بيىل 5 – ايدا ماقۇلدانعان «جۇڭحۋا حالىق رەسپۋبليكاسىنىڭ ازاماتتىق زاڭناماسى» جالپى ەرەجەسىنىڭ 9 – تارماعىندا «ازاماتتىق ىستەر نەگىزگى تۇلعاسى ازاماتتىق ىستەر ارەكەتىمەن شۇعىلدانعان كەزدە، بايلىق قاينارىن ۇنەمدەۋگە، ەكولوگيالىق ورتانى قورعاۋعا ءتيىمدى بولۋىن ويلاستىرۋ كەرەك» دەپ بەلگىلەنگەن. ازاماتتىق ىستەر زاڭناماسىنان جاسىل دامۋ پرينسيپىنىڭ جۇڭگونىڭ دۇنيە جۇزىلىك ازاماتتىق زاڭناما جۇيەسىنە قوسقان ۇلەسى ەكەنىن، ونىڭ ۇستىنە، دۇنيە جۇزىلىك ەكولوگيالىق وركەنيەت قۇرىلىسىنا قوسقان جۇڭگو پاراساتى ەكەنىن تۇراقتاندىرۋعا بولادى.
شي جينپيڭ مىنانى باسا دارىپتەدى: «دۇنيە جۇزىلىك ەكولوگيالىق وركەنيەت قۇرىلىسى جونىندە ورتاق كەڭەسىپ، دۇنيە جۇزىلىك قورشاعان ورتانى جونگە سالۋ ىستەرىنە ىشكەرىلەي ارالاسىپ، دۇنيە جۇزىلىك ورتانى قورعاۋ جانە باياندى دامۋ ىستەرىنىڭ شەشىم ەتۋ جوباسىن قالىپتاستىرۋ كەرەك». ءبارىمىز ءبىر جەر شارىندا، ءبىر اسپاننىڭ استىندا جاساپ جاتىرمىز، ەكولوگيالىق وركەنيەت قۇرىلىسى ادامزاتتىڭ بولاشاعىمەن بايلانىستى، جاسىل اتا – مەكەندى كوركەيتۋ — ادامزاتتىڭ ورتاق ارمانى. ەكولوگيالىق ورتانى قورعاۋدا، كليمات وزگەرىسىنە توتەپ بەرۋدە دۇنيە جۇزىندەگى ءارقايسى ەلدەردىڭ تار جول، تايعاق كەشۋلەردەن بىرگە ءوتۋى قاجەت، ءارقانداي مەملەكەتتىڭ بۇدان تىسقارى قالۋىنا، ءوز قامىن عانا ويلاۋىنا بولمايدى. باس شۋجي شي جينپيڭ دۇنيە جۇزىلىك جوعارى ورەدەن جۇڭگونىڭ ەكولوگيالىق وركەنيەت قۇرىلىسىنا كوز تاستاپ، جۇڭگونىڭ جاسىل دامۋ جاعىنداعى جەتىستىكتەرى مەن تاجىريبەلەرىن دۇنيە جۇزىمەن كوپ رەت ورتاقتاسقان ءارى دۇنيە جۇزىندەگى ءارقايسى ەلدەرگە دۇنيە جۇزىلىك ەكولوگيالىق وركەنيەت جولىمەن ويداعىداي ءجۇرۋدىڭ «جاسىل شاقىرتۋىن» جولداعان. وسى قۇلشىنىستاردىڭ بارلىعى دا تىزە قوسا العا ىلگەرىلەيتىن كۇشتەردى ۇيىستىرىپ، ادامزاتتىڭ كورىكتى مەكەنىن ورتاق كوركەيتۋ ءۇشىن بولاتىن.
ەكولوگيالىق ورتانى قورعاۋ ىستەرىنەن الىپ قاراعاندا، جۇڭگونىڭ قول جەتكىزگەن تاريحي سيپاتتى جەتىستىكتەرى، جۇڭگودا تۋىلعان تاريحي سيپاتتى وزگەرىستەر ادامزاتتىڭ وركەنيەتىنە دە ەرەن ۇلەس قوستى. ادامزاتتىڭ وسىزاماندانۋ ۇردىسىندە، قازىرگە دەيىن ونەركاسىپتەنۋدى ىسكە اسىرعان مەملەكەتتەردىڭ سانى 30 مەملەكەتتەن، جان سانى ءبىر ميلليارد جان سانىنان اسپايدى، ال، جۇڭگو سىندى ءبىر ميلليارد نەشە ءجۇز ميلليون جان سانىن وسىزامانداندىرۋ ءۇردىسى تاريحتا بولماعان. ءبىر ميلليارد 400 ميلليون جان سانى بار دامۋ ۇستىندەگى مەملەكەت ەكولوگيالىق وركەنيەت قۇرىلىسىن ىلگەرىلەتۋدە، مەملەكەتتىڭ تۇلعاسى ءىرى، كولەمى زور بولعاندىقتان، وسىنىڭ ءوزى دۇنيە جۇزىلىك سيپات الادى دەپ قاراۋعا بولادى. دۇنيە جۇزىندەگى وزون قاباتىن قورعاۋعا ەڭ كوپ ۇلەس قوسقان مەملەكەتتەن، دۇنيە جۇزىلىك ەنەرگيانى ۇنەمدەۋ جانە جاڭا ەنەرگيادان پايدالانۋداعى ەڭ ءىرى ەلگە دەيىن، اتموسفەرانىڭ لاستانۋىن ەڭ تەز جونگە سالعان مەملەكەتتەن، دۇنيە ءجۇزى بويىنشا لاس سۋدى ءبىر جاقتىلى ەتۋ قۋاتى ەڭ زور مەملەكەت بولعانعا دەيىن، وڭايلىقپەن قولعا كەلمەگەن وسى جەتىستىكتەر مىنانى ايگىلەيدى: جۇڭگونىڭ جاسىل ارەكەتى دۇنيە جۇزىنە ۇنامدى جاقتان اسا زور ىلگەرىلەتۋ رولىن اتقارىپ، دۇنيە جۇزىلىك ەكولوگيالىق وركەنيەت قۇرىلىسىنا ۇلەس قوسادى، جۇڭگو جاراتقان جاسىل حيكىمەتتەر بولاشاقتا ادامزاتقا باقىت جاراتاتى بولادى.
جۇڭگونىڭ دۇنيە جۇزىلىك ەكولوگيالىق وركەنيەت قۇرىلىسىنا قوسقان ۇلەسى — ارەكەت جاعىنداعى ۇلەس، ناتيجە جاعىنداعى ۇلەس. «پاريج كەلىسىمىنىڭ» كۇشكە يە بولىپ اتقارىلۋىنان تارتىپ، كليمات وزگەرىسى جاعىنداعى تۇستىك ەلدەرى سەلبەستىگى قورىن قۇرۋعا دەيىن، «ءبىر بەلدەۋ، ءبىر جول» جاسىل دامۋ حالىقارالىق بىرلەستىگىن قۇرۋدان، جاسىل دامۋ جاعىنداعى سەلبەستىكتى جۇڭگو – افريكا ەلدەرى «سەگىز ءىرى ارەكەتىنىڭ» كولەمىنە ەنگىزۋگە دەيىن، جۇڭگونىڭ دۇنيە جۇزىندەگى ءار ەلمەن قورشاعان ورتانى قورعاۋ جاعىندا ورىستەتكەن اۋىس – كۇيىستەرى مەن سەلبەستىكتەرى كوپ دەڭگەيلى، كوپ ارنالى، كوپ سالالى سەلبەستىك جاعدايىن قالىپتاستىردى.
