جۇرەكتى ارماننان ارتىق تەربىرەنتە الاتىن كۇش - قۇدىرەت جوق، ارمانعا تالپىنۋدان ارتىق ەكپىندى دە قۋاتتى قادام بولمايدى. 2020 – جىلداعى جۇڭگو، ىندەتتەن ساقتانۋ جانە ونى تىزگىندەۋ جاعىنداعى توسقاۋىل شايقاسىنىڭ جەڭىسىنە باتىل قول جەتكىزۋمەن بىرگە، مينۋت – سەكۋندتاردى قولدان بەرمەي، كەدەيلىك قامالىنا ەڭ سوڭعى جالپى شابۋىلعا وتۋدە. جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسىنا اتتانۋ — ءبىر ميلليارد 400 ميلليون جۇڭگو حالقىنىڭ ورتاق تىلەگى، سونىمەن بىرگە، جۇڭگو كوممۋنيستىك پارتياسىنىڭ حالىق الدىندا، تاريح الدىندا جاساعان ايبىندى سەرتى.
«پارتيا حالىقتى ىنتىماقتاستىرىپ جانە حالىققا جەتەكشى بولىپ توڭكەرىس جاسادى، ەلدى كوركەيتتى، رەفورما جۇرگىزدى، مۇنداعى تۇپكىلىكتى ماقساتى — حالىقتى ويداعىداي تۇرمىسقا كەنەلتۋ، مەيلى، قانشالىق زور سايىس پەن قىسىمعا ءدوپ كەلسە دە، مەيلى، قانشا قۇرباندىق پەن بوداۋ بەرسە دە، وسى تۇيىننەن باستان – اياق اينىمادى، مۇلدە اۋىتقىمادى». بيىلعى ەكى ءماجىلىس مەزگىلىندە، باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە سويلەگەن ماڭىزدى ءسوزىنىڭ سالماعى زور. نەلىكتەن پارتيامىز «حالىقتى جاقسى تۇرمىسقا كەنەلتۋدى» بارلىق ارەكەتتەرىنىڭ ءتۇبىرلى ماقساتى ەتەدى؟ ۇيتكەنى، جۇڭگو كوممۋنيستىك پارتياسى «جۇمىسشىلار تابى مەن ەڭ قالىڭ حالىق بۇقاراسىنىڭ مۇددەسىنەن سىرت، ءوزىنىڭ ەرەكشە مۇددەسىن كوزدەمەيدى». مۇنى ماركسيزمدىك ساياسي پارتيانىڭ سيپاتى بەلگىلەگەن، پارتيامىزدىڭ كوزدەيتىنى «باسىم كوپ ساندى ادامنىڭ مۇددەسى»؛ سونىمەن بىرگە، مۇنى جۇڭگو كوممۋنيستىك پارتياسىنىڭ سەنىمى بەلگىلەگەن، دۇنيەگە كەلگەن كۇننەن باستاپ، پارتيامىز «جۇڭگولىقتاردىڭ باقىتىن كوزدەپ، جۇڭحۋا ۇلتىن گۇلدەندىرۋگە تالپىنۋدى» اۋەلگى ماقساتى مەن بورىشى ەتكەن. حالىق، تەك حالىق قانا جۇڭگو كوممۋنيستىك پارتياسىنىڭ ىرگە تاسى، قان تامىرى.
كەدەيلىكتەن ارىلتۋدان قامال الۋدى مىسالعا السا، پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاپپاي دوڭگەلەك داۋلەتتى قوعام قۇرۋ تالابىن شىعار ءتۇيىن ەتىپ، كەدەيلىكتەن ارىلتۋدان قامال الۋ شايقاسىن جاپپاي باستادى، جۇڭگوداعى كەدەي جان سانى 2012 – جىلدىڭ سوڭىنداعى 98 ميلليون 990 مىڭ ادامنان 2019 – جىلدىڭ سوڭىنداعى 5 ميلليون 510 مىڭ ادامعا ازايدى، كەدەيلىكتىڭ تۋىلۋ مولشەرى %10.2 تەن %0.6 كە تومەندەپ، جالعاستى جەتى جىل بويى كەدەيلىكتەن ارىلعان جان سانى جىلىنا 10 ميلليون ادامنان استى. بيىل كەدەيلىكتەن ارىلتۋدان قامال الۋ مىندەتى ورىندالعان سوڭ، ەلىمىزدە ءجۇز ميلليون ادام اينالاسىنداعى كەدەي جان سانى كەدەيلىكتەن ارىلىپ، ب م ۇ – نىڭ 2030 – جىلعى باياندى دامۋ كۇن تارتىبىندەگى نىسانانى مەرزىمىنەن بۇرىن ورىندايدى، دۇنيە ءجۇزى بويىنشا ەش ءبىر مەملەكەت وسىنشالىق قىسقا ۋاقىت ىشىندە وسىنشاما مول ادامنىڭ كەدەيلىكتەن ارىلۋىنا كومەكتەسە الماعان. ەگەر بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىندا تاباندى بولماعان بولسا، ەگەر حالىقتى بارىنەن جوعارى قويۋ سىندى قۇن كوزقاراسىندا تاباندى بولماعان بولسا، ادامزات دۇنيەسىندەگى وسىنداي كەرەمەتتەردى قالاي جاراتا الار ەدى؟
