1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

حالىقارالىق ىندەتكە قارسى اتتانۋ سەلبەستىگىنىڭ جاڭا ولشەمىن ورناتىپ، جۇڭگو - افريكا قارىم - قاتىناسىنىڭ تىڭ ورلەۋگە كوتەرىلۋىن جەتەكتەدى

日期:2020年06月18日
来源:新疆日报
【字体:

حالىقارالىق ىندەتكە قارسى اتتانۋ سەلبەستىگىنىڭ جاڭا ولشەمىن ورناتىپ، جۇڭگو - افريكا قارىم - قاتىناسىنىڭ تىڭ ورلەۋگە كوتەرىلۋىن جەتەكتەدى

− ءتوراعا شي جينپيڭ جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىن باسقاردى، كەڭەس قىزۋ دوستىق بەينەدە، ناقتى، جوعارى ءونىمدى، مول ناتيجەلى ءوتىپ، تولىق تابىسقا قول جەتكىزدى

  6 - ايدىڭ 17 - كۇنى كەشتە ءتوراعا شي جينپيڭ بەيجيڭدە جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلارى ەرەكشە كەڭەسىن باسقاردى ءارى «ىندەتكە ىنتىماقتاسا قارسى اتتانىپ، ۋاقىتتىق قيىندىقتاردى بىرگە جەڭەيىك» تاقىرىبىندا ارقاۋ ءسوز سويلەدى. ەلباسىلارى كەڭەسى اياقتاعاننان كەيىن، سىرتقى ىستەر مينيسترلىگى مينيسترىنىڭ كومەكشىسى چىن شياۋدۇڭ حالىق گازەتى مەكەمەسى، شينحۋا اگەنتتىگى، ورتالىق تەلەۆيزياسى تىلشىلەرىنىڭ تىلشىلىگىن قابىلداپ، ەلباسىلارى كەڭەسىنىڭ تابىستارىن تانىستىردى.

  چىن شياۋدۇڭ مىنانى ءبىلدىردى: جان - جاقتى ستراتەگيالىق سەلبەستىك سەرىكتەر رەتىندە، جۇڭگو مەن افريكا جاڭا تيپتى ايدارشا ۆيرۋس وكپە قابىنۋى ىندەتى تۋىلعاننان كەيىن، ءوزارا كومەك كورسەتىپ، تىزە قوسا شايقاس جاسادى، حالىقارالىق ىندەتكە قارسى اتتانۋ سەلبەستىگىنىڭ جاڭا ولشەمىن ورناتىپ، جۇڭگو - افريكا قارىم - قاتىناسىنىڭ تىڭ ورلەۋگە كوتەرىلۋىن جەتەكتەدى. بۇل رەتكى ەلباسىلار كەڭەسى جۇڭگو مەن افريكا باسشىلارىنىڭ ىندەتكە ىنتىماقتاسا قارسى اتتانۋ جاعدايىندا وتكىزگەن ءبىر رەتكى ەرەكشە باس قوسۋى، تاراپتار افريكانىڭ ىندەتكە قارسى اتتانۋىن قولداۋ، جۇڭگو مەن افريكانىڭ جانە حالىقارانىڭ ىندەتكە قارسى اتتانۋ سەلبەستىگىن ىلگەرىلەتۋ سياقتىلار جونىندە ىشكەرىلەي پىكىر اۋىستىرىپ، كەڭ كولەمدە ورتاق تانىمعا كەلدى. كەڭەس بىرلەسكەن مالىمدەمە جاريالاپ، جۇڭگو مەن افريكانىڭ ءبىر قىدىرۋ كەلەلى ماسەلەلەردەگى ورتاق تۇرعىسىن ۇيىستىردى. ەلباسىلارى كەڭەسى قىزۋ دوستىق بەينەدە ناقتى، جوعارى ءونىمدى، مول ناتيجەلى ءوتىپ، تولىق تابىسقا قول جەتكىزدى.

