مەملەكەت ءتوراعاسى شي جينپيڭ 6 - ايدىڭ 26 - كۇنى تانەتي ماماۋعا قۇتتىقتاۋ تەلەگرامماسىن جولداپ، ونىڭ كيريباتيدىڭ زۇڭتۇڭدىعىنا جالعاستى تاعايىندالعاندىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن كيريباتي 2019 - جىلى 9 - ايدا ديپلوماتيالىق قارىم - قاتىناستى قالپىنا كەلتىرگەننەن بەرى، ەكى ەلدىڭ قارىم - قاتىناسى جەدەل دامىپ، ءار سالاداعى اۋىس - كۇيىسنىڭ، سەلبەستىگىنىڭ تابىسى مول بولدى. بيىل 1 - ايدا ماماۋ زۇڭتۇڭ جۇڭگودا ءساتتى ساپاردا بولدى، ءبىز اسا ناتيجەلى كەڭەس وتكىزدىك. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا جۇڭگو مەن كيريباتي قيىندىقتى بىلەك بىرىكتىرە جەڭىپ، ءوزارا قارايلاسىپ، ەكى ەل حالقىنىڭ دوستىق سۇيىسپەنشىلىگىن تاعى ءبىر رەت ايگىلەدى. مەن جۇڭگو مەن كيريباتي قارىم - قاتىناسىنىڭ دامۋىنا ايرىقشا ءمان بەرەمىن، ماماۋ زۇڭتۇڭمەن بىرگە قۇلشىنىپ، جۇڭگو مەن كيريباتي قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلگە جانە ەكى ەل حالقىنا اناعۇرلىم ويداعىداي باقىت جاراتۋدى قالايمىن.
