مەملەكەتتىك كەڭەس كەڭسەسى بىرنەشە كۇننىڭ الدىندا «ءدارى – دارمەكتى شوعىرلى ساتىپ
الۋدى جانە ودان پايدالانۋدى مەملەكەتتىڭ ۇيىمداستىرۋىن تۇيىندە سىناق ەتۋ جوباسىن»
باسىپ تاراتىپ، ءدارى – دارمەكتى شوعىرلى ساتىپ الۋدى جانە ودان پايدالانۋدى
مەملەكەتتىڭ ۇيىمداستىرۋىن تۇيىندە سىناق ەتۋ قىزمەتىنە ورنالاستىرۋ جاسادى، مۇندا
بەيجيڭ، تيانجين، شاڭحاي، چۇڭچيڭ جانە شىنياڭ، داليان، شيامىن، گۋاڭجوۋ، شىنجىن،
چىڭدۋ، شي – ان سىندى 11 قالا تۇيىندە سىناق ەتۋ قىزمەتى ورىستەتىلەتىن قالالار
ەتىپ تاڭدالدى.
«جوبادا» بىلاي دەپ اتاپ كورسەتىلدى: پارتيا ورتالىق كوميتەتىنىڭ،
مەملەكەتتىك كەڭەستىڭ ورنالاستىرۋلارى بويىنشا، ەمدەۋ، ءدارى – دارمەك، دەنساۋلىق
ساقتاۋ ءتۇزىلىس رەفورماسىن تەرەڭدەتىپ، ءدارى – دارمەكتىڭ باعاسىن قالىپتاستىرۋ
مەحانيزمىن كەمەلدەندىرۋ ءۇشىن، ءدارى – دارمەكتى شوعىرلى ساتىپ الۋدى جانە ودان
پايدالانۋدى مەملەكەتتىڭ ۇيىمداستىرۋىن تۇيىندە سىناق ەتۋ ورىستەتىلەدى. مۇنداعى
نىسانا، مىندەت − ءدارى باعاسىن كورنەكتى تومەندەتىپ، ناۋقاستاردىڭ ءارى اقىسى
اۋىرتپالىعىن جەڭىلدەتۋ؛ كاسىپورىنداردىڭ ساۋدا وزىندىك قۇنىن تومەندەتىپ، اينالىس
ورتاسىن تازارتىپ، كاسىپ ەكولوگياسىن جاقسارتۋ؛ ەمدەۋ قۇرىلىمدارىنىڭ ءدارى –
دارمەكتەن ارنالى پايدالانۋىنا جەتەكشىلىك ەتىپ، ۇكىمەت قاراماعىنداعى
شيپاحانالاردىڭ رەفورماسىن قولداۋ؛ ءدارى – دارمەكتى شوعىرلى ساتىپ الۋ مەحانيزمى
مەن بازاردى جەتەكشى ەتكەن ءدارى – دارمەك باعاسىن قالىپتاستىرۋ مەحانيزمىن
كەمەلدەندىرۋ جاعىندا ىزدەنىس جاساۋ.
«جوبادا» مىنالار ايقىن بەلگىلەندى: ساپاسى مەن شيپاسىنىڭ
بىردەيلىگى جاعىنداعى باعالاۋدان وتكەن ۇقساتىپ جاسالعان دارىگە سايكەس كەلەتىن
ءبىر تۇتاس قولدانىلاتىن ءدارى – دارمەكتەن تۇيىندە سىناق ەتىلەتىن ءدارى تۇرلەرى
تاڭدالادى. مەملەكەتتىك ءدارى – دارمەك باقىلاپ – باسقارۋ تاراۋىنىڭ بەكىتۋىمەن
جۇڭگونىڭ ۇلى قۇرلىعىندا جارنا بازارىنا قوسىلعان شوعىرلى ساتىپ الۋ كولەمىندەگى
ءدارى – دارمەك ءوندىرىس كاسىپورىندارىنىڭ تۇيىندە سىناق ەتۋگە قاتىناسۋىنا
بولادى.
كەلۋ قاينارى: حالىق
تورابى