قوقسىقتى تۇرگە ءبولۋ مەملەكەتكە، حالىققا پايدالى ءىس. باس شۋجي شي جينپيڭ: «قوقسىقتى تۇرگە ءبولۋ ءتۇزىمىن اتقارۋ، قالىڭ حالىق جۇرتشىلىعىنىڭ تۇرمىس ورتاسىنا قاتىستى، بايلىق قاينارىن ۇنەمشىلدىكپەن پايدالانۋعا قاتىستى ءىس، سونىمەن بىرگە، قوعامدىق وركەنيەت ورەسىنىڭ ماڭىزدى ايگىلەنۋى»، — دەپ اتاپ كورسەتكەن بولاتىن. 2019 – جىلدان بەرى، بۇكىل ەلىمىزدەگى ايماق دارەجەلى جانە ودان جوعارى دارەجەلى قالالاردا تۇرمىستىق قوقسىقتاردى تۇرگە ءبولۋ قىزمەتى جاپپاي باستالىپ، تۇرمىستىق قوقسىقتاردى قالاي تاستاۋ بىرتىندەپ تۇرعىنداردىڭ «تىڭ جاڭالىعىنا» اينالدى.
بۇگىنگى تاڭدا، الەۋمەتتىك وركەنيەت ورەسىنىڭ ۇزدىكسىز جوعارىلاۋى، جاسىل ورتا تانىمىنىڭ كۇن سايىن جۇرت جۇرەگىنەن ورىن الۋىنا بايلانىستى، كوپتەگەن ادامدار كۇندەلىكتى تۇرمىستا قوقسىقتاردى تۇرگە ءبولۋ قىزمەتىنە سانالىلىقپەن اتسالىستى. بۇكىل قوعامداعىلاردىڭ ورتاق قۇلشىنۋىندا، مەيلى، قالادا بولسىن، الدە اۋىلدا بولسىن، تۇرعىنداردىڭ تۇرمىس ورتاسى بارعان سايىن پاكتەنىپ، كورىكتەندى. «جۇڭگو كورىكتى بولۋ ءۇشىن، اۋىل – قىستاقتار، ءسوزسىز، كورىكتى بولۋى كەرەك». اۋىل – قىستاقتارداعى تۇرمىستىق قوقسىقتاردى جونگە سالۋ — كورىكتى اۋىل – قىستاق قۇرىلىسى مەن اۋىل – قىستاق ەكولوگيالىق وركەنيەت قۇرىلىسىنداعى نەگىزدىك ينجەنەريا، سونىمەن بىرگە، اۋىل – قىستاقتى كوركەيتۋ ستراتەگياسىنىڭ ماڭىزدى مازمۇنى. جۋىرداعى جىلداردان بەرى، ەشكىم ءبىرتۇتاس جوسپارلاماۋ، ءاركىم ءوز بەتىمەن ىستەۋدەن جۇيەلى، ءتارتىپتى باسقارۋعا كوشۋگە دەيىن، قوقىر – قوقسىقتى تۇس – تۇستان كەزدەستىرۋدەن اۋىل – قىستاق كورىنىسىنىڭ بەينە سۋرەتتەي كوركەم بولا تۇسۋىنە دەيىن، كوپتەگەن اۋىل – قىستاقتاردا كىسىنى قۋانتارلىق وزگەرىستەر جارىققا شىقتى.
مىنانى دا كورە ءبىلۋىمىز كەرەك، قوقسىقتى تۇرگە بولۋدە كورنەكتى ناتيجەلەرگە قول جەتكىزگەن كەيبىر قالالارمەن سالىستىرعاندا، اۋىل – قىستاقتارداعى تۇرمىستىق قوقسىقتاردى جونگە سالۋ قىزمەتىن ءالى دە جالعاستى كۇشەيتۋگە تۋرا كەلەدى. ءىشىنارا وڭىرلەردە، تازالىق جاعدايى، قوقىر – قوقسىقتى تازالاۋ قىزمەتى ءالى دە ايتارلىقتاي ەمەس، ءىشىنارا جەرلەردە اۋىل شارۋاشىلىعىندا پايدالانىلاتىن سۋلياۋ جارعاقتار الباتى تاستالىپ، وتىرىقتانۋ ورتاسىنا ىقپال ەتۋدەن سىرت، ەكولوگيالىق ورتا مەن قىستاق تۇرعىندارىنىڭ دەنساۋلىعىنا دا حاۋىپ ءتوندىردى.
قوقسىقتاردى جونگە سالۋداعى قيىن ماسەلەلەردى شەشىم ەتۋدە ، قوقسىقتاردى تۇرگە ءبولۋدى ىلگەرىلەتۋ وتە ماڭىزدى. قالالارمەن سالىستىرعاندا، اۋىل – قىستاقتاردا قوقسىقتىڭ قۇرامى كۇردەلى، مولشەرى كوپ، بىتىراڭقى، الباتى جيىلادى ءارى تاسىپ اكەتۋ قيىن، قاتىستى نەگىزدىك قۇرىلعىلار كەمەلدەنبەگەن، اۋىل – قىستاقتاعى تۇرعىنداردىڭ قوقسىقتى تۇرگە ءبولۋ تانىمى دا كۇشتى ەمەس. «اۋىل – قىستاقتى كوركەيتۋدىڭ ستراتەگيالىق جوسپارىندا (2018 – 2022)» مىنالار ايقىن بەلگىلەنگەن: «اۋىل – قىستاقتارداعى تۇرمىستىق قوقسىقتاردى جونگە سالۋدى ىلگەرىلەتىپ، اۋىل – قىستاقتىڭ ءىس جۇزىندىك جاعدايىنا ۇيلەسەتىن، ءتۇرلى فورماداعى تۇرمىستىق قوقسىقتاردى جيناۋ – تاسۋ، ءبىرجاقتىلى ەتۋ جۇيەسىن قۇرۋ جانە ونى كەمەلدەندىرۋ كەرەك، شارت – جاعدايى بار جەرلەردە قوقسىقتى سول جەردىڭ وزىندە تۇرگە ءبولۋ مەن بايلىق قاينارىنا اينالدىرىپ پايدالانۋدى جالپىلاستىرۋ كەرەك».
http://kazakh.people.com.cn/158373/15824339.html
