1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

ەلىمىزدىڭ باستى ەكونوميكالىق كورسەتكىشتەرى ۇزدىكسىز جاقساردى

日期:2020年06月17日
来源:新疆日报
【字体:

ەلىمىزدىڭ باستى ەكونوميكالىق كورسەتكىشتەرى ۇزدىكسىز جاقساردى

− مەملەكەتتىك دامۋ جانە رەفورما كوميتەتى ەكونوميكانىڭ بەتالىسىنا توقتالدى

  ”ەلىمىزدىڭ ىندەتتەن ساقتانۋ - تىزگىندەۋدە كەلەلى ستراتەگيالىق جەتىستىككە جەتۋىنە ساي، 5 - ايدا ەكونوميكالىق، قوعامدىق ءتارتىپ جۇيەلى تۇردە قالپىنا كەلىپ، باستى ەكونوميكالىق كورسەتكىشتەر ۇزدىكسىز جاقساردى“، - دەدى مەملەكەتتىك دامۋ جانە رەفورما كوميتەتىنىڭ اقپارات مالىمدەمەشىسى مىڭ ۋي 6 - ايدىڭ 16 - كۇنى اشىلعان اقپار جاريالاۋ ماجىلىسىندە.

  كەزەكتەگى ەكونوميكالىق جاعدايعا قالاي قاراعان ءجون؟ زات باعاسىنىڭ بەتالىسى قالاي؟ جاڭاشا قالا - قالاشىقتاندىرۋ بويىنشا ”ولقىلىقتاردى تولىقتاۋ“ قالاي ىلگەرىلەتىلىپ جاتىر؟

قايتا جاندانۋ كورنەكتى بولدى، سىن - سايىس ءالى دە بار

  5 - ايداعى ەكونوميكالىق ساندى مالىمەتتەر باستى ەكونوميكالىق كورسەتكىشتەردىڭ ۇزدىكسىز جاقسارىپ، ناقتى زاتتىق كورسەتكىشتەردە بەلگىلى جاقسارۋ جارىققا شىققاندىعىن ايگىلەدى.

  ”وندىرىستىك قامداۋ ۇزدىكسىز قايتا ءوسىپ، ىشكى سۇرانىستىڭ قايتا جاندانۋى ايتارلىقتاي كورنەكتى، جۇمىستانۋ مەن زات باعاسى جالپى جاقتان تۇراقتى بولىپ، بازاردىڭ مەجەسى تۇراقتىلىقتى ساقتادى“، - دەدى مىڭ ۋي.

  ەلەكتر تۇتىنۋ مولشەرى، جۇك تاسىمال مولشەرى سياقتى ناقتى زاتتىق كورسەتكىشتەر ەكونوميكالىق جاعدايدى باقىلاۋدىڭ تەرەزەسى سانالادى. 5 - ايدا ءبىر ءبولىم ونەركاسىپتىڭ ناقتى زاتتىق كورسەتكىشتەرى ايتارلىقتاي قايتا ءوسىپ، ەكونوميكانىڭ قايتا جاندانۋىنىڭ بەلسەندى سيگنالىن اڭداتتى.

  ەلەكتر شىعارۋ مولشەرىنەن الىپ قاراعاندا، 5 - ايدا ەلەكتر شىعارۋ مولشەرى سايكەس مەزگىلدەگىدەن %4.3 ءوسىپ، ءوسۋ جىلدامدىعى 4 - ايداعىدان 4 پايىز جوعارى بولعان. 1 - ايدان 5 - ايعا دەيىن، بۇكىل ەلدەگى كولەمدەنگەن ونەركاسىپتىك ەلەكتر شىعارۋ مولشەرى سايكەس مەزگىلدەگىدەن %3.1 تومەندەپ، تومەندەۋ مولشەرى الدىڭعى 4 ايدان 1.9 پايىز ازايعان.

