جۋىردا، باس شۋجي شي جينپيڭ اس – سۋ ىسىراپشىلدىعى ارەكەتىن تەجەۋ جونىندە ماڭىزدى نۇسقاۋ بەردى. ول مىنانى باسا دارىپتەدى: زاڭ جاساۋدى كۇشەيتىپ، باقىلاۋ – باسقارۋدى قاتاڭداتىپ، ءونىمدى شارالار قولدانۋ ارقىلى ۇزاق مەرزىمدىك ءونىمدى مەحانيزم قۇرىپ، اس – سۋ جاعىنداعى ىسىراپشىلدىق ارەكەتىن باتىل تەجەۋ كەرەك. ۇگىت – تاربيەنى اناعۇرلىم كۇشەيتىپ، ۇنەمشىلىك ادەتىن شىنايى قالىپتاستىرىپ، بۇكىل قوعامدا ىسىراپشىلدىق — نامىس، ۇنەمشىلدىك — داڭق دەيتىن اۋقىم قالىپتاستىرۋ قاجەت. پارتيالى كادرلار «اتويشى قوسىن» رەتىندە، باستاماشى بولىپ، ارەكەتكە كىرىسۋى، «داستارقانداعى ىسىراپشىلدىقتى» باتىل تيۋى، «ۇنەمشىلدىكتى بۇلجىتپاي اتقارىپ، ىسىراپشىلدىققا قارسى تۇرۋ» سىندى قوعامدىق سالتتى كۇش سالا دارىپتەۋى قاجەت.
يدەيالىق جاقتا الدا ءجۇرىپ، ۇنەمشىلدىك تانىمىن بەرىك ورناتۋعا باستاماشى بولۋ كەرەك. يدەيا — ارەكەتتىڭ باعدارناماسى. تەك يدەيالىق جاقتا ۇنەمشىل ءارى ۇقىپتى بولۋ، قاجىرلىلىقپەن كۇرەس جۇرگىزۋ تاماشا ءداستۇرىن ۇزدىكسىز ساۋلەلەندىرۋدىڭ پايدالى تۇستارىن تانىپ جەتكەندە عانا، ونى قىزمەتتە، تۇرمىستا دايەكتى تياناقتاندىرۋعا بولادى. «داستارقانداعى ءار ءتۇيىر داننىڭ جاپا – ماشاقاتپەن كەلەتىنىن ۇمىتپايىق»، قاينارىنان باستاپ مىقتى ۇستاپ، ۇقىپتى دا ۇنەمشىل بولۋ يدەياسى مەن كوزقاراسىن بەرىك ورناتىپ، ۇنەمشىلدىك تانىمىن كۇشەيتىپ، حاۋىپ – قاتەر تانىمىن ۇنەمى ەستە ۇستاۋ كەرەك. باس شۋجي شي جينپيڭنىڭ ماڭىزدى سوزدەرى مەن نۇسقاۋلارىنىڭ رۋحىن مۇقيات ۇيرەنىپ جانە دايەكتىلەندىرىپ، اس – سۋ ىسىراپشىلدىعىن تيۋدىڭ كەلەلى ءمانىن تەرەڭ تانىپ جەتىپ، ۇنەمشىلدىك — داڭق، ىسىراپشىلدىق — نامىس دەگەن كوزقاراس ارقىلى ءامالياتقا جەتەكشىلىك ەتىپ، ءاربىر ءتۇيىر استىقتى شىن ىقىلاسپەن ۇنەمدەۋ كەرەك.
