«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
زامانىمىزداعى جۇڭگونىڭ ماركستىك ساياسي ەكونومياسىنىڭ جاڭا ءورىسىن ۇزدىكسىز اشايىق
8 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 16 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2015 - جىلى 11 - ايدىڭ 23 - كۇنى 18 - كەزەكتى ورتالىق كوميتەت ساياسي بيۋروسىنىڭ 28 - رەتكى توپتىق ۇيرەنۋىندە سويلەگەن ماڭىزدى ءسوزى − «زامانىمىزداعى جۇڭگونىڭ ماركستىك ساياسي ەكونومياسىنىڭ جاڭا ءورىسىن ۇزدىكسىز اشايىق» جاريالانادى.
سوزدە مىنالار باسا دارىپتەلدى: ماركستىك ساياسي ەكونوميا − ماركسيزمنىڭ ماڭىزدى قۇرامداس بولىگى ءارى ءبىزدىڭ ماركسيزمگە تاباندى بولۋدا جانە ونى دامىتۋدا مىندەتتى تۇردە وقيتىن ساباعىمىز. ماركستىك ساياسي ەكونوميا ادامزات قوعامىنىڭ، اسىرەسە، كاپيتاليزمنىڭ قوعامدىق، ەكونوميكالىق قوزعالىسىنىڭ زاڭدىلىعىن اشىپ كورسەتتى، ءبىزدىڭ ساياسي ەكونوميامىزدىڭ ءتۇپ نەگىزى باسقا ەشقانداي ەكونوميكا نازارياسى ەمەس، تەك عانا ماركستىك ساياسي ەكونوميا. ماركستىك ساياسي ەكونوميا ومىرشەڭدىك كۇشكە يە بولۋ ءۇشىن، ءسوز جوق، داۋىرمەن بىرگە العا باسۋ كەرەك. ءبىز ەلىمىزدىڭ مەملەكەت جاعدايىن جانە ءبىزدىڭ دامۋ امالياتىمىزدى تياناق ەتە وتىرىپ، دۇنيە ءجۇزى ەكونوميكاسى مەن ەلىمىز ەكونوميكاسى ءدوپ كەلگەن جاڭا جاعدايلاردى، جاڭا ماسەلەلەردى ىشكەرىلەي زەرتتەپ، جاڭا ەرەكشەلىكتەردى، جاڭا زاڭدىلىقتاردى اشىپ كورسەتىپ، ەلىمىز ەكونوميكاسىنىڭ دامۋ امالياتىنىڭ زاڭدىلىق سيپاتىن الاتىن جەتىستىكتەرىن سۇرىپتاپ جانە قورىتىندىلاپ، امالياتتىق تاجىريبەلەردى جۇيەلى ەكونوميا ءىلىمى دەڭگەيىنە كوتەرىپ، زامانىمىزداعى جۇڭگونىڭ ماركستىك ساياسي ەكونومياسىنىڭ جاڭا ءورىسىن ۇزدىكسىز اشۋىمىز كەرەك.
سوزدە مىنالار اتاپ كورسەتىلدى: پارتيامىز ماركستىك ساياسي ەكونوميانى ۇيرەنۋگە، زەرتتەۋگە، قولدانۋعا ەجەلدەن باسا ءمان بەرىپ كەلەدى. پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، پارتيامىز ماركستىك ساياسي ەكونوميانىڭ نەگىزگى قاعيدالارىن رەفورما جاساۋدىڭ، ەسىك اشۋدىڭ جاڭا امالياتىمەن ۇشتاستىرىپ، ماركستىك ساياسي ەكونوميانى ۇزدىكسىز بايىتىپ جانە دامىتىپ، زامانىمىزداعى جۇڭگونىڭ ماركستىك ساياسي ەكونومياسىندا قىرۋار ماڭىزدى نازاريالىق جەتىستىكتەر قالىپتاستىردى. وسى نازاريالىق جەتىستىكتەردى ماركسيزمنىڭ كلاسسيك جازۋشىلارى ايتىپ كورمەگەن، رەفورما جاساۋدىڭ، ەسىك اشۋدىڭ الدىندا بۇل جاعىندا بىزدە دە اماليات پەن تانىم جوق ەدى، ول − قازىرگى جۇڭگونىڭ مەملەكەت جاعدايىنا جانە ءداۋىر ەرەكشەلىگىنە ۇيلەسەتىن ساياسي ەكونوميا، ول ەلىمىزدىڭ ەكونوميكالىق دامۋ امالياتىنا جەتەكشىلىك ەتىپ قانا قويماي، ماركستىك ساياسي ەكونوميانىڭ جاڭا ءورىسىن اشتى.
سوزدە مىنالار اتاپ كورسەتىلدى: دۇنيە ءجۇزى ەكونوميكاسىنىڭ الماعايىپ ۇلكەن اعىمىندا ەلىمىز ەكونوميكاسى سىندى الىپ كەمەنى ويداعىداي مەڭگەرە الۋ - الماۋ پارتيامىز ءۇشىن كەلەلى سىن. ەل ءىشى - سىرتىنداعى توتەنشە كۇردەلى ەكونوميكالىق جاعدايعا، قىم - قۋىت الۋان ءتۇرلى ەكونوميكالىق قۇبىلىستارعا مەڭزەس، ماركستىك ساياسي ەكونوميانىڭ نەگىزگى قاعيدالارى مەن ادىستەمەلەرىن ۇيرەنۋ ءبىزدىڭ عىلمي ەكونوميكالىق تالداۋ ءادىسىن يگەرىپ، ەكونوميكانىڭ اينالىم بارىسىن تانىپ، قوعامنىڭ، ەكونوميكانىڭ دامۋ زاڭدىلىقتارىن يگەرىپ، سوتسياليستىك بازار شارۋاشىلىعىن مەڭگەرۋ قابىلەتىن ءوسىرىپ، ەلىمىزدىڭ ەكونوميكالىق دامۋىنداعى نازاريالىق جانە امالياتتىق ماسەلەلەرگە اناعۇرلىم جاقسى جاۋاپ بەرۋىمىزگە ءتيىمدى.