  چىن شياۋدۇڭ بىلاي دەدى: ءتوراعا شي جينپيڭنىڭ ەلباسىلار كەڭەسىندە جاريالاعان ارقاۋ ءسوزى ءبىرسىپىرا ماڭىزدى باستامالار مەن قۋاتتامالاردى ورتاعا قويىپ، تاباندىلىقپەن ىندەتكە قول ۇستاسا قارسى اتتانۋدى، تاباندىلىقپەن جۇڭگو - افريكا سەلبەستىگىن ىلگەرىلەتۋدى، تاباندىلىقپەن كوپ جاقتىلىقتى امالياتتا ايگىلەۋدى، تاباندىلىقپەن جۇڭگو - افريكا دوستىعىن ىلگەرىلەتۋدى ءتۇيىندى تۇردە دارىپتەدى. وسى ءتورت ”تاباندىلىقپەن“ جۇڭگو مەن افريكانىڭ ”ىندەتكە ىنتىماقتاسا قارسى اتتانىپ، ۋاقىتتىق قيىندىقتاردى بىرگە جەڭەتىن“ بەرىك بەكىمىن ايگىلەپ، ىندەت جاعدايىنداعى جۇڭگو مەن افريكانىڭ ىندەتكە قارسى اتتانۋىنىڭ جانە ناقتى سەلبەستىگىنىڭ العا باسۋ جولىن ايقىن كورسەتىپ، جۇڭگو - افريكا قارىم - قاتىناسى دامۋىنىڭ بولاشاق بەتالىسىن بەدەرلەدى، سونداي - اق حالىقارالىق قوعامنىڭ ىنتىماقتاسا سەلبەسىپ، ىندەتتى ەرتەرەك جەڭۋىنە پارمەندى وڭ ەنەرگيا ۇستەدى. ءتوراعا شي جينپيڭنىڭ ءسوزى قىزۋ اڭىس جانە بەلسەندى اسەر قوزعادى، كەڭەسكە قاتىناسقان افريكا جاق باسشىلارى ءتوراعا شي جينپيڭنىڭ افريكا ەلدەرىنىڭ ىندەتكە قارسى اتتانۋىن شىن پەيىلىمەن قولداپ، شىن مانىندە جۇڭگو - افريكا حالىقتارىنىڭ ءومىرى مەن دەنساۋلىعىن كوكەيىندە ساقتاعانىن اتاپ كورسەتتى. جۇڭگو - افريكا سەلبەستىگى افريكانىڭ ىندەتتىڭ ىقپالىن جويىپ، ەكونوميكالىق، قوعامدىق دامۋدى تەزىرەك قالپىنا كەلتىرۋىنە پارمەندى كومەكتەسەدى. كەيبىر باسشىلار بىلاي دەپ اتاپ كورسەتتى: كەيبىر مەملەكەتتەر تەك قانا ايتادى، ىستەمەيدى، جۇڭگو شىن پەيىلىمەن افريكانىڭ قامىن ويلاپ، شىن ىقىلاسىمەن افريكاعا كومەكتەسىپ، افريكانىڭ ىندەتتەن ساقتانۋ - تىزگىندەۋىنە ماڭىزدى ۇلەس قوسىپ، الەمدىك ىندەتكە قارسى اتتانۋ سەلبەستىگىن جەتەكتەدى. وسى رەتكى جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسى ءدال ۋاعىندا اشىلدى، مۇنىڭ ماڭىزدى ىقپالى مەن تەرەڭ ءمانى، ءسوز جوق، ۇزدىكسىز جارىققا شىعادى.

