1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

حالىق قۇرىلتايىنىڭ باقىلاۋىن كۇشەيتىپ، اس – سۋ ىسىراپشىلدىعىنا تيىم سالايىق

— مەملەكەتتىك حالىق قۇرىلتايى تۇراقتى كوميتەتى استىقتى قاستەرلەپ، ىسىراپشىلدىققا قارسى تۇرۋ جونىندە ارناۋلى تاقىرىپتىق تەكسەرۋ – زەرتتەۋ جۇرگىزدى

日期:2020年09月21日
来源:人民网
【字体:

  «مىناۋ اسحانالارعا ارنالعان ۇلكەن قوراپ، مىناۋ جەكەلەرگە جانە وتباسىلارىنا ارنالعان شاعىن قوراپ، قوراپتى پارىقتى جاساۋداعى سەبەپ — ىسىراپشىلدىقتان ساقتانۋ»، — مەملەكەتتىك حالىق قۇرىلتايى ۋاكىلى، بەيجيڭ قالالىق اۋىل شارۋاشىلىعى – ورمان شارۋاشىلىعى عىلىم اكادەمياسىنىڭ زەرتتەرمەنى جاۋ شياۋيان ۇقساماعان قوراپپەن قوراپتالعان كوكونىستەردى تەكسەرۋ – زەرتتەۋ ۇيىرمەسىندەگىلەرگە كورسەتىپ، ءتۇرلى جەمىستەر مەن كوكونىستەردى ءوز قالپىندا ساقتاۋ تەحنيكاسىن تانىستىردى.

  9 – ايدىڭ 12 – كۇنى، مەملەكەتتىك حالىق قۇرىلتايى تۇراقتى كوميتەتىنىڭ تەكسەرۋ – زەرتتەۋ جۇرگىزۋ گرۋپپاسى بەيجيڭ قالالىق اۋىل شارۋاشىلىعى جانە ورمان شارۋاشىلىعى اكادەمياسىنىڭ جەمىستەردى، كوكونىستەردى جيناپ العاننان كەيىن ءوز قالپىندا ساقتاۋ – مانەرلەۋ تاجىريبەحاناسىنا بارىپ، جەمىستەر مەن كوكونىستەردى جيناپ العان سوڭ، تاۋارلاندىرىپ ءبىرجاقتىلى ەتۋ، جالپى بارىستىق توڭازىتىپ تاسىمالداۋ تىزبەگى جانە تۋرالعان جەمىستەر مەن كوكونىستەردى مانەرلەۋ قاتارلى جاعدايلاردى ناق مايدانعا بارىپ ۇعىستى.

  جۋىردا، باس شۋجي شي جينپيڭ اس – سۋ ىسىراپشىلدىعىنا تيىم سالۋ جونىندە ماڭىزدى نۇسقاۋ بەرىپ، زاڭ شىعارۋدى كۇشەيتۋدى، باقىلاۋدى كۇشەيتۋدى، ءونىمدى شارالاردى قولدانىپ، ۇزاق مەرزىمدىك ءونىمدى مەحانيزم قۇرىپ، اس – سۋ ىسىراپشىلىدىعى ارەكەتىنە باتىل تيىم سالۋدى باسا دارىپتەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن حالىق قۇرىلتايىنىڭ باقىلاۋ قىزمەتىندە دايەكتى تياناقتاندىرۋ ءۇشىن، جۋىردا، مەملەكەتتىك حالىق قۇرىلتايى تۇراقتى كوميتەتى استىقتى قاستەرلەپ، ىسىراپشىلدىققا قارسى تۇرۋ جونىندە ارناۋلى تاقىرىپتىق تەكسەرۋ – زەرتتەۋ ۇيىمداستىردى.

  كاسىپورىندارعا، اسحانالارعا، مەكتەپتەرگە بارىپ، ماماندارمەن اڭگىمە ءماجىلىس وتكىزدى ... تەكسەرۋ – زەرتتەۋ ۇيىرمەسى مىنانى اتاپ كورسەتتى: استىقتى قاستەرلەپ، ىسىراپشىلدىققا قارسى تۇرۋ، ءبىر جاعىنان، جۇڭحۋا ۇلتىنىڭ ۇقىپتى دا ۇنەمشىل ءداستۇرلى تاماشا ءمورالىن ساۋلەلەندىرۋدەگى ماڭىزدى شارا، ەندى ءبىر جاعىنان، مەملەكەتتىڭ استىق حاۋىپسىزدىگىنە كەپىلدىك ەتۋدەگى كوكەيتەستى قاجەتتىلىك. بۇكىل تىزبەك، بۇكىل تۇيىندەر بويىنشا استىقتى ۇنەمدەپ، زياندى ازايتۋ جونىندە جۇيەلى زەرتتەۋ جۇرگىزۋمەن بىرگە، زاڭ جاساۋ جانە ۇگىت – تاربيە قىزمەتىن دە كۇشەيتۋ كەرەك.

  تەكسەرۋ – زەرتتەۋ گرۋپپاسى جۇڭگو حالىق داشۋەسىنە بارعان كەزدە، ءدال تۇسكى تاماق ۋاقىتى بولاتىن، ءبىر ۋاقىتتا 2000 ادام تاماقتانا الاتىن سولتۇستىك رايون اسحاناسىندا ءبارى دە ءتارتىپتى ورنالاستىرىلعانىن كوردى. بۇل ارادا تاماقتانۋ بارىسىندا جەدەل ەسەپ جاساۋ، تاماقتى ۇلكەن – كىشى قوراپ بويىنشا زەردەلىلەنگەن فورمادا ساتۋ ىسكە اسىرىلعان؛ ىرىدەرەك تاماقتىڭ ساتىلىم جاعدايىن ساناققا الىپ، ەڭ از ساتىلعان تاماقتى كۇشىنەن قالدىرۋ مەحانيزمىن ورناتىپ، اس – سۋدى ىسىراپ ەتۋگە ءونىمدى تۇردە تيىم سالعان. ءتىلشى ىدىس – اياقتاردى جيىپ الاتىن ورىنعا ارنايى بارىپ، ءبىر ءسات باقىلاۋ بارىسىندا، تاماقتىڭ اسىپ قالۋ ءجايتىن بايقاماعان.

http://kazakh.people.com.cn/158373/15824791.html