سوزدە مىنالار اتاپ كورسەتىلدى: حالىقتى وزەك ەتكەن دامۋ يدەياسىنا تاباندى بولۋ كەرەك. دامۋ حالىق ءۇشىن. بۇل ماركستىك ساياسي ەكونوميانىڭ ءتۇبىرلى تۇرعىسى. ەكونوميكالىق قىزمەتتى ورنالاستىرۋدا، ەكونوميكالىق ساياسات بەلگىلەۋدە، ەكونوميكانىڭ دامۋىن ىلگەرىلەتۋدە وسى ءتۇبىرلى تۇرعىعا مىزعىماي تاباندى بولۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمى ماركستىك ساياسي ەكونوميانىڭ كوپتەگەن كوزقاراستارىمەن ساباقتاسقان، جاڭا دامۋ ۇستانىمى ارقىلى ەلىمىزدىڭ ەكونوميكالىق دامۋىنا جەتەكشىلىك ەتىپ جانە ونى ىلگەرىلەتىپ، ەكونوميكالىق دامۋداعى قيىن ماسەلەلەردى ۇزدىكسىز شەشىپ، ەكونوميكالىق دامۋدىڭ جاڭا جاعدايىن اشۋ كەرەك.
سوزدە مىنالار اتاپ كورسەتىلدى: ءوندىرىس قۇرال - جابدىقتارىن مەنشىكتەنۋ ءتۇزىمى − وندىرىستىك قاتىناستىڭ وزەگى، ول قوعامنىڭ نەگىزگى سيپاتى مەن دامۋ بەتالىسىن بەلگىلەيدى. جالپىلىق مەنشىكتەگى شارۋاشىلىقتى استە اۋىتقىماستان بەكەمدەۋ جانە دامىتۋ، جالپىلىق مەنشىككە جاتپايتىن شارۋاشىلىقتىڭ دامۋىنا استە اۋىتقىماستان شابىت بەرۋ، ونى قولداۋ، جەتەكتەۋ، ءتۇرلى مەنشىكتەگى شارۋاشىلىقتاردىڭ ءوزارا ارتىقشىلىقتارىن قابىلداپ ولقىلىقتارىن تولىقتاۋىنا، ءبىرىن - ءبىرى جەبەۋىنە، بىرگە دامۋىنا دەم بەرۋ كەرەك. جالپىلىق مەنشىكتىڭ نەگىزگى تۇلعالىق ورنىنان اۋىتقۋعا، مەملەكەت مەنشىگىندەگى شارۋاشىلىقتىڭ جەتەكشىلىك ورنىنان اۋىتقۋعا بولمايدى. ەلىمىزدىڭ كىرىس بولىسىندە ورىن تەۋىپ وتىرعان ءىشىنارا كورنەكتى ماسەلەلەرگە بارىنشا ءمان بەرىپ، ءتۇزىلىس - مەحانيزمدەردى جانە ناقتى ساياساتتاردى ۇزدىكسىز اقاۋسىزداندىرىپ، حالىقتىق كىرىستىڭ ءبولىس ارناسىن رەتتەپ، قالا، اۋىل تۇرعىندارىنىڭ كىرىسىن ۇزدىكسىز ارتتىرىپ، كىرىس پارقىن ۇزدىكسىز ازايتۋ كەرەك. سوتسياليستىك بازار شارۋاشىلىعى رەفورما بەتالىسىنان جازباي، سوتسياليزم نەگىزگى ءتۇزىمى مەن بازار شارۋاشىلىعىن ۇشتاستىرۋ جاعىنا ۇزدىكسىز كۇش سالىپ، ەكى جاقتاعى باسىمدىقتى بىردەي ساۋلەلەندىرۋ كەرەك.
سوزدە مىنالار اتاپ كورسەتىلدى: سىرتقا ەسىك اشۋ نەگىزگى مەملەكەت ساياساتىنا تاباندى بولىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاۋعا شەبەر بولىپ، حالىقارا جانە ەل ءىشى سىندى ەكى بازاردان، ەكى ءتۇرلى بايلىقتان ويداعىداي پايدالانىپ، اناعۇرلىم جوعارى دەڭگەيدەگى اشىق ەكونوميكانى دامىتىپ، الەمدىك ەكونوميكانى جونگە سالۋعا بەلسەنە ات سالىسۋ، حالىقارالىق ەكونوميكالىق ءتارتىپتىڭ تەڭ، ءادىل، سەلبەسىپ تەڭ يگىلىككە كەنەلەتىن بەتالىسقا قاراي دامۋىن جەبەۋ كەرەك. ەلىمىزدىڭ دامۋ مۇددەسىن باتىل قورعاپ، ءار ءتۇرلى حاۋىپ - قاتەردەن بەلسەنە ساقتانىپ، مەملەكەتتىڭ ەكونوميكالىق حاۋىپسىزدىگىنە شىنايى كەپىلدىك ەتۋ كەرەك.
