1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

12 - كەزەكتى بۇعاز فورۋمى شيامىندا وتكىزىلدى

ۋاڭ ياڭ بەينە جازبا ارقىلى ءسوز سويلەدى

日期:2020年09月21日
来源:人民网
【字体:

  12 - كەزەكتى بۇعاز فورۋمى 9 - ايدىڭ 20 - كۇنى شيامىندا وتكىزىلدى. فورۋمدا ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ بەينە جازبا ارقىلى ءسوز سويلەدى.

  ۋاڭ ياڭ الدىمەن ج ك پ ورتالىق كوميتەتى مەن باس شۋجي شي جينپيڭ اتىنان ماجىلىسكە قاتىناسقان سيلى قوناقتارعا، اسىرەسە، تايۋاندىق باۋىرلاستارعا ىقىلاستى سالەم جولدادى. ول مىنالاردى اتاپ كورسەتتى: ەكى جاعالاۋ قاتىناسىنىڭ دامۋىنىڭ نەگىزى حالىقتا، قوزعاۋشى كۇش حالىقتا. بۇعاز فورۋمى 2009 ـ جىلى ءساتتى وتكىزىلگەننەن بەرى باستان ـ اياق بوگەتسىز، جىل سايىن جالعاسىپ كەلەدى. بيىل جاڭا تيپتى ايدارشا ۆيرۋس وكپە قابىنۋ ىندەتى جانە ارالداعى ادامداردىڭ توسقىندىق جاساۋى سىندى ءتيىمسىز ىقپالدار بولعانىمەن، الايدا فورۋم جانە دە سالتاناتتى وتكىزىلدى، زور توپتاعى تايۋاندىق باۋىرلاستار فورۋمعا قاتىناستى، بۇل ەكى جاعالاۋداعى الەۋمەتتىڭ قارىم - قاتىناس جاساۋداعى شىنايى، كۇشتى تىلەگىن ءارقانداي كۇشتىڭ توسا المايتىنىن تولىق دالەلدەدى.

  ۋاڭ ياڭ مىنالاردى دارىپتەدى: قاقپا اشۋ العا باستىرادى، توماعا ـ تۇيىقتىق، ءسوز جوق، ارتتا قالدىرادى. ەكى جاعالاۋ قاتىناسىنىڭ نەشە ون جىلدىق دامۋى اۋىس - كۇيىس ەكى جاققا دا پايدالى ەكەنىن، دارالانۋ ەكى جاققا دا زياندى ەكەنىن دالەلدەدى. بيىل جىل باسىنان بەرى دۇنيە ءجۇزى ەكونوميكاسىنىڭ جاعدايى توتەنشە اۋىر بولسا دا، ەكى جاعالاۋدىڭ ساۋدا سوماسى ءالى دە ەكى ورىندى سان بويىنشا ارتىپ كەلەدى، بۇل وتانىمىزدىڭ ۇلى قۇرلىعىنىڭ باستان - اياق تايۋاننىڭ ەڭ بەرىك تىرەگى، ەڭ شىنايى سۇيەنىشى ەكەنىن تولىق تۇسىندىرەدى. ارالدا بىرەۋلەر ەكى جاعالاۋدىڭ بايلانىسىن، سەلبەستىگىن شەكتەمەكشى بولدى، ۇلى قۇرلىق ەكونوميكاسىنان «اجىراتۋعا»، مادەنيەتىنەن «قول ۇزدىرۋگە» ۇرىندى، بۇل تايۋانعا زيان عانا جەتكىزەدى، ەشقانداي پايداسىن تيگىزبەيدى. «تايۋان تاۋەلسىزدىگى» − تۇيىق جول، ءوزىن زور ساناۋ، قاتەرگە ۇرىنۋ تايۋانعا توتەپ بەرۋگە بولمايتىن حاۋىپ - قاتەر توندىرەدى. ءبىز مەملەكەتتىڭ يەلىك ۇقىعىنىڭ، حاۋىپسىزدىگىنىڭ، دامۋ مۇددەسىنىڭ ءارقانداي زيانعا ۇشىراۋىنا قاراپ تۇرا المايمىز.

http://kazakh.people.com.cn/155425/15824750.html