سىلدىراي اققان ءمولدىر بۇلاق، ۇلاسىپ جاتقان جاسىل تاۋلار، قاۋلاعان شالعىن، سايراعان قۇستار مەن جايناعان گۇلدەر. وسىنداي ولەڭگە ارقاۋ بولارلىق كوركەمدىك ادامداردىڭ جاسىل تۇرمىسقا دەگەن ورتاق ارمانى مەن تالابىن توعىستىرىپ جاتىر.
حالىقتىڭ ارمانى — بيلىكتىڭ باعدارى. باس شۋجي شي جينپيڭ بىلاي دەپ اتاپ كورسەتكەن بولاتىن: «قورشاعان ورتا حالىق تۇرمىسىنىڭ ءبىر بولىگى، جاسىل تاۋ — كورىك، كوك اسپان — باقىت». ەكولوگيالىق جاتا حالىققا تيىمدىلىك جەتكىزۋ، ەكولوگيالىق جاقتا حالىققا پايدا جەتكىزۋ، ەكولوگيالىق جاقتا حالىق ءۇشىن قىزمەت ىستەۋ، حالىق جۇرتشىلىعىنىڭ ءىشىپ - جەمنەن الاڭسىز بولۋىنا، تۇراقتان الاڭسىز بولۋىنا شارت – جاعداي جاراتىپ، جۇرتشىلىق ءۇشىن قۇستار سايراعان، گۇلدەر جايناعان باۋ – باقشالى القاپتى ساقتاپ قالۋ — بۇقارانى دامۋ ناتيجەسىنەن ورتاق يگىلىكتەندىرۋدىڭ بۇلتارتپاس قاجەتى ءارى حالىق تۇرمىسىن اناعۇرلىم زور باقىتقا كەنەلتۋدەگى اتقارۋعا ءتيىستى بورىشىمىز. باس شۋجي شي جينپيڭ مىنانى باسا دارىپتەگەن: «تاماشا ەكولوگيالىق ورتا — جۇرتتىڭ بارىنە ورتاق حالىق تۇرمىسىنداعى ىرىستى ءىس». بۇل ادامداردىڭ باقىتتى تۇرمىسقا دەگەن تىڭ تىلەگىنە ساي كەلىپ، وزىق ەكولوگيالىق تانىم مەن كۇشتى حالىقشىلدىق پەيىلدى ايگىلەدى.
ادامداردىڭ تۇرمىس ورەسىنىڭ جوعارىلاۋىنا، تۇرمىس شارت – جاعدايىنىڭ جاقسارۋىنا بايلانىستى ەكولوگيالىق ورتانىڭ جۇرتشىلىقتىڭ جۇرەگىندە الاتىن ورنى ۇزدىكسىز جوعارىلاۋدا. جۇرت بۇرىن «قارىننىڭ توقتىعىن» ويلايتىن بولسا، قازىر «قورشاعان ورتانى قورعاۋدى» كوكسەيدى، بۇرىن «ءومىر ءسۇرۋدى» العى شارت ەتسە، قازىر «ەكولوگيالىق ورتانى» باستى ورىنعا قويادى، بارلىق ادام ەكولوگيالىق ورتانىڭ اناعۇرلىم كورىكتى بولۋىن كوكسەيدى، بارلىق ادام اناعۇرلىم مول ساپالى ەكولوگيالىق ونىمدەردەن ءلاززاتتانۋدى اڭسايدى. جۋىردا، ءتۇيىندى الاپتارداعى سۋ ەكولوگيالىق ورتاسىن قورعاۋ جونىندەگى «14 – بەسجىلدىق» جوسپاردى جاساۋ قىزمەتىن ىلگەرىلەتۋ ءماجىلىسى اشىلدى. ەكولوگيالىق ورتا مينيسترلىگىنىڭ قاتىستى جاۋاپتىسىنىڭ ايتۋىنشا، «14 – بەسجىلدىق» جوسپار ارقىلى، ءتىپتى ونان دا ۇزاق مەرزىمدىك قۇلشىنىستار ارقىلى، اناعۇرلىم مول وزەندەر مەن كولدەردىڭ سۋىنىڭ تازا، جاعاسىنىڭ جاسىل بولۋىن، بالىعى سايرانداپ، سۋ ءتۇبى كورىنەتىن تۇنىق بولۋىن ورىنداۋ كورىكتى جۇڭگو ارمانىنىڭ كەم بولسا بولمايتىن بولىگىنە اينالدى. وزەن سۋى تۇنىق، اۋا تازا بولىپ، كوك جۇزىنە كوز جىبەرسەك، كوك اسپان كورىنىپ تۇرسا، ۇيدەن شىعىپ سەرۋەندەسەك باقشامىز بولسا، جاعالاۋى جاسىل مانات جولدارىمىز بولسا، قالانىڭ ىشىندە ءتورت ماۋسىمنىڭ وزگەرىسىن سەزىنە الاتىن بولساق، اۋىل – قىستاقتا تابيعاتتىڭ كوركىنەن ءلاززاتتانا الساق، بۇل باقىتتى تۇرمىسىمىزدىڭ ءبىر بولىگى بولارى داۋسىز.