  ەلەكتر تۇتىنۋ مولشەرىنەن الىپ قاراعاندا، 5 - ايدا بۇكىل قوعامنىڭ ەلەكتر تۇتىنۋ مولشەرى سايكەس مەزگىلدەگىدەن %4.6 ءوسىپ، ءوسۋ جىلدامدىعى الدىڭعى ايدان 3.9 پايىز جوعارى بولعان. 1 - ايدان 5 - ايعا دەيىن، بۇكىل قوعامنىڭ ەلەكتر تۇتىنۋ مولشەرى سايكەس مەزگىلدەگىدەن %2.8 تومەندەگەن. مۇنىڭ ىشىندە 1 - كاسىپ پەن تۇرعىنداردىڭ تۇرمىستىق ەلەكتر تۇتىنۋ مولشەرى جەكە - جەكە %7.1 جانە %5.2 وسسە، 2 - كاسىپتىڭ، 3 - كاسىپتىڭ ەلەكتر تۇتىنۋ مولشەرى سايكەس مەزگىلدەگىدەن جەكە - جەكە %4 جانە %6.3 تومەندەگەن. وڭىرلەر بويىنشا الىپ قاراعاندا، بۇكىل ەلدە 10 ولكەنىڭ (رايون، قالا) ەلەكتر تۇتىنۋ مولشەرىندە وڭ ءوسۋ بايقالعان، مۇنىڭ ىشىندە يۇنناننىڭ، شينجياڭنىڭ ءوسۋ جىلدامدىعى ورتاشا ەسەپپەن %5تەن اسقان.

  بۇدان سىرت، قاتىناس جانە زات جەتكىزۋ اينالىمى نەگىزىنەن قالپىنا كەلىپ، تەمىر جولدىڭ جولاۋشى - جۇك تيەلگەن ۆاگوندار سانى سايكەس مەزگىلدەگىمەن قارايلاس بولعان.

  ”سونىمەن بىرگە الەمدىك ىندەتتىڭ جانە دۇنيە جۇزىلىك ەكونوميكالىق جاعدايدىڭ ءالى دە كۇردەلى، قاتاڭ ەكەندىگىن، ونىڭ ەلىمىزدىڭ ەكونوميكالىق دامۋىنا جاساعان سوققىسى مەن ىقپالىنىڭ ءالى دە ۇزدىكسىز ايقىن كورىنىپ تۇرعاندىعىن؛ ەل ىشىندە بىتىراندى ناۋقاستاردىڭ ءالى دە بار بولىپ، تۇرعىنداردىڭ تۇتىنۋ سەنىمىنە جانە قىزمەت كورسەتۋ سالاسىنىڭ قالپىنا كەلۋىنە بەلگىلى دەڭگەيدە ىقپال جەتكىزۋ مۇمكىندىگىن كورە ءبىلۋ كەرەك“، - دەدى مىڭ ۋي.

  مىڭ ۋي ەكونوميكالىق اينالىمداعى كورنەكتى ماسەلەلەرگە باعىتتاي وتىرىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەۋدە، ”التىنى قامتاماسىز ەتۋ“ مىندەتىن جالپى بەتتىك تياناقتاندىرۋدا مىنا ءۇش جاقتاعى قىزمەتتى ءتۇيىندى تۇردە مىقتى ۇستاۋ كەرەكتىگىن باسا دارىپتەپ ءوتتى:

  ءبىرىنشى، ىشكى سۇرانىستىڭ كومەسكى كۇشىن زور كۇشپەن اشۋ، ىسكە قوسۋ. جوعارى ساپالى قامداۋ ارقىلى جاڭا سۇرانىسقا ۇيلەسىپ، جاڭا سۇرانىسقا جەتەكشىلىك ەتىپ جانە جاڭا سۇرانىس تۋىنداتىپ، ءۇي ەلەكتر جابدىقتارى، اۆتوكولىك سياقتىلاردى جاڭالاۋدى، اۋىستىرۋدى جانە قايتارىپ الىپ ءبىر جاقتى ەتۋدى بەلسەنە ىلگەرىلەتىپ، اۋقىمنىڭ ىڭعايىنا قاراي تۇتىنۋدىڭ جاڭا كاسىپ كۇيىنىڭ جەدەل دامۋىن، كەمەلدەنۋىن، دەڭگەيىنىڭ ءوسۋىن جەبەپ، ورتالىق مەجە ەسەپ ىشىندەگى قارجى قوسۋدىڭ، جەرگىلىكتى ۇكىمەتتەردىڭ ارنايى زايومىنىڭ جانە ىندەتكە قارسى اتتانۋ ارنايى مەملەكەت زايومىنىڭ تۇرتكىلىك، جەتەكتىك رولىن تولىق ساۋلەلەندىرىپ، ءالسىز سالالاردىڭ قۇرىلىسىن جەدەل ىلگەرىلەتۋ.

