رەفورما جاساپ، قاقپا اشقاننان، اسىرەسە، پارتيانىڭ 18 - قۇرىلتايىنان بەرى حالىقتىق شارۋاشىلىق بىرلىكساپ قىزمەتى ۇزدىكسىز كۇشەيتىلىپ جانە كەمەلدەندىرىلىپ، پارتيا مەن مەملەكەتتىڭ وزەكتى قىزمەتىنە قىزمەت وتەۋ بارىسىندا ماڭىزدى رول اتقاردى. جالپىلىق مەنشىككە جاتپايتىن شارۋاشىلىق − سوتسياليستىك بازار شارۋاشىلىعىنىڭ ماڭىزدى قۇرامداس بولەگى، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەۋ توتەنشە كەلەلى ماڭىز الادى.
شي جينپيڭ مىنالاردى دارىپتەدى: «ەكىدەن اۋىتقىماۋدا» تاباندى بولىپ، حالىقتىق شارۋاشىلىق سالاسىنداعى قايراتكەرلەردى ويداعىداي ىنتىماقتاستىرۋدى، ويداعىداي جەتەكتەۋدى ماڭىزدى مىندەت ەتۋ كەرەك. ءار دارەجەلى پارتكومدار حالىقتىق شارۋاشىلىق بىرلىكساپ قىزمەتىنە باسشىلىقتى كۇشەيتىپ، ساياساتتى جاپپاي دايەكتىلەندىرىپ، پارتيا ورتالىق كوميتەتىنىڭ شەشىم، ورنالاستىرۋلارىن دايەكتى تياناقتاندىرۋدى مىقتى يگەرۋى كەرەك. ءار دارەجەلى بىرلىكساپ قىزمەتىنە باسشىلىق ەتۋ گرۋپپالارى جانە پارتكوم بىرلىكساپ ءبولىمى باستاماشى بولۋ، سايكەستىرۋ رولىن ساۋلەلەندىرۋى، ونەركاسىپشىلەر مەن ساۋداگەرلەر بىرلەستىگى بۇقارالىق ۇيىمداردىڭ رولىن ساۋلەلەندىرىپ، حالىقتىق شارۋاشىلىق قايراتكەرلەرىن پارتيانىڭ توڭىرەگىنە ىنتىماقتاستىرۋى، حالىقتىق شارۋاشىلىقتىڭ اقاۋسىز دامۋىن اناعۇرلىم ويداعىداي ىلگەرىلەتىپ، جاڭا داۋىردە جۇڭگوشا سوتسياليزم ىستەرىندە تاباندى بولۋ جانە ونى دامىتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇش قوسۋعا قۇلشىنۋى كەرەك.
حالىقتىق شارۋاشىلىق بىرلىكساپ قىزمەتى جونىندەگى مەملەكەتتىك ءماجىلىس 9 - ايدىڭ 16 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق بىرلىكساپ قىزمەتىنە باسشىلىق ەتۋ گرۋپپاسىنىڭ باستىعى ۋاڭ ياڭ ماجىلىسكە قاتىناستى ءارى ءسوز سويلەدى. ول بىلاي دەپ دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ءتۇسىنىپ، جاڭا داۋىردەگى حالىقتىق شارۋاشىلىق بىرلىكساپ قىزمەتىن جاقسى ىستەۋدىڭ ماڭىزدى ءمانىن ساياسي تۇرعىدان تەرەڭ تانىپ، سەنىم ارتۋ، ىنتىماقتاسۋ، قىزمەت وتەۋ، جەتەكتەۋ، تاربيەلەۋ باعىتىندا تاباندى بولىپ، حالىقتىق شارۋاشىلىق سالاسىنداعى قايراتكەرلەردى «ەكىدەن اۋىتقىماۋدى» تولىق، دۇرىس تۇسىنۋگە جەتەكتەپ، ءتۇزىم سەنىمىن بەكەمدەپ، ولاردى پارتيانىڭ توڭىرەگىنە اناعۇرلىم ويداعىداي ىنتىماقتاستىرىپ، ۇلتتىڭ گۇلدەنۋىن جۇزەگە اسىرۋعا كۇش - قۋات توپتاۋ كەرەك.
http://kazakh.people.com.cn/155419/15824453.html