جۋىرداعى جىلداردان بەرى، جەر – جەر قاجىماي – تالماي ەڭبەك ەتىپ، ەكولوگيالىق ورتاداعى كورنەكتى ماسەلەلەردى شەشىم ەتۋدى حالىق تۇرمىسىنىڭ ماڭىزدى سالاسى رەتىندە قاراپ، تاماشا ەكولوگيالىق ورتانىڭ بولۋىن تاماشا تۇرمىس ورەسىن ءوسىرۋدىڭ ءتۇيىنى رەتىندە ۇستادى. جىجياڭ ولكەسى انجي اۋدانى لۋجيا قىستاعى ورتا تازالىعىن جونگە سالۋدى شىعار ءتۇيىن ەتىپ، تالاي جىل قۇلشىنۋ ارقىلى، جولدارى لاي – باتپاق بولىپ، قوقسىق شاشىلىپ جاتاتىن قىستاقتىڭ كەلبەتىن وزگەرتىپ، «ەسىك اشىلسا باقشا كورىنەتىن، بۇكىل قىستاق كورىنىس رايونى بولعان» كۇيگە وزگەرتتى؛ ىشكى موڭعۇلداعى اراساندا كەزىندەگى اعاش كەسۋشى قىزمەتكەر ورمان قورعاۋشى قىزمەتكەرگە اينالدى، «شەت – شەگى جوق كەڭ كوسىلگەن ورمان تەڭىزىندە، كوك جۇزىنە بوي سوزعان سانسىز شىرشا – قايىڭدار» دەپ سۋرەتتەلەتىن تابيعي كورىنىس سانسىزداعان ساياحاتشىلاردى باۋرادى؛ فۋجيان ولكەسى نيڭدى قالاسى، حىنان ولكەسىنىڭ انياڭ قالاسى، انحۇي ولكەسىنىڭ ما – انشان قالاسى قاتارلى 40 قا جۋىق قالادا مەملەكەتتىك ورماندى قالا قۇرىلىسى ورىستەتىلىپ، جۇرت تەرەزەسىن اشسا جاسىل ورماندى كورەتىن، ورمان ىشىندە وتىراتىن جاعدايعا جەتتى ...
جەر – جەر ورتانى قورعاۋدى كورنەكتى ورىنعا قويىپ، لاستانۋدى جونگە سالۋ جاعىندا بارىنشا كۇش سالىپ، «كوك جۇزىنە كوز سالسا، كوك اسپاندى كورەتىن، شار - تاراپ جانعا جايلى جاسىل ماناتقا ورانعان» كوركەم كورىنىستى بىرتىندەپ ءامالياتقا اينالدىردى. ب م ۇ – نىڭ ورتانى قورعاۋ باسقارماسىنىڭ ەكونوميسى، سەنەگالدىڭ ورتانى قورعاۋ ارناۋلى قىزمەتكەرى تيەري دە وليۆەريا مىناداي باعا بەرگەن: «جۇڭگونىڭ ورمانمەن كومكەرىلۋ دارەجەسى جىلدان – جىلعا ارتۋدا، بەيجيڭنىڭ اۋاسى تازا كۇن سانى بارعان سايىن كوبەيۋدە، مۇنىڭ ءبارىن جۇرتشىلىق كورىپ وتىر ، سەزىنىپ وتىر ، جۇڭگونىڭ جاسىل دامۋ ساياساتى كورنەكتى ونىمدىلىككە قول جەتكىزدى.
