”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر بەينەەكران ءماجىلىسى 6 - ايدىڭ 18 - كۇنى بەيجيڭدە ءساتتى وتكىزىلدى. مەملەكەت ءتوراعاسى شي جينپيڭ ماجىلىستە جازباشا ءسوز سويلەدى.
شي جينپيڭ بىلاي دەپ اتاپ كورسەتتى: وسى رەتكى توسىن تۋىلعان ىندەت ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىنا اۋىر قاتەر ءتوندىرىپ، دۇنيە ءجۇزى ەكونوميكاسىنا اۋىر سوققى بولدى، كەيبىر ەلدەردىڭ، اسىرەسە، وركەندەپ كەلە جاتقان ەلدەردىڭ ەكونوميكاسى، قوعامى اۋىر قيىنشىلىقتارعا ءدوپ كەلدى. ىندەتكە توتەپ بەرۋ ءۇشىن، ءار ەل ءوز مەملەكەت جاعدايىن تياناق ەتىپ، پارمەندى ساقتانۋ - تىزگىندەۋ شارالارىن قولدانىپ، بەلسەندى ونىمدىلىكتەرگە قول جەتكىزدى. كوپتەگەن ەلدەر ىندەتتەن ساقتانۋ - تىزگىندەۋدى جاقسى ىستەۋمەن بىرگە، ەكونوميكالىق، قوعامدىق دامۋدى قۇلشىنا قالپىنا كەلتىرۋدە. جۇڭگو حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، الەمنىڭ ىندەتتى ەرتەرەك جەڭىپ، دۇنيە ءجۇزى ەكونوميكاسىنىڭ قالپىنا كەلۋىن جەبەۋگە ۇلەس قوسۋعا قۇلشىنۋدى قالايدى.
شي جينپيڭ بىلاي دەپ اتاپ كورسەتتى: ىندەت بىزگە ءبىر قىدىرۋ تەرەڭ وي سالدى. ءار ەلدىڭ تاعدىرى تىعىز بايلانىسقان، ادامزات قيىندىقتى بىلەك بىرىكتىرە جەڭەتىن تاعدىرلاس ورتاق تۇلعا. مەيلى ىندەتكە توتەپ بەرۋ بولسىن، الدە ەكونوميكانى قالپىنا كەلتىرۋ بولسىن، بارىندە ىنتىماقتاسۋ، سەلبەسۋ جولىمەن ءجۇرۋ كەرەك، بارىندە كوپ جاقتىلىققا تاباندى بولۋ قاجەت. ۇلاستىرۋدى، تۇتاستىرۋدى جەبەپ، اشىق، سيىسىمدى بولۋعا تاباندى بولۋ − الەمدىك داعدارىسقا توتەپ بەرۋ مەن ۇزاق بولاشاقتىق دامۋدى جۇزەگە اسىرۋدا، ءسوزسىز، باسىپ وتەتىن جول، ”ءبىر بەلدەۋ، ءبىر جولدى“ بىرگە قۇرۋ حالىقارالىق سەلبەستىگى ماڭىزدى رولىن ساۋلەلەندىرە الادى.
شي جينپيڭ بىلاي دەپ باسا دارىپتەدى: جۇڭگو باستان - اياق بەيبىت دامۋعا تاباندى بولادى، ءوزارا تيىمدىلىك جەتكىزىپ، بىرگە يگىلىكتەنۋگە تاباندى بولادى. ءبىز سەلبەستىك سەرىكتەرمەن بىرگە ”ءبىر جول، ءبىر بەلدەۋدى“ سىن - سايىستارعا ىنتىماقتاسا توتەپ بەرەتىن سەلبەستىك جولى، حالىقتىڭ سالاماتتىق حاۋىپسىزدىگىن قورعايتىن سالاماتتىق جولى، ەكونوميكانىڭ، قوعامنىڭ قالپىنا كەلۋىن جەبەيتىن قايتا ورلەۋ جولى، دامۋ كومەسكى كۇشىن شىعاراتىن ارتۋ جولى ەتىپ قالىپتاستىرۋدى قالايمىز. ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ ارقىلى ادامزاتتىڭ تاعدىرلاس ورتاق تۇلعاسىن قول ۇستاسا ىلگەرىلەتۋ كەرەك.
بۇل رەتكى ءماجىلىستى جۇڭگو سىرتقى ىستەر مينيسترلىگى، دامۋ جانە رەفورما كوميتەتى، ساۋدا ىستەرى مينيسترلىگى، دەنساۋلىق ساقتاۋ، سالاماتتىق كوميتەتى بىرگە وتكىزدى، نەگىزگى تاقىرىبى” ’ءبىر بەلدەۋ، ءبىر جول‘ حالىقارالىق سەلبەستىگىن كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا قارسى اتتانايىق“، 25 ەلدىڭ سىرتقى ىستەر مينيسترلەرى نەمەسە مينيستر دارەجەلى ءمانساپتىلارى، سونداي - اق دۇنيە جۇزىلىك دەنساۋلىق ساقتاۋ ۇيىمىنىڭ باسالقاسى تان دىساي، بىرلەسكەن مەملەكەتتەر ۇيىمىنىڭ ورىنباسار باس حاتشىسى، قوسىمشا بىرلەسكەن مەملەكەتتەر ۇيىمى اشۋ - جوسپارلاۋ مەكەمەسىنىڭ باستىعى ستەينەر ماجىلىسكە قاتىناستى، ءماجىلىس بىرلەسكەن مالىمدەمە جاريالادى.