  بىرىنشىدەن، جۇڭگو مەن افريكانىڭ قول ۇستاسا جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىن ونان ارى ىلگەرىلەتتى. جۇڭگو مەن افريكا باسشىلار ەلباسىلار كەڭەسىندە ىندەتكە ىنتىماقتاسا قارسى اتتانۋدىڭ ورتاق ارەكەتىن كۇشەيتىپ، جۇڭگو - افريكا دەنساۋلىق ساقتاۋ، سالاماتتىق ورتاق تۇلعاسىن قول ۇستاسا قۇرۋدى ءبىر اۋىزدان ۇيعاردى. جۇڭگوداعى ىندەت جاعدايى قيىن ساتتە، افريكا ادامگەرشىلىك، زاتتىق جاقتان تۇگەلدەي قىمباتتى قولداۋ كورسەتتى. جۇڭگو جاق افريكا ەلدەرىنىڭ ىندەتكە قارسى اتتانۋ ارەكەتىن بار كۇشپەن قولدادى ءارى قولداي بەرەدى، افريكا جاققا زاتتىق كومەك ازىرلەپ، ەمدەۋ ماماندارى گرۋپپاسىن جىبەرىپ، افريكا اۋرۋدى تىزگىندەۋ ورتالىعى باس شتابى قۇرىلىسىن جەدەلدەتەدى، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن زەرتتەپ جاساپ بولعاننان ءارى قولدانىسقا بەرگەننەن كەيىن تەزىرەك افريكا ەلدەرىنە پايدا جەتكىزۋگە، سونداي - اق G20 ەلدەرىنىڭ قارىز اقشانى قايتارۋ ۋاقىتىن كەشەۋىلدەتۋ باستاماسىن تياناقتاندىرۋ نەگىزىندە، افريكا ەلدەرىن جانە قارىزى كوپ كەدەي ەلدەردى قولداۋ سەرپىنىن ارتتىرۋعا ۋادە بەردى. ىندەتتىڭ جۇڭگو - افريكا سەلبەستىگىنە اكەلگەن ىقپالىنا مەڭزەس، جۇڭگو مەن افريكا ەكى جاق ”ءبىر بەلدەۋ، ءبىر جولدى“ بىرگە قۇرۋ سەلبەستىگىن كۇشەيتىپ، جۇڭگو - افريكا سەلبەستىك تالقى مىنبەرى بەيجيڭ باسشىلار كەڭەسىنىڭ تابىستارىن تياناقتاندىرىپ، نازاردى سالاماتتىق، دەنساۋلىق ساقتاۋ، جۇمىستى، ءوندىرىستى قالپىنا كەلتىرۋ، حالىق تۇرمىسىن جاقسارتۋ سياقتى سالالارعا شوعىرلاندىرىپ، ساۋدا، ۇلاستىرۋ، تۇتاستىرۋ، سيفرلى ەكونوميكا سياقتى سەلبەستىكتەردى تەرەڭدەتۋگە قوسىلدى. جوعارىداعى باستامالار مەن قۋاتتامالار جۇڭگو مەن افريكا ەكى جاقتىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ قاجەتىمەن قابىسىپ، حالىقارادا ماڭىزدى جەتەكتەۋ رولىن اتقاردى.

  ەكىنشىدەن، جۇڭگو مەن افريكانىڭ ءوزارا قولداۋ كورسەتۋىنىڭ بەرىك نەگىزىن ونان ارى ايگىلەدى. ءتوراعا شي جينپيڭ جۇڭگو مەن افريكانىڭ سەلبەستىكتى كۇشەيتۋدى، ۋاقىتتىق قيىندىقتاردى بىرگە جەڭۋدى ءارقانداي كەزدەگىدەن دە كوپ قاجەت ەتەتىنىن اتاپ كورسەتىپ، كۇشتى ۇندەستىك تۋدىردى. تاراپتار جۇڭگونىڭ ىندەتتەن ساقتانۋ - تىزگىندەۋدە ەلەۋلى ستراتەگيالىق تابىسقا قول جەتكىزگەنىن ايرىقشا باعالاپ، جۇڭگو جاقتىڭ افريكانىڭ ىندەتكە قارسى اتتانۋىنا بەلسەنە كومەك كورسەتكەندىگىن القادى. جۇڭگو مەن افريكا ەكى جاق ەلباسىلار كەڭەسىنىڭ بىرلەسكەن مالىمدەمەسىندە جۇڭگو جاقتىڭ افريكا ەلدەرىنىڭ وزدەرىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن قولدايتىندىعى، سىرتقى كۇشتەردىڭ افريكانىڭ ىشكى ىسىنە ارالاسۋىنا قارسى تۇراتىندىعى ايقىن جازىلدى. جۇڭگو جاق افريكادا ”مىلتىق داۋىسىن الاستاۋ باستاماسىن“ تياناقتاندىرۋدى قولداپ، زيمبابۋە مەن سۋدان جونىندەگى ەكونوميكالىق جازانى تەزىرەك توقتاتۋعا قۋزادى. افريكا ەلدەرى جۇڭگو جاقتىڭ تايۋان، شياڭگاڭ ماسەلەسىندەگى تۇرعىسىن باتىل قولداپ، جۇڭگو جاقتىڭ شياڭگاڭدا زاڭ بويىنشا مەملەكەت حاۋىپسىزدىگىن قورعاۋ قۇلشىنىستارىن قولدادى. جۇڭگو مەن افريكا ەكى جاق ەجەلدەن ءوزارا ءتۇسىنىسىپ، پارمەندى قولداۋ كورسەتىپ، تاعى دا ءىس جۇزىندىك ارەكەتى ارقىلى جۇڭگو مەن افريكانىڭ قيىندىقتى بىلەك بىرىكتىرە جەڭەتىن باۋىرلاستىق سۇيىسپەنشىلىگىن ايگىلەپ، جۇڭگو - افريكا تاعدىرلاس ورتاق تۇلعاسىنىڭ مانەرلى ءمانىن ۇعىندىردى.