  ەكىنشى، كاسىپورىندارعا كومەك بەرۋ، كاسىپورىنداردى ورنىقتىرۋ ساياساتىنىڭ تياناقتانۋىن ويداعىداي يگەرۋ. سالىقتى ازايتۋعا، اقىنى تومەندەتۋگە قاتىستى ساياساتتاردى ءتۇيىندى تۇردە ويداعىداي تياناقتاندىرىپ، قارجى قۇراۋداعى ۇكىمەتتىك كەپىلدىكتىڭ اقى مولشەرلەمەسىن تومەندەتىپ، كەپىلدىكتىڭ قامتۋ كولەمىن كەڭەيتىپ، ءبىلىم مەنشىك ۇقىعىن كەپىلگە قويىپ قارجى قۇراۋ ءىسىن دامىتىپ، بانكەلەردى ناقتى ەكونوميكاعا پايدا بەرۋگە جەتەكتەۋ.

  ءۇشىنشى، امالدىڭ بارىنشا جۇمىستانۋدى قامتاماسىز ەتۋ، حالىق تۇرمىسىن قامتاماسىز ەتۋ. جوعارى مەكتەپ تاۋىسقان وقۋشىلار، شارۋا جۇمىسكەرلەر سياقتى ءتۇيىندى قاۋىمدى ءتۇيىندى تۇردە كوزدەي وتىرىپ، كاسىپورىندارعا كومەك بەرىپ جۇمىس ورىندارىن ورنىقتىرۋدى جانە جۇمىستاندىرۋ ارقىلى كومەكتەسۋ - سۇيەمەلدەۋدى كۇشەيتىپ، شارۋاشىلىق قۇرۋ ارقىلى جۇمىستانۋدى جەبەۋ. كەدەيلىكتەن ارىلتۋدان قامال الۋ جانە اۋىل - قىستاقتى گۇلدەندىرۋ شارالارىن تياناقتاندىرىپ، كەدەيلىكتەن ارىلتۋدان قامال الۋ نىسانالارىنىڭ ورىندالۋىنا شىنايى كەپىلدىك ەتۋ.

بيىل سوڭعى مەزگىلدە CPIدىڭ ارتۋ مولشەرىنىڭ ءۇرتىس تومەندەۋىنەن ءۇمىت بار

  5 - ايدا تۇرعىنداردىڭ تۇتىنۋ باعا كورسەتكىشى (CPI) سايكەس مەزگىلدەگىدەن %2.4 ارتىپ، ارتۋ مولشەرى وتكەن ايداعىدان 0.9 پايىز تومەندەگەن، بۇل تاياۋ 14 ايدان بەرگى ەڭ تومەنگى ارتۋ مولشەرى ەسەپتەلەدى.

  مىڭ ۋي بىلاي دەدى: مۇنداعى نەگىزگى سەبەپ جاڭا، ءتىرى اۋىل شارۋاشىلىق قوسىمشا ونىمدەرىن ءوندىرۋ، تاسىمالداۋ قالپىنا كەلدى، جاڭا كوكونىستەر كوپ مولشەردە بازارعا شىعارىلدى، شوشقا ءوندىرىسىنىڭ قالپىنا كەلۋ، كەڭەيۋ جاعدايى جاقسارىپ، اۋىل شارۋاشىلىق قوسىمشا ازىق - تۇلىكتەرىمەن ءونىمدى قامداۋ كورنەكتى ارتتى.

