مەملەكەت ءتوراعاسى شي جينپيڭ 8 - ايدىڭ 11 - كۇنى ءتوراعا بۇيرىعىنا قول قويىپ، 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21 - ءماجىلىسى 8 - ايدىڭ 11 - كۇنى تۇستەن كەيىن داۋىسقا سالىپ ماقۇلداعان مەملەكەتتىك حالىق قۇرىلتايى تۇراقتى كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا ەرەن ۇلەس قوسقان قايراتكەرلەرگە مەملەكەتتىك وردەن جانە مەملەكەتتىك قۇرمەت اتاعىن بەرۋ جونىندەگى قاۋلىسىنا ساي، جۇڭ نانچانعا «رەسپۋبليكا وردەنىن»، جاڭ بوليگە، جاڭ ديڭيۇيگە، چىن ۋەيگە (ايەل) «حالىق قاھارمانى» مەملەكەتتىك قۇرمەت اتاعىن بەردى.
جاڭا تيپتى ايدارشا ۆيرۋس وكپە قابىنۋىنا قارسى اتتانۋ كۇرەسى بارىسىندا ءبىر توپ جان تەبىرەنتەرلىك العاباسار تيپتەر جارىققا شىقتى. وسى كۇرەستە ەرەن ۇلەس قوسقان ۇلگىلى جانداردى سالتاناتپەن ماداقتاپ، ولاردىڭ ادال بولۋ، جاۋاپكەرلىك ارقالاۋ، ۇلەس قوسۋ وسكەلەڭ قاسيەتىن ساۋلەلەندىرۋ ءۇشىن، نەگىزگى زاڭعا، مەملەكەتتىك وردەن جانە مەملەكەتتىك قۇرمەت اتاعى زاڭىنا ساي، 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21 - ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە ەرەن ۇلەس قوسقان قايراتكەرلەرگە مەملەكەتتىك وردەن جانە مەملەكەتتىك قۇرمەت اتاعىن بەرۋ جونىندە ۇيعارىم جاسادى.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە ەرەن ۇلەس قوسقان قايراتكەرلەرگە ەڭ جوعارى مەملەكەتتىك داڭق بەرۋ ىندەتكە قارسى اتتانعان قاھارماندارىنىڭ كورنەكتى ەڭبەگى مەن شۇعىلالى وبرازىن زور كۇشپەن ۇگىتتەپ، مەملەكەتتىڭ قۇرمەتى مەن ۇلتتىق ەستەمەنى كۇشەيتۋگە پايدالى؛ وتانشىلدىق، كوللەكتيۆيزم تاربيەسىن كۇشەيتىپ، سوتسياليستىك وزەكتى قۇن كوزقاراسىن ساۋلەلەندىرۋگە پايدالى؛ جۇڭحۋا ۇلاندارىنىڭ جۇدىرىقتاي جۇمىلۋ، جاپا - ماشاقاتتان تايسالماۋ، ساتسىزدىككە ۇشىراعان سايىن ەرلىك كورسەتۋ ۇلتتىق قاسيەتىن تولىق ايگىلەپ، جۇڭگوشا سوتسياليزم ۇلى ىستەرىن ءساتتى ىلگەرىلەتىپ، ءبىرىنشى 100 جىلدىق كۇرەس نىساناسىن جۇزەگە اسىرۋ ءۇشىن پارتيا، ارميا، حالىق تىلەگىن ۇيىستىرۋعا پايدالى.