  ۇشىنشىدەن، الەمنىڭ ىندەتتى ەرتەرەك جەڭۋ سەنىمىن اناعۇرلىم سەرپىلتتى. جۋىقتان بەرى، كوپ جاقتىلىق تەرىس پيعىلعا ۇشىراپ، ناسىلشىلدىك سارقىنى قايتا كوتەرىلدى، ءىشىنارا ەلدەر ىندەتتى ساياسيلاندىرۋعا ۇرىنىپ، حالىقارالىق ادىلدىك پەن تۋراشىلدىق سىن - سايىسقا ءدوپ كەلدى. ءتوراعا شي جينپيڭ ىنتىماق، سەلبەستىك − ىندەتكە قارسى اتتانۋداعى ەڭ پارمەندى قارۋ ەكەنىن باسا دارىپتەدى، كەڭەسكە قاتىناسقان افريكا جاق باسشىلارى مۇنى ايرىقشا القاپ، مىنالاردى ءبىلدىردى: ىندەت الدىندا ەشقانداي ءبىر ەلدىڭ ءوزىنىڭ عانا قامىن ويلاۋىنا بولمايدى؛ ۆيرۋس الدىندا ەشقانداي ءبىر ەلدىڭ وزگەدەن جوعارى تۇرۋىنا بولمايدى. تەك ءوزارا قۇرمەت ەتۋ، ىنتىماقتاسا سەلبەسۋ بولعاندا عانا، ادامزات ەڭ سوڭىندا ۆيرۋستى جەڭە الادى، جۇڭگو - افريكا ەكى جاق كوپ جاقتىلىقتى باتىل قولداۋعا، سىڭار جاقتىلىق پەن ناسىلشىلدىككە قارسى تۇرۋعا، بىرلەسكەن مەملەكەتتەر ۇيىمى مەن دۇنيە جۇزىلىك دەنساۋلىق ساقتاۋ ۇيىمىنىڭ حالىقارالىق ىندەتكە قارسى اتتانۋ سەلبەستىگىندەگى جەتەكتەۋ رولىن ساۋلەلەندىرۋىن بىرگە قولداۋعا، ىندەتتى ساياسيلاندىرۋعا، ۆيرۋستى بىرەۋگە تاۋەلدەۋگە بىرگە قارسى تۇرۋعا، كەمسىتۋ، داتتاۋ ارەكەتتەرىنەن بىرگە ساقتانۋعا ۇندەدى. وسى ماڭىزدى ورتاق تانىمدار ءداۋىر اعىمىنا ۇيلەسەدى، حالىقارالىق ىندەتكە قارسى اتتانۋ سەلبەستىگىن ىلگەرىلەتۋگە پايدالى، جۇڭگو مەن افريكا سياقتى وركەندەپ كەلە جاتقان ەلدەردىڭ ورتاق مۇددەسىن قورعاۋعا پايدالى، كوپ جاقتىلىقتى جانە حالىقارالىق ادىلدىك پەن تۋراشىلدىقتى قورعاۋعا پايدالى.

  چىن شياۋدۇڭ مىنانى ءبىلدىردى: جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىنىڭ ءساتتى وتكىزىلۋى جۇڭگو - افريكا قارىم - قاتىناسى تاريحىندا جاڭا تاراۋ جازدى. ءبىز ىندەتتىڭ سىنىنان وتكەن جۇڭگو - افريكا قارىم - قاتىناسىنىڭ اناعۇرلىم بەرىك بەكەم بولاتىندىعىنا، جۇڭگو - افريكا دوستىعىنىڭ جۇرت جۇرەگىنە تەرەڭ ۇيالايتىندىعىنا كامىل سەنەمىز. بولاشاققا كوز جىبەرسەك، بەينە ءتوراعا شي جينپيڭ اتاپ كورسەتكەندەي، ادامزات تۇبىندە ىندەتتى جەڭەدى، جۇڭگو، افريكا حالىقتارى دا اناعۇرلىم تاماشا تۇرمىس كەشىرەدى. جۇڭگو جاق افريكا جاقپەن بىرگە، وسى رەتكى ەلباسىلار كەڭەسىنىڭ تابىستارىن تياناقتاندىرىپ، جۇڭگو مەن افريكا جانە دۇنيە جۇزىندەگى ءار ەل حالىقتارىن باقىتقا بولەيدى.