەزەڭنىڭ ادامزات تاريحىنداعى ماشاقاتتى كەزەڭ ەكەنى داۋسىز. «تاۋ مەن سۋ باسقا بولعانىمەن، اي مەن كۇن، اسپان ورتاق»، توساتتان تۋىلعان جاڭا تيپتى ايدارشا ۆيروس وكپە قابىنۋ ىندەتى وزگەشە فورما ارقىلى ادامدارعا ادامزات قۋانىش پەن جۇبانىشتى بىرگە وتكەرەتىن تاعدىرلاس ورتاق تۇلعا ەكەنىن، دۇنيە ءجۇزى حالقىنا ادامزاتتىڭ تاعدىرلاس ورتاق تۇلعاسى تانىمىنىڭ يدەيالىق قۇدىرەتى مەن داۋىرلىك قۇنىن تەرەڭ سەزىنۋى قاجەت ەكەنىن ەسكەرتتى.

http://kazakh.people.com.cn/158373/15824864.html