  ”اسىرەسە، CPI مەن وزەكتى CPIدىڭ سايكەس مەزگىلدەگىدەن ارتۋ مولشەرىندەگى پارىق ازايدى، بيىل 2 - ايداعى 4.2 پايىزدان بيىل 5 - ايدا 1.3 پايىزعا تومەندەدى“. مىڭ ۋي بىلاي دەدى: 4 - ، 5 - ايلاردا وزەكتى CPIدىڭ ارتۋ مولشەرى تۇگەلدەي %1.1 بولدى، بۇل شوشقا ەتى مەن كوكونىس سياقتى اۋىل شارۋاشىلىق قوسىمشا ونىمدەرى باعاسىندا ءبىرشاما زور مولشەردە تومەندەۋدىڭ جارىققا شىعۋىنا ىلەسە CPIدىڭ ارتۋىن ىلگەرىلەتەتىن قۇرىلىمدىق سيپاتتى فاكتورلاردىڭ ءبىرشاما تەز باسەڭدەگەندىگىن ونان ارى اڭداتىپ وتىر.

  ”جالپى جاقتان تۇجىرىم جاساعاندا، بيىل سوڭعى جارتى جىلدا شوشقا ەتىنىڭ باعاسى بىرتىندەپ تومەندەۋ جاعدايىن ساقتاۋى مۇمكىن، سونداي - اق ماۋسىمدىق جانە مەرەكەلىك قاجەتتەگى وزگەرىسكە ساي ازدى - كوپتى تولقۋ بولۋى مۇمكىن. مۇنان سىرت، ەلىمىزدىڭ استىقپەن جانە ازىقتىق مايمەن قامداۋى جەتكىلىكتى، استىق، ماي باعاسىنىڭ ورنىقتى اينالىمعا تۇسۋىنەن ءۇمىت بار؛ كوكونىس، جەمىس - جيدەك سياقتىلاردىڭ باعاسىندا قالىپتى ماۋسىمدىق تولقۋ بولۋى مۇمكىن، الايدا ازىق - تۇلىك باعاسى جالپى جاقتان نەگىزىنەن ورنىقتىلىق جاعدايدى ساقتايدى“، - دەدى مىڭ ۋي.

  ول بىلاي دەپ اتاپ كورسەتتى: ەلىمىزدە ماكرولىق ساياسات كەڭىستىگى جەتكىلىكتى، ەل ءىشى بازار تىرەگى مىقتى، ەكونوميكالىق دامۋدا جەتەرلىك توزىمدىلىك جانە كومەسكى كۇش بار، نەگىزگى كاسىپ سالالارىنىڭ ءوندىرىستى قالپىنا كەلتىرىپ، ءوندىرىس قۋاتىنا جەتۋ جاعدايى جاقسى، ءتۇرلى تۇتىنۋ ونىمدەرىمەن قامداۋ جەتكىلىكتى، زات باعاسىنىڭ ورنىقتى اينالىمىن ساقتاۋ بەرىك نەگىزگە يە. توسىن ىقپالدىڭ بىرتىندەپ باسەڭدەۋىنە ىلەسە، بيىل سوڭعى مەزگىلدە CPIدىڭ ارتۋ مولشەرىنىڭ ۇزدىكسىز تومەندەۋىنەن ءۇمىت بار، تۇتاس جىلدا الدىندا جوعارىلاپ، سوڭىنان تومەندەۋ جاعدايى جارىققا شىعۋى مۇمكىن، زات باعاسىنىڭ جالپى تۇلعالىق دەڭگەيى ۇيلەسىمدى ارالىقتا بولادى.

قالا - قالاشىقتاندىرۋداعى ولقىلىقتاردى، ءالسىز تۇستاردى جەدەل تولىقتاۋ

  تاياۋ جىلداردان بەرى، ەلىمىزدىڭ جاڭاشا قالا - قالاشىقتاندىرۋ قۇرىلىسى پارمەندى، ءتارتىپتى ىلگەرىلەتىلىپ، ىشكى سۇرانىستى كەڭەيتۋدىڭ نەگىزگى قوزعاۋشى كۇشىنە بىرتىندەپ اينالدى. مىڭ ۋي بىلاي دەدى: جاڭاشا قالا - قالاشىقتاندىرۋ بارىسىندا از بولماعان ولقىلىقتار مەن ءالسىز تۇستار ورىن تەبەدى. قالا - قالاشىقتاندىرۋدىڭ ساپاسى مەن دەڭگەيىن كوتەرۋدى ارقاۋ ەتىپ، قالا - قالاشىق نەگىزدىك قۇرىلعىلارى مەن الەۋمەتتىك قىزمەت وتەۋ ولقىلىقتارىن جەدەل تولىقتاپ، قالالاردى جاڭالاۋ مەن قالانى جونگە سالۋعا اناعۇرلىم باسا ءمان بەرىپ، كاسىپ سالاسى مەن حالىقتى شوعىرلاندىرۋدىڭ تىرەكتىلىك قۋاتىن جوعارىلاتۋ كەرەك.

