«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى
11 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 22 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 19 - كەزەكتى ورتالىق كوميتەت ساياسي بيۋروسى وتكىزگەن 5 - رەتكى توپتىق ۇيرەنۋدە «كوممۋنيستىك پارتيا جارناماسى» جانە ونىڭ داۋىرلىك ماڭىزى جونىندە جاريالاعان ماڭىزدى ءسوزى: «ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعىن» جاريالادى.
ماقالادا مىنالار باسا دارىپتەلدى: ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى. ءبىز «كوممۋنيستىك پارتيا جارناماسىن» قايتا پىسىقتاعاندا، ماركسيزم اقيقاتىنىڭ كۇشىن سەزىنىپ، ماركسيزم سەنىمىن بەكەمدەپ، ماركسيزمدىك ساياسي پارتيانىڭ العاباسارلىعى مەن كىرشىكسىزدىگىن ساقتاۋىنىڭ نازاريالىق قاينارىن ەسكە ءتۇسىرىپ، بۇكىل پارتيانىڭ ماركسيزمنىڭ نەگىزگى قاعيداسىنان پايدالانىپ، زامانىمىزداعى جۇڭگونىڭ ءىس جۇزىندىك ماسەلەلەرىن شەشۋ قابىلەتى مەن ورەسىن جوعارىلاتىپ، «كوممۋنيستىك پارتيا جارناماسى»ندا ساقتالعان عىلمي قاعيدا مەن عىلمي رۋحتى ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس جوسپارلاۋ امالياتىندا قولدانىپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ جاڭا تاراۋىن ۇزدىكسىز جازۋىمىز كەرەك.
ماقالادا مىنالار اتاپ كورسەتىلدى: «كوممۋنيستىك پارتيا جارناماسى»نىڭ كەلەلى نازاريالىق ۇلەسىن جەتە تانۋ كەرەك. «كوممۋنيستىك پارتيا جارناماسى» عىلمي سوتسياليزمنىڭ قاعيداسىن تۇڭعىش رەت جان - جاقتى تۇسىندىرگەن ۇلى شىعارما، ماركسيزمنىڭ عىلمي دۇنيە كوزقاراسىن تەرەڭ بايىمدادى، ماركسيزمدىك ساياسي پارتيانىڭ تاڭداۋلى قاسيەتىن تەرەڭ بايىمدادى، ماركسيزمدىك ساياسي پارتيانىڭ ساياسي تۇرعىسىن تەرەڭ بايىمدادى، ماركسيزمدىك ساياسي پارتيانىڭ وسكەلەڭ مۇراتىن تەرەڭ بايىمدادى، ماركسيزمنىڭ توڭكەرىستىك تۇعىرناماسىن تەرەڭ بايىمدادى، ماركسيزمدىك ساياسي پارتيانىڭ ينتەرناتسيوناليزم رۋحىن تەرەڭ بايىمدادى.ماقالادا مىنالار اتاپ كورسەتىلدى: «كوممۋنيستىك پارتيا جارناماسى»نىڭ دۇنيە ءجۇزى سوتسياليزمىنە جاساعان تەرەڭ ىقپالىن جەتە تانۋ كەرەك. «كوممۋنيستىك پارتيا جارناماسى» دۇنيەگە كەلىسىمەن - اق، امالياتتا دۇنيە جۇزىندەگى سوتسياليزمنىڭ دامۋىن ىلگەرىلەتتى، ادامزاتتىڭ تاريحي اياق الىسىن ىشكەرىلەي وزگەرتتى. پارتيامىز اشقان جاڭا دەموكراتيالىق توڭكەرىس جولىنىڭ، سوتسياليستىك توڭكەرىستىك جولىنىڭ، سوتسياليستىك قۇرىلىس جولىنىڭ، جۇڭگوشا سوتسياليزم جولىنىڭ ءبارى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋدىڭ ۇلى جاسامپازدىعى. جۇڭگو كوممۋنيستىك پارتياسى «كوممۋنيستىك پارتيا جارناماسى» رۋحىنىڭ ادال مۇراگەرى.
ماقالادا مىنالار اتاپ كورسەتىلدى: «كوممۋنيستىك پارتيا جارناماسى»نىڭ عىلمي قاعيداسىنا جانە عىلمي رۋحىنا تاباندى بولۋ كەرەك. ءبىرىنشى، العان بەتىنەن قايتپاي كوممۋنيزم ۇلى مۇراتى جانە جۇڭگوشا سوتسياليزم ورتاق مۇراتى ءۇشىن كۇرەسۋ كەرەك. ەكىنشى، حالىقتى وزەك ەتكەن دامۋ يدەياسىن ادالدىقپەن امالياتتا ايگىلەۋ كەرەك. ءۇشىنشى، دۇنيە ءجۇزى دامۋىنىڭ جالپى اۋقىمىنا سايكەسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. ءتورتىنشى، جاڭا ءداۋىردىڭ جاڭا تالابى بويىنشا پارتيا قۇرىلىسىن كۇشەيتۋ كەرەك. بەسىنشى، ماركسيزمنىڭ جۇڭگوشالانعان تىڭ ءورىسىن ۇزدىكسىز اشۋ كەرەك. التىنشى، ماركسيزمنىڭ كلاسسيكالىق شىعارمالارىن ۇيرەنۋدى، زەرتتەۋدى كۇشەيتۋ كەرەك.
