قايسارلىقپەن العا ۇمتىلىپ، رەفورما جاساۋعا، جاڭالىق جاراتۋعا قۇشا جايۋ، جاڭا زاتتارعا اشىق، بايسالدى، كەڭ پەيىلدى مامىلە جاساۋ — قازىرگى قوعامداعى ورتاق تانىم. ماتەريانىڭ دامۋ زاڭدىلىعىنا ۇيلەسەتىن، قۋاتتى ومىرشەڭدىك كۇشكە يە جانە بولاشاعى زور جاڭا زاتتارعا ادامدار ۇنەمى اناعۇرلىم زور ءۇمىت ارتادى.
جۋىردا عانا، باس شۋجي شي جينپيڭ ورتالىقتىڭ رەفورمانى جاپپاي تەرەڭدەتۋ كوميسياسىنىڭ 14 – كەزەكتى ءماجىلىسىن باسقارىپ اشقان كەزدە: «جاڭا زاتتار مەن جاڭا تاسىلدەرگە مامىلە جاساعاندا، شابىتتاندىرۋ مەن ءجون سىلتەۋدى كۇشەيتىپ، جاڭا زاتتاردىڭ اقاۋسىز جەتىلۋىنە وراي جاراتىپ، دامۋدىڭ تىڭ ەنەرگياسىن جەدەل ۇلعايتۋ كەرەك»، — دەپ باسا دارىپتەگەن بولاتىن. بۇل بىزگە مىناداي تەرەڭ وي سالادى: جاعداي كۇردەلى دە وزگەرىسكە تولى بولعان سايىن، جاڭالىق جاراتۋعا قۇشاعىمىزدى ونان ارى ايقارا اشۋىمىز كەرەك؛ رەفورمانى ىشكەرىلەي جۇرگىزگەن سايىن، تىڭنان تۋىنداعان كۇش – قۋاتتارعا ونان ارى ءمان بەرۋىمىز قاجەت.
«ەسكىنىڭ ورنىن جاڭانىڭ باسۋى ماڭگى تولاستامايدى». دۇنيە ءجۇزى ساعات سايىن وزگەرىستە، زات الماسۋ — تابيعاتتىڭ زاڭدىلىعى. قايشىلىقتار مەن وزگەرىستەرگە تولى رەال تۇرمىس بارىسىندا، جاڭا زاتتار ۇزدىكسىز جارىققا شىعادى ءارى كونە زاتتاردىڭ ورنىن باسادى، بۇل ادامنىڭ ەركىنەن تىس وبيەكتيۆ زاڭدىلىق. رەفورما جاساپ، ەسىك اشقاننان بەرگى قۇلاشىن كەڭ جايعان وزگەشە بارىسقا قايتالاي كوز جىبەرسەك، تولاسسىز جارىققا شىققان جاڭا زاتتار تۇرمىسىمىزعا وراسان زور ىقپال جاسادى ءارى وزگەرتتى. جاڭا زاتتاردىڭ جارىققا شىعۋى، جەتىلۋى، ۇلعايۋى قوعامنىڭ العا باسۋىن ايگىلەيدى، سونىمەن بىرگە، رەفورما جاساپ، دامۋعا تاۋسىلماس تىرشىلىك تىنىسىن سيلايدى دەپ ايتۋعا بولادى.
جاڭا زاتتار ساعات سايىن، مينۋت سايىن جەتىلۋدە جانە مولىنان تۋىلۋدا. مۇنداي بارىستى كەيبىرەۋلەر سەرگەكتىكپەن باقىلاپ، جەدەل مەڭگەرە الادى، كەيبىرەۋلەر كورسە دە كورمەسكە سالىنادى، مۇنداي پارىق قايدان شىعىپ وتىر؟ مۇنىڭ ءتۇيىنى كورەگەندىكتە، ال، كورەگەندىكتى بەلگىلەيتىن نارسە — وي جۇگىرتە بىلۋدە. تاريحتا ۋات بۋ ماشيناسىن جاقسارتۋ بارىسىندا كوپ كۇش جۇمسادى، باقىتقا جاراي، كورەگەن ادامداردىڭ قول ءۇشىن بەرىپ، قارجىلاي قولداۋ كورسەتۋىنە يە بولىپ، ەڭ سوڭىندا تابىسقا جەتىپ، ادامزات قوعامىن بۋ ماشيناسى داۋىرىنە جەتەلەپ اكەلدى. ءاماليات مىنانى دالەلدەدى: الىسقا بويلاي المايتىن يدەيادان ارىلىپ، جاڭالىق جاراتۋعا ۇزاققا كوز جىبەرەتىن كورەگەندىكپەن مامىلە جاساعاندا جانە ونى قولداپ - قۋاتتاعاندا، ويلاپ جەتپەگەن مۇمكىندىكتەردى ومىرگە اكەلۋگە بولادى.
«جاڭالىق جاراتۋ — تۇبىرىنەن الىپ ايتقاندا، ورلەۋ جولىنداعى قۇلىپتى اشاتىن كلت». مىسالى، جاڭا تيپتى ايدارشا ۆيروس وكپە قابىنۋ ىندەتى ءداستۇرلى سالالارعا اۋىر سوققى بولدى، الايدا، ىندەتتەن ساقتانۋ جانە ونى تىزگىندەۋ مەزگىلىندە، زەردەلىلەندىرۋ اۋقىمى ينتەرنەتتەن باستالىپ، ينتەرنەتتەن تىس سالالارعا قاراي جوڭكىلدى، G5، ىرىدەرەك، بۇلت ەسەپتەۋ، جاساندى زەردە قاتارلى سيفرلى تەحنيكالار مەن ءداستۇرلى كاسىپ سالاسىنىڭ جەدەل توعىسۋى ەكونوميكانىڭ دامۋىنىڭ تىڭ قوزعاۋشى كۇشىن الديلەدى. مۇندا، ءبىر جاعىنان، تىڭ ارتۋ فورماسى جونىندە ىزدەنىس جاسالسا، ەندى ءبىر جاعىنان، تىڭ دامۋعا ورايلار جاراتىلدى. بولاشاققا بەتتەگەن ساتتە، ءبىز ىرىقتىلىقپەن ارەكەتكە كىرىسىپ، جاڭالىققا تالپىنىپ، تىڭ ورايلاردى باتىلدىقپەن جاراتىپ، ورايدى يگەرۋگە شەبەر بولىپ، زاتتاردىڭ اقاۋسىز دامۋىنا وراي جاراتا بىلسەك، ىندەتتەن تۋىنداعان ىقپالدى بارىنشا ءونىمدى شەشىم ەتىپ قانا قويماي، كاسىپ سالاسىنىڭ تيپىندە بۇرىلىس جاساپ، دارەجەسىن جوعارىلاتۋعا جاڭا جول سالىپ، ەكونوميكانىڭ جوعارى ساپالى دامۋىن پارمەندى ىلگەرىلەتە الامىز.