  ءبىرىنشى، تۇراقتى نوپوستاعى حالىق سانى كولەمىن نەگىز ەتىپ، قالالاردىڭ الەۋمەتتىك قىزمەت وتەۋ جۇيەسىن اقاۋسىزداندىرۋ. ءتۇرلى قالالاردىڭ، اسىرەسە، اۋىل شارۋاشىلىعىنان باسقا كاسىپ سالاسىنا ويىسقان حالىق شوعىرلى اعىلعان قالالاردىڭ نوپوس قوندىرۋ شەكتەمەسىن بوساتۋدى، كەڭەيتۋدى ىلگەرىلەتىپ، قونىستانۋ كۋالىگىن دانەكەر ەتكەن، قونىستانعان جىل شەگى سياقتى شارتتارمەن ءوزارا بايلانىسقان نەگىزگى الەۋمەتتىك قىزمەت وتەۋمەن قامداۋ مەحانيزمىن ۇزدىكسىز كەمەلدەندىرۋ. ورتالىق قالا مەن ءتۇيىندى قالا شوعىرىن جەدەل دامىتىپ، جاڭا ارتۋ ۇيەگى مەن ارتۋ كەڭىستىگىن قالىپتاستىرۋ.

  ەكىنشى، اۋدان قالاشىعىن قالا - قالاشىقتاندىرۋداعى ولقىلىقتاردى، ءالسىز تۇستاردى تولىقتاۋدى كىرىسۋ ءتۇيىنى ەتىپ، قالا - قالاشىقتىڭ جالپىلىق كوتەرىمدىلىك قۋاتىن جوعارىلاتۋ.

  ءۇشىنشى، كونە شاعىن اۋماقتاردى جاڭالاۋدى تۇتقا ەتىپ، قالانى جاڭالاۋدى جەدەل ىلگەرىلەتۋ. سۋ، ەلەكتر، گاز، جول، تەلەگراف سياقتى سايكەستى نەگىزدىك قۇرىلعىلاردى، سونداي - اق قارتتاردى كۇتىمدەۋ، تاپسىرىسپەن قاراۋ، كولىك توقتاتۋ، حالىققا قولايلى بازار سياقتى الەۋمەتتىك قىزمەت وتەۋ قۇرىلعىلارىن ءتۇيىندى قولداۋ، كەمەلدەندىرۋ. جەرگىلىكتى جاعدايعا قاراي كونە زاۆود ۇيلەرىن، كونە ءمالى رايوندارىن جانە قالا ورتاسىنداعى قىستاقتاردى جاڭالاۋدى ىلگەرىلەتۋ.

  ءتورتىنشى، الەۋمەتتىك اۋماقتى نەگىز ەتىپ، قالانى جونگە سالۋ دەڭگەيىن جوعارىلاتۋ. قالالىق ۇكىمەتتىڭ قىزمەت وتەۋگە قاراي بۇرىلىس جاساۋىن، جونگە سالۋ ءتاسىلىنىڭ دالمە - دالدىككە قاراي بۇرىلىس جاساۋىن، سايكەستى بايلىقتىڭ ءمالى الەۋمەتتىك اۋماعىنا ويىسۋىن ىلگەرىلەتىپ، نەگىزگى جانە نەگىزدىك ەمەس الەۋمەتتىك قىزمەت وتەۋ سياقتى يقۋاتتاردى ءبىر تۇلعالاندىرعان تاماشا تۇرمىستىق قىزمەت وتەۋ پۋنكتىن قۇرۋ. الەۋمەتتىك دەنساۋلىق ساقتاۋ ولقىلىقتارىن تولىقتاپ، زەردەلى قالا قۇرۋدى ىلگەرىلەتۋ.