حالىق گازەتى ”شۋانياننىڭ“ اۆتورلى ماقالاسىن جاريالايدى
ناعىز التىن ۇلكەن شايقاستا، ۇلكەن سىناقتا شىڭدالادى
ىندەتكە قارسى اتتانۋ كۇرەسىنىڭ ۇلى امالياتىنا قايىرىلا قارايىق، ىندەتكە قارسى اتتانۋ ۇلى رۋحىن اسقاقتاتايىق. 9 - ايدىڭ 16 - كۇنگى باسپادان شىعاتىن حالىق گازەتى ”شۋانياننىڭ“ «ناعىز التىن ۇلكەن شايقاستا، ۇلكەن سىناقتا شىڭدالادى» اتتى اۆتورلى ماقالاسىن جاريالايدى.
ماقالادا بىلاي دەلىنگەن: جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا باس شۋجي شي جينپيڭ ەڭ الدىمەن نەگىزگى ويدىڭ ءتۇيىنىن اڭعارتىپ بىلاي دەپ اتاپ كورسەتتى: ”وتكەن 8 ايدان استام ۋاقىتتا، پارتيامىز بۇكىل ەلدەگى ءار ۇلت حالقىن ىنتىماقتاستىرىپ، باستاپ، ىندەتكە قارسى اتتانۋدىڭ قيان - كەسكى ۇلى شايقاسىن جۇرگىزىپ، جاپالى دا ەرەسەن تاريحي ۇلكەن سىناققا توتەپ بەرىپ، وراسان زور قۇلشىنىس ارقىلى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ شايقاسىندا كەلەلى ستراتەگيالىق جەتىستىككە قول جەتكىزىپ، ادامزاتتىڭ اۋرۋمەن كۇرەسۋ تاريحىندا تاعى ءبىر ەرلىك باستاما جاراتتى“. ۇلكەن شايقاسقا قايىرىلا قاراپ، ۇلكەن سىناقتى ەسكە تۇسىرسەك، ءبىر ساياسي پارتيانىڭ باسشىلىق قۋاتى، ءبىر ءتۇرلى ءتۇزىمنىڭ ابزالدىلىعى جونىندە ءتىپتى دە تەرەڭ تۇسىنىككە، قانداي تۋ ۇستاۋ، قانداي جولمەن ءجۇرۋ جونىندە ءتىپتى دە مىزعىماس سانالىلىققا يە بولامىز. وسى شايقاستا قىزىل تۋ جەلبىرەدى؛ وسى شايقاستا قۇرىش شىڭدالدى. قات - قابات وتكەلدەردى باستان وتكەرگەن بايىرعى ۇلت سان - ساناقسىز ماشاقات پەن سوققى بارىسىندا قاجىر - قايراتىن شىڭداپ، داۋىلدى تولقىنداردا نىق قاداممەن باياندى تۇردە العا تارتتى.
ماقالادا بىلاي دەپ اتاپ كورسەتىلدى: سۇراپىل كەلگەن ىندەت الدىندا جۇڭگو كوممۋنيستەرى اۋەلگى ماقساتتى، بورىشتى امالياتتا ايگىلەپ، ۇلەس قوسۋدى، جاۋاپكەرشىلىك ارقالاۋدى امالياتىمەن جازىپ، تاريح پەن حالىقتىڭ سىناعىنان سۇرىنبەي وتەتىن ىندەتكە قارسى اتتانۋ جاۋابىن تاپسىرىپ، پارتيانىڭ باسشىلىعى جۇڭگو اتتى الىپ كەمەنىڭ تولقىن جارا العا ىلگەرىلەۋىن جەتەكتەيتىن ”رولشى“ جانە ”ياكور“، شي جينپيڭ جولداستى ۇيتقى ەتكەن پارتيا ورتالىق كوميتەتى تۇتاس پارتيانىڭ، بۇكىل ەل حالقىنىڭ قيىندىقتار مەن كەدەرگىلەردەن تايسالماي، بارلىق سايىستى جەڭۋىنىڭ تىرەگى، تەڭگەرگىشى ەكەندىگىن تولىق دالەلدەدى. ىندەتكە قارسى اتتانۋ كۇرەسىندە، ”حالىق“ ءسوزى ەرەكشە ماڭىزدى ورىندى يەلەدى، ”حالىقتى بارىنەن جوعارى قويۋ، ءومىردى بارىنەن جوعارى قويۋ“ جۇڭگو ءتۇزىمىنىڭ ەڭ ءتۇبىرلى قۇن بەتالىسى، ەڭ تەرەڭ دەڭگەيلى ساياسي ەتيكاسى.
ماقالادا بىلاي دەپ اتاپ كورسەتىلدى: ۇلكەن شايقاس، ۇلكەن سىناق الدىندا ەلىمىزدىڭ مەملەكەت ءتۇزىمى مەن جونگە سالۋ جۇيەسى قىسىمنىڭ سىناعىنان سۇرىنبەي ءوتتى، بۇكىل ەل ءبىر تۇتاس جۇيە بولىپ، كۇش - قۋاتتى شوعىرلاندىرىپ ءىرى ءىس تىندىرىپ قۇرىش قامال تۇرعىزدى، عىلمي ساقتانۋ - تىزگىندەۋ، دالمە - ءدال شارا اتقارۋ پارمەندى قارۋعا اينالىپ، زاڭمەن جونگە سالۋ ويى، زاڭمەن جونگە سالۋ ءتاسىلى پارمەندى كەپىلدىك ازىرلەپ، ءبىزدىڭ ساياسي ابزالدىلىعىمىز، ۇيىمدىق ابزالدىلىعىمىز، بۇقارالىق ابزالدىلىعىمىز جونگە سالۋدىڭ قۋاتتى ونىمدىلىگىنە اينالدى.
ماقالادا بىلاي دەپ باسا دارىپتەلدى: سان قيىندىقتان استە تايسالمايمىز، ناعىز التىن ۇلكەن شايقاس - سىناقتا شىڭدالادى. بولاشاقتى بەتكە الىپ، سوتسياليستىك ءتۇزىمنىڭ ەرتەڭىنىڭ نۇرلى، بولاشاعىنىڭ ۇلى ەكەندىگىنە كامىل سەنەمىز؛ العا باسۋ جولىنىڭ استە داڭعىل بولمايتىنىن، اۋەلى، قيىندىقتارعا تولىپ جاتاتىنىن ابدەن بىلەمىز، تەك بەتالىستان جازباي، جۇرەكتىلىكپەن امالياتتا ايگىلەپ، ”جۇڭگو ءتۇزىمىن“ تياناق ەتىپ، ”جۇڭگونىڭ جونگە سالۋ“ جولىن اشساق، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە، ءسوز جوق، قول جەتكىزە الامىز، گۇلدەنۋگە جەتەكتەيتىن، دۇنيە جۇزىنە باقىت جاراتاتىن زاتتىق وركەنيەتتى، رۋحاني وركەنيەتتى، ءتۇزىم وركەنيەتىن، ءسوز جوق، جاراتا الامىز. ءبىز تاريحقا جازىلدىق، ءبىز،ءسوزسىز، جاڭا تاريح جازامىز!