ۇنەمشىلدىكتى ارەكەتتە ورىنداپ، ىسىراپشىلدىق ستيلىن جونگە سالۋدى ۇگىتتەۋگە باستاماشى بولۋ كەرەك. ۇنەمشىلدىك — داڭق، ىسىراپشىلدىق — نامىس دەگەن يدەيا مەن كوزقاراستى كۇش سالا ۇگىتتەپ، «ۇنەمشىلدىكتى بۇلجىتپاي اتقارىپ، ىسىراپشىلدىققا قارسى تۇرۋ» قوعامدىق سالتىن دارىپتەۋ — تاماشا راي جاراتۋداعى شەشۋشى ءتۇيىن. ۇقىپتى دا ۇنەمشىل بولۋدى ۇگىتتەپ، ىسىراپشىلدىق ستيلىن جونگە سالۋ تەك اۋىز جۇزىندە ايتىلىپ قالماۋى كەرەك، قايتا ونى ەستە بەرىك ساقتاپ، ارەكەتتە تياناقتاندىرۋ قاجەت. پارتيالى كادرلار بەلسەندىلىكپەن «اس ىسىراپ ەتپەۋ ارەكەتىنىڭ» ۇيىمداستىرۋشىلارى ءارى قاتىناسۋشىلارى بولۋ رولىن ويداعىداي اتقارىپ، ءىس جۇزىندىك قاجەتتىلىكتى تىعىز توڭىرەكتەي وتىرىپ، قاتىستى ۇگىت – تاربيە قيمىلدارىن ۇيىمداستىرىپ، قامتۋ كولەمىن كەڭەيتۋى، ىقپالىن ارتتىرۋى كەرەك. جانىنداعى وتباسى مۇشەلەرىنە ۇگىت – تاربيە قىزمەتىن جاقسى ىستەپ، بالا تاربيەسىندە، وتباسىنىڭ كۇندەلىكتى ارەكەتىن ارناعا تۇسىرۋدە جاقسى ادىستەردى كوبىرەك ءبولىسىپ، اسپا – توك ىسىراپشىلدىق قاتارلى ارەكەتتەر بايقالعاندا دەرەۋ تەجەۋى كەرەك. «داستارقانداعى ىسىراپشىلدىق» قاتارلى ىسىراپشىلدىق ىستيلدەرگە كۇندەلىكتى باقىلاۋ قىزمەتىن ويداعىداي جۇرگىزىپ، كورە تۇرا ەلەمەي، ەركىنە قويۋعا استە بولمايدى، ىرىقتىلىقپەن كەڭەس بەرۋى كەرەك. سونىمەن بىرگە، قاتىستى ۇگىت قيمىلدارىن كەڭ كولەمدە ورىستەتىپ، اناعۇرلىم كوپ جۇرتشىلىقتىڭ تاماشا تۇرمىس ادەتى مەن ستيلىن قالىپتاستىرۋىنا جەتەكشىلىك ەتۋى كەرەك.
ۇنەمشىلدىك ادەتىن، ۇنەمشىلدىك تاماشا ءمورالىن باستاماشىلدىقپەن سانالى تۇردە قالىپتاستىرۋ كەرەك. تەك ۇقىپتى دا ۇنەمشىل بولۋ، قاجىرلىلىقپەن كۇرەس جۇرگىزۋدى باستان – اياق بۇلجىتپاي اتقارىپ، ۇنەمشىلدىك ادەتىندە تاباندى بولىپ، ونى ويداعىداي قالىپتاستىرعاندا عانا، جۇرتشىلىققا ۇلگى بولۋعا، كوپشىلىكتىڭ سەنىمىنە يە بولۋعا بولادى. پارتيالى كادر رەتىندە، ۇقىپتى دا ۇنەمشىل بولۋ سىندى جاقسى ادەتتى قالىپتاستىرۋعا باستاماشى بولىپ، ءاربىر ۇساق ىستەردەن، كىشى - گىرىم ىستەردەن باستاپ ۇنەمشىل بولۋ قاجەت. ءسات سايىن ءوزى ونەگە بولىپ، الدىمەن ۇلگى كورسەتىپ، وزىنە ءسات سايىن قاتاڭ تالاپ قويىپ، ورتالىقتىڭ سەگىز ءتۇرلى بەلگىلەمەسىنە مۇقيات بويسۇنىپ، راحاتقۇمارلىق پەن توگىپ – شاشقان ىسىراپشىلدىق ستيلىن باتىل تەجەپ، « جاپادا الدا بولۋ، راقاتتا ارتتا بولۋ» رۋحىن ساۋلەلەندىرىپ، حالىقپەن زەينەتتى دە، بەينەتتى دە بىرگە كورۋدى، تاعدىرلاس بولۋدى شىنايى ورىنداۋ كەرەك.
